អត្ថបទ សូរ្យរិទ្ធ

ការប្រកួតបវរកញ្ញាចក្រវាឡ ២០២០ Miss Universe 2020 នៅរដ្ឋផ្លរីដា សហរដ្ឋអាមេរិក បានរកឃើញម្ចាស់មកុដឃើញហើយ គឺបវរកញ្ញាប្រទេសមិកស៊ិកូ ។ ឯបវរកញ្ញាកម្ពុជានាង សារីតា ទោះមិនទទួលបានចំណាត់ថ្នាក់អ្វីក៏ដោយ ក៏យើងមានមហាកិត្តិយស និងមោទកភាពចំពោះជាតិខ្មែរ ពីព្រោះស្ត្រីម្នាក់នេះបានរំលេចភាពលេចធ្លោនៅលើឆាកអន្តរជាតិ សម្រស់ សមត្ថភាពរបសើ សារីតា មិនអន់ទេ ថ្វីត្បិតនាងមានតូច កម្ពស់ទាបជាងគេក៏ពិតមែន តែភាពខ្លាំងរបស់នាងបានបញ្ចេញឲ្យភ្នែកពិភពលោកឃើញ និងដឹងជាសតិសាសន៍កម្ពុជា ។

បវរកញ្ញាចក្រវាឡរបស់ព្រះរាជាណាចក្រកម្ពុជា រេត សារីតា សម្លៀកបំពាក់ប្រចាំជាតិខ្មែរ

បវរកញ្ញាចក្រវាឡរបស់ព្រះរាជាណាចក្រកម្ពុជា រេត សារីតា 

បវរកញ្ញាចក្រវាឡរបស់ព្រះរាជាណាចក្រកម្ពុជា រេត សារីតា 

ដំបូង បានមានជាតិសាសន៍ ៧៤ ប្រទេស ហើយត្រូវចម្រាញ់ឲ្យនៅសល់ ២១ នាក់ បានទៅលើប្រទេស កូឡុំប៊ី, ប៉េរូ, អូស្ត្រាលី, បារាំង, មីយ៉ាន់ម៉ា, ហ្សាមីកា, មិកស៊ិកូ, សាធារណរដ្ឋដូនមីនីកេន, សហរដ្ឋអាមេរិក, ឥណ្ឌូនេស៊ី, អារហ្សង់ ទីន, ឥណ្ឌា, កួរ៉ាសៅ(Curaçao), ព័រតូរីកូ, ហ្វីលីពីន, ប្រេស៊ីល, អង់គ្លេស, នីការ៉ាហ្គ័រ, ថៃ, កូស្តារីកា និង វៀតណាម ។

ក្រោយមកការស្លៀកឈុតហែលទឹក ចម្រាញ់នៅសល់ ១០ ប្រទេស បានទៅលើ បវរកញ្ញាប្រទេស ហ្សាមីកា, សាធារណរដ្ឋដូនមីនីកេន, ឥណ្ឌា, ប៉េរូ, អូស្ត្រាលី, ព័រតូរីកូ, ថៃ, កូស្តារីកា, មិកស៊ិកូ និង ប្រេស៊ីល ។ ចំណែកការស្លៀកឈុតប្រចាំជាតិ បានទៅលើបវរកញ្ញា មីយ៉ាន់ម៉ា ។

ត្រង់នេះ admin មតិអ្នក សុំបញ្ចេញទស្សនៈបន្តិច ចំពោះសម្លៀកបំពាក់ប្រចាំជាតិសាសន៍ គឺរចនាម៉ូដទៅតាមប្រពៃណីរបស់ជាតិម្នាក់ៗ ប្រទេសនៅលើពិភពលោក ជាតិរបស់គេ គេថាស្អាត ជាតិរបស់ខ្ញុំ ក៏ខ្ញុំថាស្អាតប្រពៃ ប៉ុន្តែចំពោះបវរកញ្ញាមីយ៉ាន់ម៉ា ស្លៀកសម្លៀកបំពាក់ប្រចាំជាតិស្អាតជារឿងម្យ៉ាងហើយ ប៉ុន្តែប្រទេសលោកខាងលិច ដែលជាគណៈកម្មការប្រកួត ផ្តោតទៅលើ នាងលើកស្លាកអក្សរសរសេរថាថា «Pray of Myanma» របត់ទៅលើរឿងនយោបាយស្រុកទេសរបស់នាងទៅវិញទេហ្អី! បើគិតត្រួសៗទៅ ប្រទេសណាក៏មានបញ្ហា តែគេមិនសម្តែងចេញរឿងនយោបាយផ្ទាល់ខ្លួន ព្រោះវាជាវេទិកាសម្រាប់បង្ហាញវប្បធម៌ អរិយធម៌របស់ប្រទេសនីមួយៗ ។ សម្រស់បវរកញ្របស់ញាកម្ពុជា មិនចាញ់កញ្ញាមីយ៉ាន់ម៉ាទេ ហើយ admin ក៏សុំទោសចំពោះការលើកឡើងនេះ មិនមែនចង់សំដៅបង្អាប់ជាតិសាសន៍ ឬញុះញង់ និងរបបនយោបាយប្រទេសណាមួយទេ គឺយើងចង់និយាយពីវេទិកាស្រីស្អាតប៉ុនណោះ ។

បន្ទាប់មក ចម្រាញ់នៅសល់ ៥ ប្រទេសចុងក្រោយ បានទៅលើ មិកស៊ិកូ, ឥណ្ឌា, ប្រេស៊ីល, សាធារណរដ្ឋដូនមីនីកេន និង ប៉េរូ ។ រហូតនៅសល់ ៣ រូបចុងក្រោយ គឺ ចំណាត់ថ្នាក់ទី ៣ បានលើស្រីស្អាតឥណ្ឌា ឈ្មោះ អ៊ែតលីន កាស្ថេលីន, ចំណាត់ថ្នាក់ទី ២ បានទៅលើ ប៉េរូ ឈ្មោះ ចានិក ម៉ាសេតា, រងចំណាត់ថ្នាក់ទី ១ បានទៅលើ ប្រេស៊ីល ឈ្មោះ ជូលៀ ការម៉ា, ចំណាត់ថ្នាក់ទី ១ កមុដបវរចក្រវាឡ ២០២០ គឺបានទៅលើប្រទេស មិកស៊ិកូ ឈ្មោះ អ៊ែងឌ្រៀ មែសា ។ ចំណែកស្រីស្អាត ប្រទេសសាធារណរដ្ឋដូនមីនីកេនបានចំណាត់ថ្នាក់រងទី ៤ ៕