គណៈប្រតិភូ នៃគណៈអធិការកិច្ចវិន័យបក្សកុម្មុយនិស្តចិន និងគណៈត្រួតពិនិត្យកិច្ចការរដ្ឋចិន ខេត្តយូណាន នៃសាធា​រណរដ្ឋប្រជាមានិតចិនចំនួន ៦ រូប ជាភ្ញៀវរបស់អង្គភាពប្រឆាំងអំពើពុករលួយ នឹងអញ្ជើញមកបំពេញ​ទស្សនកិច្ច​ជាផ្លួវការ នៅព្រះរាជាណាចក្រកម្ពុជា ដឹកនាំដោយឯកឧត្តម Feng Zhiliសមាជិកគណៈកម្មាធិការអចិន្ត្រៃយ៍ នៃបក្សកុម្មុយនិស្ត​ចិន ខេត្តយូណាន លេខាធិការ នៃគណៈអធិការកិច្ចវិន័យ នៃបក្សកុម្មុយនិស្តចិន ខេត្តយូណាន ប្រធានគណៈត្រួតពិនិត្យកិច្ចការរដ្ឋចិន ខេត្តយូណាន ដើម្បីពង្រឹងពង្រីកសហប្រតិបត្តិការ ផ្លាស់ប្តូរបទពិសោធ ទៅលើកិច្ចការប្រឆាំងអំពើពុករលួយ ។

គណៈប្រតិភូនឹងអញ្ជើញទស្សនកិច្ចនៅអង្គភាពប្រឆាំងអំពើពុករលួយ និងជួបពិភ្សាការងារ​ជាមួយ ឯកឧត្តម កិត្តិនីតិកោសលបណ្ឌិត ទេសរដ្ឋមន្ត្រី  ឱម យ៉ិនទៀង ប្រធានអង្គភាពប្រឆាំងអំពើពុករលួយ ។

តាមរបៀបវារៈគ្រោងទុក គណៈប្រតិភូ នឹងអញ្ជើញទស្សនកិច្ចព្រះបរមរាជវាំង ជំនួបជាមួយអភិបាលខេត្តសៀមរាប នៅខេត្តសៀមរាប ទស្សនកិច្ចនៅអាកាសយានដ្ឋានអន្តរជាតិសៀមរាបអង្គរ ទស្សនាប្រាសាទអង្គរវត្ត និងប្រាសាទបាយ័ន និងចុងក្រោយ ពិធីចុះហត្ថលេខាលើអនុស្សារណៈ នៃការយោគយល់គ្នា ស្តីពីកិច្ចសហប្រតិបត្តិការ រវាង អង្គភាពប្រឆាំងអំពើពុករលួយ ក្រោមអធិបតីដ៏ខ្ពង់ខ្ពស់របស់ឯកឧត្តម ទេសរដ្ឋមន្ត្រី និងក្រុមហ៊ុន Angkor International Airport Investment (Cambodia) Co., Ltd. ដែលជាក្រុមហ៊ុនគ្រប់គ្រង អាកាសយានដ្ឋានអន្តរជាតិសៀមរាបអង្គរ ៕