«ដើម្បីកុំឱ្យមានភាពអាម៉ាស់ ថៃនិយាយប្រាប់ប្រជាជនខ្លួនឯងទៅ យើងអត់ខ្វល់ថាបិទ ឬកែសម្រួលគ្រប់ពេលវេលាទេ។ អ្វីដែលយើងចង់បានគឺ សភាពដើមមុនថ្ងៃ៧ ខែមិថុនា ២០២៥ ។ អ្នកឯងប្រាប់ទៅប្រជាជនខ្លួនឯងទៅថា ចាប់ ពីពេលនេះតទៅ កែសម្រួលពេលវេលាត្រូវបានបញ្ចប់ ហើយឱ្យដំណើរការធម្មតាចាប់ពីម៉ោង ៦ព្រឹក ដល់ម៉ោង ១០យប់ នៅ«គ្រប់ច្រកទាំងអស់» តែប៉ុណ្ណឹងទៅចប់ហើយ»។

សម្ដេចតេជោ បានបញ្ជាក់យ៉ាងច្បាស់ពីជំហរកម្ពុជា ថានឹងមិនចរចារជាដាច់ខាតលើការបើកច្រកព្រំដែន ព្រោះកម្ពុជាមិនមែនជាអ្នកចាប់ផ្ដើមមុននោះទេ ផ្ទុយទៅវិញភាគីថៃជាអ្នកបិទ និងកែសម្រួលជាឯកតោភាគី ។

សម្តេចថ្លែងបែបនេះ នាឱកាសសម្ដេចជួបសំណេះសំណាលជាមួយសិស្សានុសិស្ស និងលោកគ្រូអ្នកគ្រូ នៅវិទ្យាល័យ ជា ស៊ីម កំចាយមារ ខេត្តព្រៃវែង នាថ្ងៃទី ៣ ខែកក្កដា ឆ្នាំ ២០២៥ ៕