អត្ថបទ សូរ្យរិទ្ធ៖
មានព័ត៌មានជាច្រើនបាននិយាយច្រំដែលៗ អំពីភ្ញៀវទេសចរណ៍បរទេសចូលមកលេងប្រទេសកម្ពុជា មិនច្រើនដូចប្រទេសជិតខាង ។ តើមកពីមូលហេតុអ្វី?
ឥណ្ឌូណេស៊ីត្រៀមដាក់ដំណើរការកម្មវិធី Golden Visa (ទិដ្ឋាការមាស) ដើម្បីទាក់ទាញវិនិយោគិនឯកត្តជន និងក្រុមហ៊ុនបរទេសមកបណ្តាក់ទុនក្នុងប្រទេស ដើម្បីជំរុញសេដ្ឋកិច្ច នេះបើតាមសេចក្តីថ្លែងការណ៍របស់ក្រសួងច្បាប់ និងសិទ្ធិមនុស្សឥណ្ឌូនេស៊ី ចេញផ្សាយកាលពីដើមខែកញ្ញា ។
លោក ស៊ីលមី ការីម (Silmi Karim) អគ្គនាយកនៃអគ្គនាយកដ្ឋានអន្តោប្រវេសន៍នៃប្រទេសឥណ្ឌូនេស៊ី បានបញ្ជាក់ថា ការកាន់ Golden Visa នឹងពន្យារសុពលភាពនៃប័ណ្ណស្នាក់នៅសម្រាប់រយៈពេលពី ៥ ទៅ ១០ ឆ្នាំ ហើយអ្នកកាន់ទិដ្ឋាការហ្គោលដិននឹងមិនចាំបាច់ស្នើសុំលិខិតអនុញ្ញាតចូល ពេលមកដល់ប្រទេសឥណ្ឌូនេស៊ីទៀតឡើយ ។
វិនិយោគិនបុគ្គលដែលសត្រូវការទិដ្ឋាការរយៈពេល ៥ ឆ្នាំត្រូវតែបង្កើតក្រុមហ៊ុនក្នុងទឹកប្រាក់ ២,៥ លានដុល្លារអាមេរិកហើយសម្រាប់អ្នកវិនិយោគដែលចង់បានទិដ្ឋាការរយៈពេល ១០ ឆ្នាំ ពួកគេត្រូវវិនិយោគក្នុងទឹកប្រាក់ ៥ លានដុល្លារអាមេរិក ។
ចំណែកអ្នកវិនិយោគ ក្រុមហ៊ុនត្រូវវិនិយោគ ២៥ លានដុល្លារអាមេរិក ដើម្បីឲ្យនាយក និងក្រុមប្រឹក្សាក្រុមហ៊ុនទទួលបានទិដ្ឋាការរយៈពេល ៥ ឆ្នាំ ហើយក្រុមហ៊ុនត្រូវវិនិយោគបន្ថែម ៥០ លានដុល្លារអាមេរិកបន្ថែមទៀត ដើម្បីទទួលបានទិដ្ឋាការរយៈពេល ១០ ឆ្នាំ។
យ៉ាងណាមិញ សម្រាប់អ្នកវិនិយោគបរទេសដែលមិនបង្កើតក្រុមហ៊ុនក្នុងប្រទេសឥណ្ឌូនេស៊ី តែត្រូវការទិដ្ឋាការមាស នឹងត្រូវការវិនិយោគប្រាក់ ៣៥០.០០០-៧០០.០០០ដុល្លារអាមេរិក នៅក្នុងមូលនិធិដើម្បីទិញមូលបត្ររដ្ឋាភិបាលឥណ្ឌូនេស៊ី ។
នៅប្រទេសថៃ កាលពីថ្ងៃទី ១៣ ខែកញ្ញា លោក សេដ្ឋា ថាវីសីន នាយករដ្ឋមន្ត្រីថៃបានប្រកាសថា ប្រទេសថៃបានអនុវត្តការលើកលែងទិដ្ឋាការរយៈពេលប្រហែល ៥ ខែចំពោះភ្ញៀវទេសចរចិនចាប់ពីថ្ងៃទី ២៥ ខែកញ្ញា ឆ្នាំ ២០២៣ ដល់ថ្ងៃទី ២៩ ខែកុម្ភៈ ឆ្នាំ ២០២៤ ។
ប្រទេសវៀតណាម សុទ្ធតែបានដាក់គោលដៅជាឆ្នាំទេសចរណ៍ ក្រោយវិបត្តិជំងឺកូវីដ-១៩ ។ គ្រាន់តែ ៤ ខែដើមឆ្នាំ ២០២៣ វៀតណាមទទួលភ្ញៀវទេសចរណ៍បរទេសបាន ៣,៧ លាននាក់ និងទេសចរណ៍ក្នុងស្រុក ៣៨ លាននាក់ បានចំណូលសរុប ១៩៦,៦ ពាន់ពាន់លានដុង ស្មើនឹង ៨,៤ ពាន់លានដុល្លារ ។
មានចំណុចមួយដែលកម្ពុជាត្រូវប្រុងប្រយ័ត្ន ចំពោះការផ្សាយព័ត៌មានរបស់សារព័ត៌មានបរទេស ដែលផ្សាយមិនពិត បំភ្លៃ ឬការផ្សាយបង្ខូចកេរ្តិ៍ឈញមោះ អំពីការជួញដូរមនុស្ស ចោរកម្មតាមអនឡាញ ការចាប់ជម្រិត អំពីពួកយីកូងជនជាតិចិន ដែលធ្វើឲ្យប៉ះពាល់ដល់មុខមាត់របស់ប្រទេសកម្ពុជាយើង និងធ្វើឲ្យមានការខ្លាចរអែងដល់ភ្ញៀវទេសចរណ៍មិនហ៊ានមកលេងនៅកម្ពុជា ។
ដើម្បីទាក់ទាញភ្ញៀវទេសចរណ៍ឲ្យកើ់នឡើង Admin សូមផ្តល់ទស្សនៈខ្លះៗ ដើម្បីឲ្យទេសចរណ៍ចូលមកលេងប្រទេសយើង គឺ ៖
មហាជនជាច្រើនបានសម្តែងចម្ងល់ដូចៗគ្នាថា ហេតុអ្វីប្រទេសកម្ពុជាយើងមានភ្ញៀវមកលេងតិច ហើយប្រទេសជិតខាងបែរជាមានភ្ញៀវទេសចរណ៍ចូលប្រទេសគេច្រើន ។ ជាការពិត និន្នាការនៅប្រទេសអាស៊ានមួយចំនួន ដូចជាប្រទេសថៃ ឥណ្ឌូនេស៊ី ជាដើម ចាប់ផ្តើមលើកលែងទិដ្ឋាការ ដោយកំណត់ច្បាស់ពីការចូលវិនិយោគរបស់ឯកត្តបុគ្គល ក្រុមហ៊ុន និង ទេសចរណ៍ ។ ដូច្នេះការលើកលែងទិដ្ឋាការ (វីសា) ជារឿងសំខាន់សម្រាប់ទាក់ទាញភ្ញៀវទេសចរណ៍ចូលស្រុក ។
កម្ពុជាសង្ឃឹមថា នៅពេលអាកាសយានដ្ឋានថ្មីទាំងពីរ (សៀមរាប និង ខេត្តកណ្តាល) បើកដំណើរការពេញលេញ យើងនឹងបានការហោះហើរត្រង់ ពីប្រទេសមួយចំនួន ពិសេសប្រទេសចិន និងឥណ្ឌា ៕