រថយន្តបាឡែនមួយគ្រឿងពណ៌ស ផលិតឆ្នាំ ២០០៥ ដែលម្ចាស់បានចតនៅមុខក្រុមហ៊ុន ម៉េក ថេង ម្តុះលូប្រាំ ក្នុងសង្កាត់ស្ទឺងមានជ័យ ៣ ខណ្ឌពោធិ៍សែនជ័យ ត្រូវចោរមានគ្នា ២ នាក់លួចដោះស្លាកលេខបានដោយសុវត្ថិភាព ។
តាមរយៈឃ្លីបវីដេអូកាមេរ៉ាសុវត្ថិភាពនៅវេលាម៉ោង ១៣.៤១ នាទី នារាត្រីថ្ងៃទី ១៩ ខែមីនា យើងឃើញសកម្មភាពចោរពីរនាក់ ដំបូងមានគ្នាតែម្នាក់ បានដើរមកខាងមុខរថយន្ត(ស្លាកលេខរថយន្តខាងមុខ) ដែលមានលេខ 2BH 6059 ក្រោយមកក៏មានបក្ខពួកវាម្នាក់ទៀត ដើរមកឈ្ងោកមើល ហើយក៏ចេញទៅវិញ ។
នេះជាការដាស់តឿនដល់បងប្អូនដែលមានរថយន្ត សូមប្រុងប្រយត្ន ចោរហារយ ចោរសម័យកូវីដ ប៉ះអីវាលួចនឹង ។ ម្ចាស់រថយន្តបានដាក់ពាក្យបណ្តឹងទៅប៉ូលិសប៉ុស្តិ៍ស្ទឺងមានជ័យ ៣ រួចហើយ ៕
អត្ថបទ សាវុឌ្ឍ