ដោយ សូរ្យសែង៖ 

នៅថ្ងៃសុក្រ ​ទី​២៧ ខែ​តុលា លោក អេនទីណូ ប្លីនខេន (Antony Blinken) រដ្ឋមន្ត្រីក្រសួងការបរទេសសហរដ្ឋអាមេរិក បានទទួលស្វាគមន៍លោក វ៉ាង យី (Wang Yi) ប្រធានការិយាល័យគណៈកម្មាធិការកិច្ចការបរទេសមជ្ឈិមនៃប្រទេសចិន និងជារដ្ឋមន្ត្រីក្រសួងការបរទេស នៅវ៉ាស៊ីនតោន ក្នុងឱកាសនៃដំណើរទស្សនកិច្ចផ្លូវការ កាលពី​ថ្ងៃព្រហស្បតិ៍ ទី ២៦ តុលា ។

លោក ប្លីនខេន ប្រាប់លោក វ៉ាង យី ថា សហរដ្ឋអាមេរិកការប្តេជ្ញាបង្កើតឲ្យមាន «ការសន្ទនាប្រកបដោយការស្ថាបនា» ។ ចំណែកលោក វ៉ាង បាននិយាយថា ប្រទេសចិនចង់ «កាត់បន្ថយការយល់ច្រឡំរវាងភាគីទាំងពីរ» និងពង្រីកវិសាលភាពនៃកិច្ចសហប្រតិបត្តិការ ក្នុងការទំនាក់ទំនងគ្នា ដើម្បី​វិល​ទៅ​រក​ស្ថិរភាព និង​ដំណើរ​ការ​ល្អ​ជា​ថ្មី​​ឡើងវិញ និង​ស្នើ​ឱ្យ​រួម​គ្នា​ពិចារណា​ឱ្យ​បាន​ត្រឹមត្រូវ​តាម​គោលការណ៍  ចៀសវាងប្រើពាក្យ«នរណាមានអំណាចច្រើនជាង?» ។

ក្រៅពីការជួបពិភាក្សាជាមួយ ប្លីនខេន សង្ឃឹមថានឹងគ្រោងជួបជាមួយទីប្រឹក្សាគោលនយោបាយសន្តិសុខជាតិរបស់សេតវិមានលោក ជេក ស៊ុលលីវ៉ាន (Jake Sullivan) ។ ទោះបីជាមិនមានការបញ្ជាក់ជាផ្លូវការ អំពីជំនួបជាមួយប្រធានាធិបតី ចូ បៃដេន ក៏ដោយ ប៉ុន្តែមនុស្សជាច្រើនជឿថាវានឹងកើតឡើង ដោយសារប្រធានាធិបតីចិន ហ្ស៊ី ជិនពីង បានផ្តល់ការស្វាគមន៍ដល់ ប្លីនខេន ដោយផ្ទាល់កាលពីក្នុង​ដំណើរ​ទស្សនកិច្ច​របស់​អ្នកការទូត​អាមេរិក​លេខ​មួយ​ទៅកាន់​ទីក្រុង​ប៉េកាំង​កាលពី​ខែមិថុនា ឆ្នាំ ២០១៨ ។ លោក ប្លីនខេន គឺជា​មន្ត្រីជាន់ខ្ពស់​ក្នុង​រដ្ឋបាល​ក្រុង​វ៉ាស៊ីនតោន ដែលបានមកប្រទេសចិន ។

ជាងនេះទៅទៀត ភាគីជាច្រើនយល់ឃើញថា ដំណើរទស្សនកិច្ចរបស់លោក វ៉ាង នឹង «ត្រួសត្រាយផ្លូវ» សម្រាប់ដំណើរទស្សនកិច្ចរបស់ប្រធានាធិបតីចិន ហ្ស៊ី ជិនពីង ទៅកាន់សហរដ្ឋអាមេរិក ដើម្បីចូលរួមកិច្ចប្រជុំកំពូល កិច្ចសហប្រតិបត្តិការសេដ្ឋកិច្ចអាស៊ីប៉ាស៊ីហ្វិក (APEC) នៅសាន់ហ្វ្រាន់ស៊ីស្កូក្នុងខែវិច្ឆិកាខាងមុខ ៕