ក្រសួងមុខងារសាធារណៈ បានចេញសេចក្តីជូនដំណឹង នៅថ្ងៃនេះ (២០ កុម្ភៈ) ថា ការប្រឡងប្រជែងជ្រើសរើសមន្ត្រីរាជការ ចូលបម្រើនៅក្នុងក្របខណ្ឌអង្គភាពប្រឆាំងអំពើពុករលួយ (ACU) ប្រព្រឹត្តទៅនៅរសៀលថ្ងៃអាទិត្យ ទី ៣ ខែមីនា ឆ្នាំ ២០២៤ រយៈពេល ២ ម៉ោង ចាប់ពីម៉ោង ១៤.០០ ដល់ម៉ោង ១៦.០០ នាទី នៅសាកលវិទ្យាល័យភូមិន្ទភ្នំពេញ ។
វិញ្ញាសាដែលត្រូវប្រឡង មានមុខវិជ្ជាពាក់ព័ន្ធនឹង ១.ក្រមព្រហ្មទណ្ឌ ២.ក្រមនីតិវិធីព្រហ្មទណ្ឌ ៣. ច្បាប់ស្តីពីការប្រឆាំងអំពើពុករលួយនិងច្បាប់ផ្សេងៗមួយចំនួនទៀត រួមទាំងការវិភាគបទល្មើស ចំណេះដឹងទូទៅ ភាសាបរទេស និងកុំព្យូទ័រ ៕