ស្ថានទូតចិនប្រចាំនៅថៃ មិនពេញចិត្តប្រព័ន្ធផ្សព្វផ្សាយមួយចំនួន ផ្សាយញុះញង់ទាមទារឲ្យឯករាជ្យតៃវ៉ាន់
ដោយ ម៉ារ៉ា
ស្ថានទូតចិនប្រចាំប្រទេសថៃ ចេញសេចក្តីថ្លែងការណ៍មិនពេញចិត្តនឹងការផ្សាយរបស់ប្រព័ន្ធផ្សព្វផ្សាយថៃមួយចំនួន ដែលគិតចង់បំបែកតៃវ៉ាន់ចេញពីចិន សរសេរញុះញង់ទាមទារឯករាជ្យរបស់តៃវ៉ាន់ ។ នេះជាការបង្ហាញការប្រើប្រាស់សេរីភាពសារព័ត៌មានហួសហេតុ ។ សេចក្តីថ្លែងការណ៍លើកឡើងថា កុំបណ្តោយឱ្យរឿងដែលធ្វើឱ្យប៉ះពាល់ដល់អារម្មណ៍ប្រជាជនចិនកើតមានឡើងម្តងទៀត ។
កាលពីម្សិលមិញ (១១ វិច្ឆិកា) ហ្វេសប៊ុកស្ថានទូតនៃសាធារណរដ្ឋប្រជាមានិតចិនប្រចាំប្រទេសថៃ បានបង្ហោះសេចក្តីប្រកាស ដូចខាងក្រោម៖
ថ្មីៗនេះ ប្រព័ន្ធផ្សព្វផ្សាយរបស់ប្រទេសថៃបានផ្សាយបទសម្ភាសន៍ជាមួយលោក Wu Zhaoxia ដែលជាអ្នកគ្រោងបំបែក តៃវ៉ាន់ចេញពីប្រទេសចិន ។ លោក Wu បានបញ្ឆេះពាក្យមិនសមហេតុសមផលអំពី «ឯករាជ្យតៃវ៉ាន់» និងបានវាយប្រហារយ៉ាងធ្ងន់ធ្ងរលើសំណើរបស់ចិនសម្រាប់ការបង្រួបបង្រួមដោយសន្តិវិធី។ ប្រព័ន្ធផ្សព្វផ្សាយនេះបានផ្តល់វេទិកាមួយសម្រាប់ផ្សព្វផ្សាយមិនសមហេតុសមផល ដល់អ្នកដែលចង់បំបែកតៃវ៉ាន់ចេញពីប្រទេសចិន ដែលបំផ្លាញផលប្រយោជន៍របស់ចិន និងប៉ះពាល់ដល់អារម្មណ៍របស់ប្រជាជនចិន ភាគីចិន សម្តែងការមិនពេញចិត្តយ៉ាងខ្លាំងចំពោះសកម្មភាពនេះ ។
តៃវ៉ាន់ជាផ្នែកមួយមិនអាចកាត់ផ្តាច់ពីចិន នេះគឺជាការពិតដែលត្រូវបានទទួលយកនៅជុំវិញពិភពលោក ។ សកម្មភាពដែលជួយមនុស្សអាក្រក់ពាក់ព័ន្ធនឹងបូរណភាពទឹកដី និងប្រឆាំងការបំបែកខ្លួនរបស់ចិន គឺផ្ទុយទៅនឹងមិត្តភាពរវាងប្រជាជនចិន និងថៃ ។ សកម្មភាពដែលបង្កគ្រោះថ្នាក់ដល់ប្រទេសផ្សេងៗ និងពលរដ្ឋនៃប្រទេសផ្សេងៗ ប្រើសេរីភាពសារព័ត៌មានជាលេស ទោះជាមានចំណាត់ការយ៉ាងណាក៏ដោយ វាជាការប្រើប្រាស់សេរីភាពសារព័ត៌មានដោយមិនប្រុងប្រយ័ត្ន ។
យើងសង្ឃឹមថាប្រព័ន្ធផ្សព្វផ្សាយ ត្រូវគោរពបូរណភាពទឹកដី និងអធិបតេយ្យភាពរបស់ចិន។ ចូរកែទង្វើខុសឆ្គង ហើយកុំបណ្តោយឱ្យរឿងដែលធ្វើឱ្យប៉ះពាល់ដល់អារម្មណ៍ប្រជាជនចិនឱ្យកើតឡើងម្តងទៀត ៕
អត្ថបទប្រហាក់ប្រហែល
ពាណិជ្ជកម្ម
អត្ថបទថ្មីៗ
អត្ថបទពេញនិយម