នៅថ្ងៃទី ២១ ខែឧសភា សាលារាជធានីភ្នំពេញ បានចេញសេចក្តីសម្រេច ស្តីពីការបិទបញ្ចប់បម្រាមគោចរ និងការអនុញ្ញាតគោលការណ៍ពិសេសចំពោះអាជីវកម្មដ្ឋានក្នុងតំបន់លឿង នៃភូមិសាស្ត្ររាជធានីភ្នំពេញ គិតចាប់ពីម៉ោងសូន្យនៃថ្ងៃទី ២២ ខែឧសភា ឆ្នាំ ២០២១ នេះតទៅ ។

សេចក្តីសម្រេចបានចែងថា បិទបញ្ចប់បម្រាមគោចរក្នុងតំបន់លឿង ដែលពីមុនបានហាមធ្វើចរាចរណ៍ សកម្មភាពការងារ មុខរបរលក់ដូរ ឬអាជីវកម្មនៅចន្លោះម៉ោង ២០.០០ ដល់ម៉ោង ៣ ទៀបភ្លឺ ។

អាហារដ្ឋាន ផ្សារ តូបអាហារ ហាងកាហ្វេ ហាងភេសជ្ជៈ អាជីវកម្មដ្ឋានផ្នែកអាហារ និងភេសជ្ជៈគ្រប់ប្រភេទ អាចដំណើរការអាជីវកម្មលក់បានជាប្រក្រតី និងអាចទទួលអតិថិជនចូលមកទទួលទានក្នុងបរិវេណអាជីវកម្មឡើងវិញ ក្នុងនេះ ភេសជ្ជៈគ្រឿងស្រវឹងក៏បានអនុញ្ញាតឲ្យបើកឡើងវិញផងដែរក្នុងរាជធានីភ្នំពេញ ។

អ្វីៗដែលបានឲ្យបើកដំណើរការឡើងវិញខាងលើ ត្រូវតែអនុវត្តវិធានការសុវត្ថិភាពរបស់ក្រសួងសុខាភិបាលឲ្យបានម៉ឺងម៉ាត់ ត្រូវធ្វើអនាម័យ រក្សាគម្លាត បាញ់សម្លាប់មេរោគ វាស់កម្តៅ ស្កេន QR Code ពិសេសត្រូវប្រកាន់ខ្ជាប់វិធានការ ៣ការពារ ៣កុំ របស់សម្តេចតេជោ ហ៊ុន សែន ។

ចំពោះ KTV ការ៉ាអូខេ បៀរហ្គាដិន ហាងម៉ាស្សា ក្លឹបហាត់ប្រាណ រង្គសាល ឌីស្កូថេក រោងភាពយន្ត រោងសិល្បៈ មជ្ឈមណ្ឌល​កីឡា មិនទាន់អនុញ្ញាតឲ្យបើកដំណើរការនៅឡើយទេ រង់ចាំចេញសេចក្តីសម្រេចជាថ្មី ។

សូមអានលម្អិតនូវសេចក្តីសម្រេចនេះ ខាងក្រោម ៖