ដោយ សូរ្យរិទ្ធ
បកប្រែពី springnews
ក្នុងអំឡុងពេល ៤ ទសវត្សរ៍កន្លងមកនេះ ប្រទេសអ៊ីរ៉ង់បានជះលុយទៅលើការបង្កើតបណ្តាញក្រុមប្រដាប់អាវុធនៅមជ្ឈិមបូព៌ាជាច្រើនក្រុម ដើម្បីប្រព្រឹត្តអំពើភេរវកម្ម និងបង្កអស្ថិរភាពសន្តិសុខ ដោយក្រុមទាំងនេះសុទ្ធតែបានទទួលការហ្វឹកហាត់ និងបំពាក់អាវុធដោយអង្គភាពឆ្មាំបដិវត្តន៍អ៊ីរ៉ង់ (IRGC)។
ប្រតិបត្តិការរបស់ក្រុមភេរវជន មានជាញឹកញយនៅតំបន់ហ្គាហ្សា តំបន់វេសប៊ែង លីបង់ ស៊ីរី និងតំបន់ផ្សេងទៀត នៅមជ្ឈិមបូព៌ា ដែលកន្លងមក យោធាអ៊ីស្រាអែលបានប្រឹងប្រែងបំផ្លាញឥទ្ធិពលរបស់ក្រុមទាំងនេះយ៉ាងខ្លាំងក្លា ប៉ុន្តែការគំរាមកំហែងពីក្រុមផ្សេងៗនៅតែបង្ហាញថា វាប៉ះពាល់ដល់សន្តិសុខអ៊ីស្រាអែលនៅក្នុងតំបន់ដដែលៗ ទោះបីជារាប់ទសវត្សរ៍បានកន្លងផុតទៅហើយក៏ដោយ ។
យើងធ្លាប់ដឹងមកហើយថា សង្គ្រាមមុនៗរបសអ៊ីស្រាងែលជាមួយប៉ាឡេស្តីន ធ្វើឡើងត្រឹមតែមួយអាទិត្យប៉ុណ្ណោះ អ៊ីស្រាអែលនឹងឈ្នះ ប៉ុន្តែលើកនេះ មិនធម្មតាទេ សង្គ្រាមរវាងអ៊ីស្រាអែល និងហាម៉ាសបានចំណាយពេលជាងមួយខែទៅហើយ អ៊ីស្រាអែលនៅមិនទាន់សម្រេចបំណងឡើយ ដូច្នេះ សង្គ្រាមមិនងាយចប់ឆាប់ៗទេ បើគ្មានការចរចា ។
ទោះជាយ៉ាងណា បើរៀបចំតាមលំដាប់តាំងពីដើមមក ក្រុមប្រដាប់អាវុធជាង ២០ ត្រូវបានរកឃើញថាស្ថិតនៅក្នុងបណ្តាញរបស់អ៊ីរ៉ង់ ប៉ុន្តែដោយសារតែក្រុមជាច្រើនត្រូវបានបំផ្លាញ ឬបាត់បង់ថាមពល ធ្វើឱ្យព័ត៌មានពិតប្រាកដនៃក្រុមទាំងនោះត្រូវបានបាត់បង់ផងដែរ ប៉ុន្តែក្រុមដែលបានបង្ហាញខ្លួនក្នុងសង្រ្គាមអ៊ីស្រាអែលជាមួយក្រុមហាម៉ាស គឺជាកម្លាំងប្រដាប់អាវុធដែលនៅតែមានអំណាច និងឥទ្ធិពលនៅមជ្ឈិមបូព៌ា ។
ពួកគេបានត្រៀមខ្លួនជាស្រេចសម្រាប់សង្គ្រាមរយៈពេលវែងជាមួយអ៊ីស្រាអែល ហើយនឹងមិនឈប់ទាល់តែសោះរហូតសម្រេចបានគោលដៅគឺ «អ៊ីស្រាអែលត្រូវតែវិនាស»។
កងកម្លាំងប្រដាប់អាវុធធំទីពីរ បន្ទាប់ពីក្រុមហាម៉ាសនៅតំបន់ហ្គាហ្សា វាមានបណ្តាញនៅក្នុងប្រទេសស៊ីរី លីបង់ ហ្គាហ្សា និងតំបន់វេសប៊ែង ។
ត្រូវបានបង្កើតឡើងក្នុងឆ្នាំ ១៩៨១ ដោយ Fathi Ibrahim Abdulaziz Shaqaqi ជាមួយនឹងគោលដៅនៃការបង្កើតរដ្ឋអ៊ីស្លាមប៉ាឡេស្ទីន និងបំផ្លាញផ្តាច់ពូជអ៊ីស្រាអែល ដោយចាប់ផ្តើមជាក្រុមរងនៃភាតរភាពមូស្លីមនៅក្នុងប្រទេសអេហ្ស៊ីប វាត្រូវបានបំផុសគំនិតដោយបដិវត្តន៍អ៊ីរ៉ង់ឆ្នាំ ១៩៧៩ ដែលត្រូវបានគាំទ្រដោយអ៊ីរ៉ង់ ស៊ីរី និងហេសបូឡានៅលីបង់ ។
ទំនួលខុសត្រូវរបស់ PIJ គឺវាយប្រហារគោលដៅផ្សេងៗរបស់អ៊ីស្រាអែល និងសហការជាមួយក្រុមផ្សេងៗពីមួយទៅមួយ ហើយក្រុមនេះធ្លាប់បានបំបែកខ្លួនជាមួយក្រុមហាម៉ាស់ ដោយសារតែមានវិធីសាស្រ្តផ្សេងគ្នា។
PIJ មានអាវុធធុនតូច កាំភ្លើងត្បាល់ និងគ្រាប់រ៉ុក្កែត ដែលអាចបើកការវាយប្រហារទៅលើអាកាសប្រឆាំងនឹងអ៊ីស្រាអែល ។ PIJ បានអះអាងថា មានការជាប់ពាក់ព័ន្ធក្នុងការវាយប្រហារអត្តឃាតមួយចំនួនប្រឆាំងនឹងគោលដៅរបស់អ៊ីស្រាអែលចាប់តាំងពីចុងទសវត្សរ៍ឆ្នាំ ១៩៩០ ដល់ពាក់កណ្តាលទសវត្សរ៍ឆ្នាំ ២០០០ ដែលនាំឱ្យអ៊ីស្រាអែលពណ៌នាក្រុមនេះថាជា «ក្រុមភេរវជនដែលមានវិធីសាស្ត្រហិង្សាបំផុត»។
ឥទ្ធិពលរបស់ PIJ ត្រូវបានចុះខ្សោយដោយសារការធ្វើឃាតរបស់ al-Shikaki ក្នុងឆ្នាំ ១៩៩៥ ប៉ុន្តែនៅពេលដែលក្រុមហាម៉ាសទទួលបានឥទ្ធិពលនៅតំបន់ហ្គាហ្សាក្នុងឆ្នាំ ២០០៧ វាបានផ្តល់ផលប្រយោជន៍ដល់ PIJ ហើយបានត្រឡប់មកមានឥទ្ធិពលវិញនៅក្នុងសង្គ្រាមអ៊ីស្រាអែល-ហាម៉ាសនេះ ។ ក្រុម PIJ បានហ្វឹកហាត់រួមគ្នាជាមួយក្រុមហាម៉ាស និងបានចូលរួមក្នុងការវាយប្រហារលើអ៊ីស្រាអែលនៅថ្ងៃទី ៧ ខែតុលា ឆ្នាំ ២០២៣ ។
ពួកគេក៏អះអាងថា បានចាប់ចំណាប់ខ្មាំងអ៊ីស្រាអែលជាច្រើននាក់ និងត្រៀមប្រយុទ្ធជាមួយអ៊ីស្រាអែលនៅតំបន់ហ្គាហ្សាស្ទ្រីបផងដែរ ។ តាមការប៉ាន់ប្រមាណថា PIJ មានកម្លាំងពី ១០.០០០ ទៅ ២០.០០០ នាក់។ ត្រូវបានគេដាក់ឈ្មោះថា គណបក្សនៃព្រះជាម្ចាស់មានឥទ្ធិពលខ្លាំងណាស់នៅក្នុងប្រទេសលីបង់។
ក្រុមហេសបូឡា (HEZBOLLAH)
អង្គការនិងគណបក្សសាសនាអ៊ីស្លាមលីបង់ត្រូវបានបង្កើតឡើងក្នុងឆ្នាំ ១៩៨២ ដោយមានការគាំទ្រដោយប្រដាប់អាវុធ និងការបណ្តុះបណ្តាលពីប្រទេសអ៊ីរ៉ង់ ក្នុងគោលបំណងដើម្បីបណ្តេញជនជាតិអ៊ីស្រាអែលដែលចូលមកធ្វើសង្រ្គាមនៅលីបង់ក្នុងឆ្នាំនោះ ហើយនៅពេលដែលអ៊ីស្រាអែលយល់ព្រមដកកងទ័ពរបស់ខ្លួនចេញពីលីបង់ ធ្វើឲ្យ ក្រុមហេសបូឡា ត្រូវបានគេហៅថាជាវីរបុរសដែលកម្ចាត់អ្នកឈ្លានពានអ៊ីស្រាអែលដោយជោគជ័យ ។
បន្ទាប់មក នៅឆ្នាំ ១៩៨៥ ហេសបូឡា បានប្រកាសជាផ្លូវការនូវគោលដៅថ្មីមួយគឺ សហរដ្ឋអាមេរិក និងសហភាពសូវៀត ជាសត្រូវលេខមួយរបស់ពិភពអ៊ីស្លាម ព្រមទាំងអំពាវនាវឱ្យមានការបំផ្លិចបំផ្លាញអ៊ីស្រាអែល ដែលជាការគំរាមកំហែងដ៏ជិតបំផុត ។
ទោះបីជារដ្ឋាភិបាលអាមេរិកបានចុះបញ្ជីក្រុមហេសបូឡាថាជាក្រុមភេរវករក៏ដោយ ប៉ុន្តែក្រុមនេះត្រូវបានគេចាត់ទុកថាខុសពីក្រុមដទៃ ដោយសារតែក្រុមហេសបូឡាមានកៅអីចំនួន ២៣ ក្នុងចំណោម ១២៨ នៅក្នុងរដ្ឋាភិបាលលីបង់ ហើយនៅតែមានទំនាក់ទំនងជិតស្និទ្ធជាមួយប្រទេសអ៊ីរ៉ង់ ។ ទីភ្នាក់ងារព័ត៌មាន The Wall Street Journal បានរាយការណ៍ថា អ៊ីរ៉ង់គឺជាអ្នកដែលបានបញ្ជាឱ្យក្រុម«ហា» បើកការវាយប្រហាររួមគ្នាលើអ៊ីស្រាអែលជាមួយក្រុមហាម៉ាស ប៉ុន្តែអ៊ីរ៉ង់បដិសេធ ។
សព្វថ្ងៃនេះ ក្រុមហេសបូឡានៅតែបន្តវាយប្រហារភាគខាងជើងអ៊ីស្រាអែល ដើម្បីយាយីពីអ៊ីស្រាអែល ដែលកំពុងតែមមាញឹកវាយប្រហារក្រុមហាម៉ាស់នៅភាគខាងត្បូងហ្គាហ្សាស្ទ្រីប ។ ហេបូឡាបានប្រកាសថា ខ្លួនមានយុទ្ធជនរហូតដល់ ១០០.០០០ នាក់ ត្រៀមប្រយុទ្ធជាមួយអ៊ីស្រាអែល ប៉ុន្តែប្រទេសលោកខាងលិចចាត់ទុកតួលេខនេះថាមិនពិត ។
ក្រុមហាម៉ាស (HAMAS)
ចលនាជាតិនិយមរបស់ជនជាតិប៉ាឡេស្ទីន ឧទ្ទិសជីវិតដើម្បីស្ថាបនារដ្ឋប៉ាឡេស្ទីន ដែលពេញទៅដោយការប្រើអំពើហិង្សាគ្រប់បែបយ៉ាងដើម្បីសម្រេចគោលដៅរបស់ពួកគេ ។
ហាម៉ាសត្រូវបានបង្កើតឡើងក្នុងឆ្នាំ ១៩៨៧ នៅពេលដែល «ការបះបោរប៉ាឡេស្ទីនដំបូង (intifada)» នៅតំបន់ហ្គាហ្សា និងតំបន់វេសប៊ែង ដែលបានទទួលការគាំទ្រពីជនជាតិប៉ាឡេស្ទីន ។ នេះផ្តល់ឱ្យហាម៉ាសនូវអត្ថប្រយោជន៍នៃការប្រមូលផ្តុំនៅក្នុងតំបន់ហ្គាហ្សាស្ទ្រីប ។
ក្រុមហាម៉ាស់មានស្លាបយោធា មានកងកម្លាំងដែលគេហៅថា Izz al-Din al-Qassam ដែលបានធ្វើការវាយប្រហារទ្រង់ទ្រាយធំជាបន្តបន្ទាប់ ប្រឆាំងនឹងអ៊ីស្រាអែលចាប់តាំងពីទសវត្សរ៍ឆ្នាំ ១៩៩០ ដោយបានបំផ្ទុះគ្រាប់បែក និងប្រើប្រាស់គ្រាប់រ៉ុក្កែតសម្រាប់ការវាយប្រហារតាមអាកាស ដែលអ៊ីស្រាអែលបានបង្ហាញ មានជនជាតិប៉ាឡេស្ទីនជាច្រើននាក់នៅហ្គាហ្សាដែលបរិច្ចាគប្រាក់ដល់ក្រុមភេរវជន។ ក្រុមនេះក៏ទទួលបានការបណ្តុះបណ្តាលភេរវកម្មពីរដ្ឋាភិបាលអ៊ីរ៉ង់ផងដែរ ។
នៅក្នុងជម្លោះចុងក្រោយ ក្រុមហាម៉ាស់បានដឹកនាំការវាយប្រហារកាលពីថ្ងៃទី ៧ ខែតុលា ឆ្នាំ ២០២៣ លើអ៊ីស្រាអែល ហើយអាចទាក់ទាញកងកម្លាំងប្រដាប់អាវុធផ្សេងទៀត រួមគ្នាតស៊ូជាមួយអ៊ីស្រាអែល ។
ក្រុមឧទ្ទាមហ៊ូទី (Houthi)
ជាក្រុមអ្នកប្រយុទ្ធប្រឆាំងនឹងនិកាយស៊ុននី និងប្រឆាំងចក្រពត្តិនិយមអាមេរិក ។ ក្រុមនេះត្រូវបានគេស្គាល់ជាផ្លូវការថា Ansar Allah ដែលមានន័យថា «អ្នកគាំទ្រព្រះជាម្ចាស់» ត្រូវបានបង្កើតឡើងក្នុងទសវត្សរ៍ឆ្នាំ ១៩៩០ ដោយលោក Hussein Badreddin Al-Houthi ។
គោលបំណងរបស់ក្រុមនេះគឺដើម្បីប្រឆាំងនឹង "Ali Abdullah Saleh" ប្រធានាធិបតីទីមួយរបស់ប្រទេសយេម៉ែន ដែលបានគៀបសង្កត់លើជនជាតិភាគតិច Houthi នៅភាគខាងជើង ហើយគោលដៅមួយទៀតគឺប្រឆាំងនឹងឥទ្ធិពលស៊ុននីនិកាយដែលគោរពបំផុតនៅមជ្ឈិមបូព៌ា ។ នេះខុសពីជំនឿរបស់កុលសម្ព័ន្ធ Houthi ដែលមានឫសគល់នៃនិកាយស៊ីអា (Shia) ។
បន្ទាប់ពីស្ថានការណ៍នៅយេម៉ែនចាប់ផ្តើមស្ងប់ស្ងាត់ក្នុងឆ្នាំ ២០១៥ ក្រុមឧទ្ទាមហ៊ូទី បានចូលធ្វើសង្រ្គាមជាមួយអារ៉ាប៊ី សាអូឌីត ដែលត្រូវបានគេមើលឃើញថាជាសង្រ្គាមប្រូកស៊ីរវាងអារ៉ាប៊ីសាអូឌីត និងអ៊ីរ៉ង់ ព្រោះអារ៉ាប៊ីសាអូឌីតមានទំនាក់ទំនងល្អជាមួយសហរដ្ឋអាមេរិក។ ក្រុមនេះទទួលបានការគាំទ្រអាវុធដោយផ្ទាល់ពីអ៊ីរ៉ង់។
បច្ចុប្បន្នក្រុមឧទ្ទាមហ៊ូទីមានគោលបំណង ប្រឆាំងនឹងសហរដ្ឋអាមេរិក និងអ្នកគាំទ្រ ដែលមានន័យថា អ៊ីស្រាអែលក៏រួមបញ្ចូលផងដែរ។ ឥឡូវនេះ វាច្បាស់ណាស់ថា ក្រុមហ៊ូទី បានចូលរួមក្នុងសង្គ្រាមប្រឆាំងនឹងអ៊ីស្រាអែលជាផ្លូវការ។ ជាលទ្ធផល ជម្លោះនៅមជ្ឈិមបូព៌ាកំពុងពង្រីកទៅកម្រិតមួយទៀត។
តាមកងទ័ពអ៊ីស្រាអែលប៉ាន់ស្មានថា ក្រុមនេះមានកម្លាំងប្រមាណ ១៥.០០០ - ២០.០០០ នាក់ ។
ក្រុមគុហារសិង្ហ (LIONS’ DEN)
ជាកងកម្លាំងប្រដាប់អាវុធជំនាន់ថ្មីដែលកេណ្ឌពីជនជាតិប៉ាឡេស្ទីន
ក្រុមនេះមានអាយុមិនច្រើនទេ ដោយសារតែត្រូវបានបង្កើតឡើងក្នុងឆ្នាំ ២០២២ នៅតំបន់វេសប៊ែង ដោយ «Mohammed al-Azizi អាយុ 25 ឆ្នាំ (Mohammed al-Azizi)» និងមិត្តរបស់គាត់ «Abdel Rahman Suboh. អាយុ 28 ឆ្នាំ (Abdel Rahman Suboh)» ។ ក្រុមនេះកើតចេញពីការមិនពេញចិត្តរបស់យុវជនប៉ាឡេស្ទីនដែលរស់នៅក្រោមការកាន់កាប់របស់អ៊ីស្រាអែលអស់រយៈពេលជាយូរមកហើយ។ ដំបូងក្រុមទាំងមូលមានកងកម្លាំងប្រដាប់អាវុធមិនដល់១០ នាកផង មុនពេលចំនួនសម្ព័ន្ធមិត្តកើនឡើងដល់រាប់រយ រហូតដល់អាចធ្វើព្យុះភ្លៀងយ៉ាងពិតប្រាកដចំពោះតំបន់វេសប៊ែង ។
ទោះបីក្រុមនេះមិនមានទ័ពច្រើនក៏ដោយ ប៉ុន្តែភាពខុសគ្នាត្រង់ថា ក្រុមនេះកើតចេញពីអំណាចនៃមនុស្សជំនាន់ថ្មី ដែលមិនពាក់ព័ន្ធនឹងគណបក្សនយោបាយណាមួយឡើយ។ វាក៏មានប្រជាប្រិយភាពផងដែរជាមួយប្រជាជនប៉ាឡេស្ទីនជាច្រើន ។ យោងតាមរបាយការណ៍៧០% នៃប្រជាជនប៉ាឡេស្ទីននៅតំបន់ហ្គាហ្សានិងវេសប៊ែងគាំទ្រក្រុម Tham Singh ។
ក្រុមនេះក៏មានប្រជាប្រិយភាពនៅលើប្រព័ន្ធផ្សព្វផ្សាយសង្គមផងដែរ វាមានអ្នកតាមដានជាង ១៣០.០០០ នាក់នៅលើ Telegram ហើយថែមទាំងបានផ្សព្វផ្សាយឈុតវីដេអូនៃការប្រយុទ្ធជាមួយទាហានអ៊ីស្រាអែលតាមរយៈ Tiktok ផងដែរ ។
នៅឆ្នាំ ២០២៣ ក្រុម Tham Singh បានប្រយុទ្ធជាច្រើនដងជាមួយទាហានអ៊ីស្រាអែលនៅតំបន់វេសប៊ែង ។ យោធាអ៊ីស្រាអែលបានអះអាងថា មានព័ត៌មានដែលបញ្ជាក់ថា Tham Singh ធ្លាប់ទទួលមូលនិធិពីប្រទេសអ៊ីរ៉ង់ ដែលមិនខុសពីក្រុមភេរវករដទៃទៀត ដែលអ៊ីស្រាអែលត្រូវតែដកថយទាំងស្រុងនៅក្នុងសង្គ្រាមនេះ ៕