អ្នកនយោបាយ ៩៦ នាក់ត្រូវបានសម្លាប់មុនបោះឆ្នោតនៅប្រទេសម៉ិកស៊ិក

ព័ត៌មានអន្តរជាតិថ្ងៃច័ន្ទុ ទី07 ខែមិថុនា ឆ្នាំ2021 ម៉ោង 9:05 នាទី ល្ងាច

ឧប្បត្តិហេតុហិង្សាជាច្រើនបានកើតឡើងមុននិងអំឡុងការបោះឆ្នោតពាក់កណ្ដាលម៉ិកស៊ិកដែលបានសម្លាប់អ្នកនយោបាយ ៩៦ នាក់ក្នុងរយៈពេលតែប៉ុន្មានខែប៉ុណ្ណោះ ។

សារព័ត៌មានរ៉យទ័របានផ្សាយថា ក្នុងអំឡុងពេលការបោះឆ្នោតពាក់កណ្តាលអាណត្តិ ធ្វើឡើងនៅទីក្រុង Tijuana ប្រទេសម៉ិកស៊ិក កាលពីថ្ងៃទី ៦ ខែមិថុនា បុរសម្នាក់បានសម្រុកចូលការិយាល័យបោះឆ្នោតនៅតំបន់ Terrazas del Valle ដោយបោះសាកសពក្បាលមនុស្ស។  ក្រោយមកមន្រ្តីមូលដ្ឋានបានរកឃើញថង់ប្លាស្ទិចមួយដែលផ្ទុកផ្នែករាងកាយដែលនៅសេសសល់នៅក្បែរនោះ ។

នេះគឺជាសកម្មភាពមួយក្នុងចំណោមអំពើហឹង្សាឃោរឃៅជាច្រើនដែលបានកើតឡើងនៅក្នុងប្រទេសម៉ិកស៊ិក ក្នុងរយៈពេលជាច្រើនខែកន្លងមកនេះ ខណៈដែលប្រទេសអាមេរិកខាងត្បូងមួយនេះ បានរៀបចំខ្លួនចូលរួមការបោះឆ្នោត នៅ Baja California ។ យ៉ាងហោចណាស់មានឧប្បត្តិហេតុចំនួនក្បាលមនុស្សត្រូវបានទុកចោលនៅការិយាល័យបោះឆ្នោតដែលជាការប៉ុនប៉ងរំខានដល់ការបោះឆ្នោត។

ការបោះឆ្នោតនៅឆ្នាំនេះ ត្រូវបានគេចាត់ទុកថាជាយុទ្ធនាការបោះឆ្នោតដ៏បង្ហូរឈាមបំផុតមួយនៅក្នុងប្រវត្តិសាស្ត្រប្រទេសម៉ិកស៊ិក។  ក្រុមហ៊ុនពិគ្រោះយោបល់ផ្នែកសន្តិសុខ លោក អ៊ី តេឡេត បាននិយាយថា ចាប់តាំងពីខែកញ្ញាឆ្នាំ ២០២០ អ្នកនយោបាយចំនួន ៩៦ នាក់ត្រូវបានសម្លាប់ ។

នៅក្នុងការបោះឆ្នោតនៅឆ្នាំនេះ អ្នកបោះឆ្នោតម៉ិកស៊ិក ៩៣.៥ លាននាក់បានទៅបោះឆ្នោតដើម្បីជ្រើសរើស ៥០០ អាសនៈនៅក្នុងសភាជាន់ទាប អភិបាលរដ្ឋ ១៥ រូប និងមេដឹកនាំមូលដ្ឋានរាប់ពាន់នាក់ ។

លោក Erik Ulises Ramirez បេក្ខជននៃគណបក្សចលនាប្រជាជនឆ្វេងនិយមបាននិយាយថា សហការីរបស់គាត់ពីរនាក់ត្រូវបានចាប់ពង្រត់វាយដំ ហើយបន្ទាប់មកត្រូវបានដោះលែង ។  Ramirez ខ្លួនគាត់ស្ទើរតែបានរងគ្រោះដោយសារផែនការធ្វើឃាតកាលពីខែមុននៅទីក្រុង Cocula រដ្ឋ Guerrero ។

យោងតាមអ្នកជំនាញមូលហេតុសំខាន់មួយនៃអំពើហឹង្សាក្នុងការបោះឆ្នោតនៅម៉ិកស៊ិក គឺការចូលរួមរបស់ក្រុមឧក្រិដ្ឋកម្មដែលបានរៀបចំឡើងដោយក្រុមក្មេងទំនើង និងអង្គការជួញដូរគ្រឿងញៀន ចង់ប្រើអំពើហិង្សាដើម្បីសម្លាប់បេក្ខជន ដែលអាចប៉ះពាល់ដល់សិទ្ធិ និងប្រតិបត្តិការរបស់ពួកគេ ឬដើម្បីរៀបចំលទ្ធផលនៃការបោះឆ្នោត។ 

លោកRené Tovar Tovar បេក្ខជនជាអភិបាលក្រុង Cazones de Herrera ត្រូវបានគេធ្វើឃាតនៅថ្ងៃទី ៤ ខែមិថុនានេះ ពោលគឺនៅសល់តែ ២ ថ្ងៃប៉ុណ្ណោះមុនការបោះឆ្នោត ៕

យោងតាមសារព័ត៌មានរ៉យទ័រ

ដោយលោកស្រី សុកាន


ហាមធ្វើការចម្លងអត្ថបទ ដោយមិនមានការអនុញ្ញាត្តិ។

ភ្ជាប់ទំនាក់ទំនងជាមួយយើងឥឡូវនេះ

អត្ថបទប្រហាក់ប្រហែល


ពាណិជ្ជកម្ម

អត្ថបទថ្មីៗ

អត្ថបទពេញនិយម