«ឱបសសរឲ្យជាប់» ជាចំណងជើងបទចម្រៀងរបស់លោក ពុយ គា ពីរោះរណ្តំចិត្ត

តារាថ្ងៃព្រហស្បត្តិ៍ ទី13 ខែឩសភា ឆ្នាំ2021 ម៉ោង 5:22 នាទី ល្ងាច

អត្ថបទ សូរ្យរិទ្ធ

បន្ទាប់ពីស្នាដៃរបស់លោក ពុយ គា ចេញបទចម្រៀង «ដើមមៀនជួបស្នេហ៍ថ្មី» ដែលសារព័ត៌មាន គេហទំព័រ «មតិអ្នក» ចេញផ្សាយនៅថ្ងៃទី ២៣ ខែមេសា ឆ្នាំ ២០២១ មក ឥឡូវចំណីអារម្មណ៍ថ្មី ជាបទចម្រៀងស្នាដៃថ្មីមួយទៀតរបស់លោក ពុយ គា​ គឺបទ «ឱបសសរឲ្យជាប់» ច្រៀងដោយអ្នកនាង កែវ ច័ន្ទសម្ផស្ស ផលិតនៅក្នុងខែឧសភា ឆ្នាំ ២០២១ នេះ ។

ចំណងជើង«ឱបសសរឲ្យជាប់» មានន័យសំដៅ កុំដើរចេញក្រៅ នាំពិបាកប្រាណ គឺឲ្យប្រជាជននៅតែក្នុងផ្ទះ ឈ្នះកូវីដ ។

អត្ថន័យនៃបទចម្រៀងដែលលោក ពុយ គា និពន្ធនេះ គឺសំដៅពុទ្ធទំនាយរបស់បុរាណចារ្យថា «ឆ្លងកាត់វាលបី» សែនធំ ។ វាលទី១ គឺសង្គ្រាមបៀមឈាមព្រួសគ្នា ដែលប្រទេសកម្ពុជាបានឆ្លងកាត់រួចហើយ ហើយដែលពន្លត់ភ្លើងសង្គ្រាមក្នុងស្រុកខ្មែរ គឺ «តេជោសែន» (សម្តេចតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា ចារជាបិតាសន្តិភាព, វាលទី ២ ទុរ្ភិក្សក្រក្រី សំដៅទៅរបបវាលពិឃាតខ្មែរក្រហម ប៉ុល ពត ដែលបានបង្អត់អាហារប្រជាជនឯងឲ្យ​ហូប​តែបបរ, វាលទី ៣ ជំងឺ ឈឺឆ្លងដោយរោគ កើតកល វិយោគកើតរោគអប្រិយ ចម្លងមនុស្សទាំងប្រុសទាំងស្រី ផ្តល់ឲ្យលោកិយជួបទុក្ខវេរា វាលបីនេះហើយនោះគឺមេរោគកូវីដ កូរ៉ូណា ប្រហារមនុស្សលោកគ្រប់គ្នា ដោយមិនស្គាល់អ្នកក្រ ឬអ្នកមាន មន្ត្រី... ។

ចាស់ៗផ្តាំថា ឲ្យ «ឱបសសរឲ្យជាប់» នោះនឹងផុតវាលទុក្ខព្រួយ គ្រួសារដោយឡែក ជាតិលែងភ័យព្រួយ រស់នៅសុខសាន្ត ។

លោក ពុយ គា ជាប្រធានអ្នកឆ្លើយឆ្លងព័ត៌មានកាសែតក្យូដូជប៉ុន និងជាអគ្គលេខាធិការក្លឹបអ្នកកាសែតកម្ពុជា មិនត្រឹមតែជាអ្នកសរសេរព័ត៌មានដ៏មានថ្វីដៃប៉ុនណោះទេ តែឥឡូវ ថែមទាំងជាអ្នកនិពន្ធបទចម្រៀងដ៏មានអត្ថន័យ ពីរោះរណ្តំចិត្ត ស្អិតឱរ៉ា ស្តាប់ចប់ពេលណា ចារទុកក្នុងបេះដូងពេលនោះ ។

សូមអញ្ជើញទស្សនាបទចម្រៀង «ឱបសសរឲ្យជាប់» ដូចខាងក្រោម ៖


ហាមធ្វើការចម្លងអត្ថបទ ដោយមិនមានការអនុញ្ញាត្តិ។

ភ្ជាប់ទំនាក់ទំនងជាមួយយើងឥឡូវនេះ

អត្ថបទប្រហាក់ប្រហែល


ពាណិជ្ជកម្ម

អត្ថបទថ្មីៗ

អត្ថបទពេញនិយម