ចៅហ្វាយក្រុង ឃួង ស្រេង ចុះពិនិត្យដល់កន្លែងកម្ទេចចោរ និងឧបត្ថម្ភកម្លាំងបង្ក្រាប ២០ លានរៀល

ព័ត៌មានសង្គមថ្ងៃច័ន្ទុ ទី01 ខែមិីនា ឆ្នាំ2021 ម៉ោង 9:14 នាទី ល្ងាច

កម្លាំងកងរាជអាវុធហត្ថរាជធានីភ្នំពេញ ហៅកាត់ថា ប៉េអឹម (PM) ដែលបានបង្ក្រាប និងកម្ទេចចោរប្លន់ ៤ នាក់នៅគេហដ្ឋានក្នុងបុរីអង្គរភ្នំពេញនោះ ត្រូវបានលោក ឃួង ស្រេង អភិបាលរាជធានីភ្នំពេញ ផ្តល់ថវិកាចំនួន ២០ លានរៀល ដើម្បីលើកទឹកចិត្តចំពោះស្នាដៃបំពេញភារកិច្ចបានល្អប្រសើរ ។

ម៉ោង១១.០០នាទី ថ្ងៃទី០១ ខែមីនា ឆ្នាំ២០២១ មានហេតុការណ៍កើតឡើងមិននឹកស្មានដល់ ដែលឧក្រិដ្ឋជនមានគ្នា ៤នាក់ បានប្រើប្រាស់កាំភ្លើង AK វែងមួយដើម និងកាំភ្លើងខ្លី ២ដើម ចូលប្លន់តាមគម្រោងរបស់ពួកគេនូវទឹកប្រាក់ ១លានដុល្លារ និងតាមការអះអាងថា ពេលប្លន់ប្រាក់ហើយនឹងសម្លាប់ម្ចាស់ផ្ទះថែមទៀត ប៉ុន្តែប៉ះចំថ្ងៃស៊យ ថ្ងៃអន្សារបស់ពួកវា ក៏ប្រទះជាមួយកម្លាំងកងរាជអាវុធហត្ថរាជធានីភ្នំពេញ ដឹកនាំដោយលោកឧត្តមសេនីយ៍ឯក រ័ត្ន ស៊្រាង បណ្តាលឲ្យក្រុមឧក្រិដ្ឋជនទាំង ៤ នាក់ ស្លាប់នៅនឹងកន្លែង ៕