អត្ថបទ សូរ្យសែង៖
ប្រធានាធិបតីសហរដ្ឋអាមេរិក ចូ បៃដេន នឹងទិញ និងចែកចាយវ៉ាក់សាំងការពារកូវីដ-១៩ របស់ Pfizer ចំនួន ៥០០ លានដូសដល់គម្រោងការវ៉ាក់សាំងអន្តរជាតិកូវ៉ាក់ (COVAX) របស់អង្គការសុខភាពពិភពលោក (WHO) ដោយ ២០០ លានដូសនៅក្នុងឆ្នាំនេះ និង ៣០០ លានដូសទៀតនៅឆ្នាំក្រោយ ។ លោក បៃដេន ប្រកាសបែបនេះនៅក្នុងកិច្ចប្រជុំកំពូលមេដឹកនាំ G7 ។
លោក Jeff Sients ទីប្រឹក្សាផ្នែកកូវីដ-១៩ របស់ប្រធានាធិបតី បៃដេន ផ្សាយថា ៥០០ លានដូស នឹងបែងចែក ២០០ លានដូសនៅក្នុងឆ្នាំនេះ និង ៣០០ លានដូសនៅឆ្នាំខាងមុខ ។ វ៉ាក់សាំងទាំងអស់នឹងឆ្លងកាត់គម្រោងការចែកចាយវ៉ាក់សាំងទូទាំងពិភពលោក Covax របស់អង្គសុខភាពពិភពលោក ដែលនឹងបែងចែកទៅ ៩២ ប្រទេសដែលមានចំណូលទាប និងមធ្យម សល់ពីនឹងទៅសហភាពអាហ្វ្រិក ៕