អង្គការសុខភាពពិភពលោក (WHO) បានណែនាំឱ្យមនុស្សទទួលទានជាតិសូដ្យូម ដែលជាសមាសធាតុសំខាន់នៃសារធាតុប្រៃផ្សេងៗ មិនលើសពី 2,000 មីល្លិក្រាមក្នុងមួយថ្ងៃ ឬស្មើនឹងអំបិល ១ស្លាបព្រាតូច ព្រោះទទួលទានអំបិលច្រើនពេក វានឹងជះឥទ្ធិពលអវិជ្ជមានដល់សុខភាពរបស់អ្នកក្នុងរយៈពេលវែង និងមានហានិភ័យកើតជំងឺធ្ងន់ធ្ងរជាច្រើនមុខទៀតផង ។
ការហូបប្រៃប្រឈមនឹងជំងឺដូចជា ជំងឺមហារីក ជំងឺបេះដូង សម្ពាធឈាមឡើងខ្ពស់ រោគហឺត រោគគ្រួសក្នុងថង់ប្រមាត់ រោគធាត់ ជំងឺពុកឆ្អឹង រោគវង្វេងវង្វាន់ រោគដាច់សរសៃឈាមខួរក្បាល ។
ដូច្នេះ មនុស្សយើងបើចង់អាយុវែង ត្រូវកាត់បន្ថយការហូបប្រៃចាប់ពីថ្ងៃនេះទៅ ៕