អត្ថបទ សូរ្យសែង៖

រដ្ឋាភិបាលសហរដ្ឋអាមេរិក បានចាត់ចែងបែងចែកវ៉ាក់សាំងការពារកូវីដ-១៩ ឈុតដំបូងចំនួន ២៥ លានដូស ឲ្យទៅអង្គការសុខភាពពិភពលោក(WHO) ដែលមានមុខងារចែកចាយទៅតាមភូមិភាគ ដែលហ្សូនអាស៊ីដំបូង គ្មានកម្ពុជា។

ព័ត៌មានពីទីក្រុងវ័រស៊ីងតុន សហរដ្ឋអាមេរិក កាលពីម្សិលមិញ (៣ មិថុនា) ថា សេតវិមានចេញសេចក្តីថ្លែងការណ៍របស់លោកប្រធានាធិបតី ចូ បៃដេន ស្តីពីការបរិច្ចាគវ៉ាក់សាំងការពារកូវីដ-១៩ ឲ្យទៅសហគមន៍ពិភពលោក «ដោយមិនរំពឹងទៅលើរឿងនយោបាយអ្វីទាំងអស់» ដែលវ៉ាក់សាំងប្រមាណ ១៩ លានដូសនឹងបញ្ជូនផ្ទាល់ឲ្យគម្រោងការកូវ៉ាក់ (Covax) របស់ WHO ដើម្បីចែកចាយ ៧ លានដូសឲ្យទៅអាស៊ីខាងត្បូង និង អាស៊ីអាគ្នេយ៍ ៦ លានដូស, ៦ លានដូសឲ្យទៅខាងអាមេរិកឡាទីន (អាមេរិកខាងត្បូង) និង ការ៉ាបៀន និង ៥លានដូសទៀតឲ្យទៅទ្វីបអាហ្រ្វិក ។

សម្រាប់កូតារបស់អាស៊ីខាងត្បូង និងអាស៊ីអាគ្នេយ៍ «ក្រុមដំបូង» មាន ឥណ្ឌា នេប៉ាល់ បង់ក្លាដែស ប៉ាគីស្ថាន អាហ្វហ្គានីស្ថាន ម៉ាល់ឌីវ ម៉ាឡេស៊ី ហ្វីលីពីន វៀតណាម ឥណ្ឌូនេស៊ី ថៃ លាវ ប៉ាពួញូវហ្គីនី និង តៃវ៉ាន់ ។

ជាមួយគ្នានេះ រដ្ឋាភិបាលវ័រស៊ីងតុន នឹងចែកចាយវ៉ាក់សាំង ៦លានដូសទៀតដោយផ្ទាល់ខ្លួនឯង មាន មិកស៊ិកូ កាណាដា កូរ៉ាខាងត្បូង តំបន់វេសបេង និងជ្រោយកាហ្សា ឥណ្ឌា អ៊ុយក្រែន កូសូវ៉ូ ហៃទី ហ្សកហ្ស៊ី អាហ្ស៊ីប អ៊ីរ៉ាក់ ហ្សកដង់ និង យេមេន រួមទាំងមន្រ្តីនៅជួរមុខនៃអង្គការសហប្រជាជាតិ (UN) ។

ខ្លឹមសារក្នុងសេចក្តីថ្លែងការណ៍និយាយថា ការបញ្ជូន-ប្រគល់ឲ្យកូវ៉ាក់ និងអន្តរជាតិនឹងធ្វើនៅពេលណាទេ ប៉ុន្តែលោកស្រី ជេន​ សាគី អ្នកនាំពាក្យប្រចាំសេតវិមាន បញ្ជាក់ថា «នឹងធ្វើឡើងក្នុងពេលឆាប់ៗនេះដែលអាចធ្វើបាន» ដោយលោកស្រីអនុប្រធានាធិបតីសហរដ្ឋអាមេរិក កាំឡា ហ៊ែរីស បានទូរស័ព្ទជូនដំណឹងផ្ទាល់ទៅមេដឹកនាំនៃប្រទេសមួយចំនួនហើយ ។

ទោះយ៉ាងណា វ៉ាក់សាំងប្រហែល ២៥ លានដូសនឹងត្រូវបញ្ជូនចេញជាបណ្តើរៗក្នុងវគ្គនេះ នឹងមិនមានវ៉ាក់សាំង Astrazenega / Oxford ទេ ហើយរដ្ឋាភិបាលទីក្រុងវ៉ាស៊ីនតោនមិនទាន់បានផ្តល់ព័ត៌មានច្បាស់លាស់នៅឡើយទេ អំពីការនាំចេញវត្ថុធាតុដើមគ្រប់គ្រាន់ដើម្បីផលិតវ៉ាក់សាំង AstraZeneca / Oxford ចំនួន ៦០ លានដូសដែលត្រូវបានបញ្ជាក់ជាចម្បងទៅកាន់ប្រទេសឥណ្ឌា ៕

បកប្រែពី dailynews

រូបពី GETTY IMAGES