សមាគមគ្រូពេទ្យឥណ្ឌា (IMA) ផ្សព្វផ្សាយឲ្យដឹងថា ការរាតត្បាតមេរោគកូវីដ-១៩ បម្លែងថ្មីរលកទីពីរ នៅក្នុងប្រទេសឥណ្ឌាបានសម្លាប់គ្រូពេទ្យ ៤២០ នាក់ ក្នុងនេះទីក្រុងដេលីមានចំនួន ១០០ នាក់ ។

សមាគមគ្រូពេទ្យឲ្យដឹងទៀតថា ចាប់តាំងពីមេរោគកូវីដ-១៩ ខ្លាំងក្នុងប្រទេស ឆ្នាំ ២០២០ មក សរុបគ្រូពេទ្យស្លាប់មានចំនួន ៨៦៤ នាក់ ។ «វេជ្ជបណ្ឌិតជាច្រើន បង្ខំបោះបង់ចោលក្រុមគ្រួសារ និងកូនៗរបស់ពួកគេ ដែលត្រូវការចិញ្ចឹមជីវិត ការអប់រំ និងការចិញ្ចឹមបីបាច់ថែរក្សា នៅ​ពី​ក្រោយ​ឆាក» ។

ស៊យជាន់ស៊យ វិបត្តិមួយទៀត នៅពេលថ្មីៗនេះ ឥណ្ឌាជួបព្យុះស៊ីក្លូនឈ្មោះ «យ៉ាអាស» ដែលមានល្បឿន ១៤០ គីឡូម៉ែត្រក្នុងមួយម៉ោង បោកបក់កាលពីថ្ងៃទី ២៦ ឧសភា ធ្វើឲ្យត្រូវសម្លៀសប្រជាជនទៅរកកន្លែងសុវត្ថិភាព ហើយព្យុះកំណាចនេះ បានបង្កជាទឹកជំនន់នៅតំបន់ឈូងសមុទ្របេងហ្គល នឹងឆ្ពោះចូលទៅឆ្នេរភាគខាងលិចឥណ្ឌា ៕

ប្រភពពី sanook

ដោយ ពិសិទ្ធ