ដោយ សាវុឌ្ឍ៖

មេដឹកនាំអ៊ីស្រាអែលប្រកាសពីការ «ឆ្លើយតបយ៉ាងម៉ឺងម៉ាត់» បន្ទាប់ពីភ្ញាក់ផ្អើលពីការបើកប្រតិបត្តិការធំ របស់លើក្រុមហាម៉ាស ប៉ាឡេស្ទីន ។

ទីភ្នាក់ងារសារព័ត៌មានបរទេសរាយការណ៍ពីទីក្រុងតេចអាវ៊ីល (Tel Aviv)ថា កាលពី​ថ្ងៃ​ទី​៧ តុលា​ថា នាយក​រដ្ឋមន្ត្រី បេនចាមីន នេតាន់យ៉ាហ៊ូ បាន​ប្រកាស​ថា «​អ៊ីស្រាអែល​កំពុង​មាន​សង្គ្រាម​ហើយ​» ហើយ​បាន​ប្រកាស​ថា «សត្រូវរបស់អ៊ីស្រាអែលប្រឈមមុខនឹងកម្រិតនៃការសងសឹកដែលមិនធ្លាប់មានពីមុនមក»។

ការប្រកាសនេះ ត្រឹមតែប៉ុន្មានម៉ោង ក្រោយក្រុមហាម៉ាសដែលគ្រប់គ្រងជ្រោយកាហ្សា ប្រកាសបើកប្រតិបត្តិការ «អាល់-អាក់សរ ផ្លាត់» ទៅអ៊ីស្រាអែល ដោយមានការបាញ់កាំជ្រួចដាក់អ៊ីស្រាអែលប្រមាណ ៥.០០០ គ្រាប់ ។

រហតមកដល់ថ្ងៃទី ៨ តុលា តួលេខអ្នកបាត់បង់ជីវិត ២៣០ នាក់ និងរបួសជាង ១៧.០០០ នាក់ហើយ ។

ខណៈពេលដែលបណ្តាញអ្នកប្រយុទ្ធប៉ាឡេស្ទីន បញ្ជូន​កម្លាំង​ជ្រៀត​ចូល​ពី​ហ្គាហ្សា ចូល​តំបន់​ភាគ​ខាង​ត្បូង​នៃ​ប្រទេស​អ៊ីស្រាអែល ដើម្បីដំណើរការ «ទប់ទល់នឹងការកាន់កាប់របស់អ៊ីស្រាអែល» ។

​ព័ត៌មាន​បឋម​ពី​ក្រសួង​សុខាភិបាល​អ៊ីស្រាអែលថា ការទម្លាក់គ្រាប់រ៉ុក្កែតរបស់ក្រុមហាម៉ាស ជាលទ្ធផលមនុស្ស ២២ នាក់បានស្លាប់ និងជាង ៥៤៥ នាក់បានរងរបួស។

កងកម្លាំងការពារអ៊ីស្រាអែល (IDF) បានបើកស៊ីរ៉ែន ដើម្បីព្រមានពលរដ្ឋទូទាំងប្រទេស និងបានធ្វើការវាយប្រហារតាមអាកាសជាង ២០ ទីតាំងនៅតំបន់ហ្គាហ្សាស្ទ្រីប ដោយមិនមានការបញ្ជាក់ជាផ្លូវការអំពីការខាតបង់នោះទេ ។

ចំពោះមូលហេតុនៃជម្លោះនេះ បណ្តាលមកពីអ៊ីស្រាអែលបិទច្រកព្រំដែននៅតំបន់ហ្គាហ្សាស្ទ្រីបរយៈពេលពីរសប្តាហ៍ក្នុងខែកញ្ញា ដែលនាំឱ្យមានការបះបោរពីប៉ាឡេស្ទីននៅក្នុងតំបន់ រហូតដល់អ៊ីស្រាអែលយល់ព្រមបើកច្រកព្រំដែនឡើងវិញនៅថ្ងៃទី 28 ខែកញ្ញា ហើយប៉ូលីសអ៊ីស្រាអែលបានឆែកឆេរវិហារ អាល់-អាក់សា និងតំបន់លំនៅដ្ឋានរបស់ប៉ាឡេស្ទីនជាបន្តបន្ទាប់។

សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីកម្ពុជា និងសម្តេចអគ្គមហាសេនាបតីតេជោ ហ៊ុន សែន ប្រធានក្រុមប្រឹក្សាព្រះមហាក្សត្រនៃកម្ពុជា បានចេញសារសំលេង ជូន​ពលរដ្ឋ និងនិស្សិតខ្មែរ ដែលនៅអ៊ីស្រាអែល រួមទាំងមានការបារម្ភចំពោះសុវត្ថិភាព ហើយបានណែនាំឲ្យក្រសួងការបរទេស និងសហប្រតិបត្តិការ ​និង ក្រសួងកសិកម្ម ទំនាក់ទំនងឲ្យបានជាប់ជាមួយអាជ្ញាធរអ៊ីស្រែល ដើម្បីជួយពួកគាត់រកកន្លែងសាសុវត្ថិភាព និងស្តាប់តាមការណែនាំ​របស់​អាជ្ញាធរអ៊ីស្រាអែល ៕

រូបភាព AFP