ទីផ្សារអង្ករពិភពលោកតឹងតែង! «តម្លៃឈានដល់កម្រិតខ្ពស់បំផុត» បន្ទាប់ពីឥណ្ឌាបានហាមឃាត់ការនាំចេញ

សេដ្ឋកិច្ចថ្ងៃព្រហស្បត្តិ៍ ទី07 ខែកញ្ញា ឆ្នាំ2023 ម៉ោង 7:58 នាទី ល្ងាច

ដោយ សាវុឌ្ឍ៖

ពី siamrath

ទីផ្សារអង្ករពិភពលោកកំពុងប្រឈមនឹងសភាវៈតានតឹងខ្លាំង រួមជាមួយនឹងតម្លៃកើនឡើងរហូតមកដល់ចុងខែសីហាកន្លងទៅ បន្ទាប់ពីអាជ្ញាធរឥណ្ឌាផ្អាកការនាំចេញអង្ករគ្រប់ប្រភេទ លើកលែងតែអង្ករបាសម៉ា កាលពី ៦ សប្តាហ៍មុន ឬពីថ្ងៃ២០ កក្កដាមក ។

ដោយអង្ករបាក់ 5% របស់ប្រទេសថៃ ដែលត្រូវបានដំឡើងដល់តម្លៃមធ្យមនៃទីផ្សារអង្ករនៅអាស៊ី តម្លៃបានកើនឡើងដល់ ៦៤៨ ដុល្លារអាមេរិកក្នុងមួយតោន ចាត់ទុកជាកំណត់ត្រាខ្ពស់បំផុតចាប់តាំងពីខែតុលា ឆ្នាំ ២០០៨ ។ ចំណែកអង្ករក្រអូបផ្កាម្លិះថៃ តម្លៃក៏បានបង្កើតកំណត់ត្រាថ្មីផងដែរ ក្នុងតម្លៃ ៧៩៦ ដុល្លារក្នុងមួយតោន កាលពីពាក់កណ្តាលខែសីហាកន្លងទៅ កើនឡើងចាប់ពីដើមខែកក្កដាកន្លង តម្លៃ ៦៦២ដុល្លារក្នុងមួយតោន ។

មួយវិញទៀត អ្នកវិភាគបានសម្ដែងការយល់ឃើញរបស់ខ្លួន ព្រួយបារម្ភអំពីស្ថានភាពសន្តិសុខស្បៀងពិភពលោក បើប្រទេសនាំចេញអង្ករលំដាប់ទី២ និងទី៣ របស់ពិភពលោក នោះមានន័យថា ថៃ និងវៀតណាម ផ្អាកការនាំចេញអង្ករដូចប្រទេសឥណ្ឌាដែរ ដែលជាប្រទេសនាំចេញអង្ករលេខ ១ របស់ពិភពលោក ដោយប្រទេសឥណ្ឌាផ្អាកការនាំចេញរបស់ខ្លួន ដើម្បីរក្សាស្ថិរភាពទីផ្សារម្ហូបអាហារក្នុងស្រុក កុំឱ្យឡើងខ្ពស់ពេក ៕

ហាមធ្វើការចម្លងអត្ថបទ ដោយមិនមានការអនុញ្ញាត្តិ។

ភ្ជាប់ទំនាក់ទំនងជាមួយយើងឥឡូវនេះ

អត្ថបទប្រហាក់ប្រហែល