សង្គ្រាមពាក្យសម្តីរវាងស្តេចប្រដាល់ ប៉ាក់គីអាវ និងប្រធានាធិបតី ឌូតេរតេ អំពីអំពើពុករលួយក្នុងរដ្ឋាភិបាល

ព័ត៌មានអន្តរជាតិថ្ងៃអង្គារ៍ ទី29 ខែមិថុនា ឆ្នាំ2021 ម៉ោង 12:14 នាទី ល្ងាច

ប្រធានាធិបតី រ៉ូដរីហ្គោ ឌូតេរតេ បានស្នើឱ្យសមាជិកព្រឹទ្ធសភា គឺលោក ម៉ានី ប៉ាក់គីអាវ (Manny Pacquiao) ស្តេចប្រដាល់ល្បីឈ្មោះ បង្ហាញឈ្មោះមន្ត្រីរដ្ឋាភិបាលហ្វីលីពីនដែលប្រព្រឹត្តអំពើពុករលួយ ។

ទីភ្នាក់ងារសារព័ត៌មានបរទេសរាយការណ៍ពីទីក្រុងម៉ានីល ប្រទេសហ្វីលីពីននៅថ្ងៃទី ២៩ ខែមិថុនានេះថា ប្រធានាធិប តី រ៉ូដរីហ្គោ ឌូតេរតេ បាននិយាយនៅក្នុងសេចក្តីថ្លែងការណ៍មួយរបស់គាត់ កាលពីថ្ងៃច័ន្ទ ទី ២៨ ថា គាត់មិនធ្លាប់និយាយថា «គ្មានអំពើពុករលួយនៅក្នុងប្រទេសហ្វីលីពីន»ទេ ផ្ទុយទៅវិញ បានត្រៀមខ្លួនចាត់ការតាមច្បាប់ ជាមួយ មន្រ្តីរដ្ឋាភិបាលណាដែលប្រព្រឹត្តមិនប្រក្រតី ។

ទោះយ៉ាងណា ប្រសិនបើលោក ប៉ាក់គីអាវ សមាជិកព្រឹទ្ធសភា នៅតែលើកឡើងថា មានអំពើទុច្ចរិត ក្នុងចំណោមមន្ត្រីរដ្ឋាភិបាល សូមបង្ហាញព័ស្តុតាងឱ្យបានឆាប់តាមដែលអាចធ្វើទៅបាន បើមិនដូច្នេះទេ គាត់នឹងស្នើសុំឱ្យមាន «ការលាតត្រដាង» ដោយខ្លួនឯង និងថាជា «ជនកុហក» ប្រើរឿងនេះជាល្បែង «នយោបាយ» ពីព្រោះគាត់« ដឹងពីសាវតារបស់ ប៉ាក់គីអាវ» ។

មេដឹកនាំហ្វីលីពីនមិនបាននិយាយច្បាស់ទេថា គាត់មានសេចក្តីត្រូវការយ៉ាង «ជាក់លាក់» ឲ្យ ប៉ាក់គីអាវ បង្ហាញអំពើពុករលួយរបស់មន្ត្រីណាមួយ ឬភ្នាក់ងារណាមួយ ឬព្រោះហេតុណា បានជាចេញមកនិយាយបែបនេះ? ដោយសារ តែវាជាការពិតដែល ប៉ាក់គីអាវ បានរិះគន់រដ្ឋាភិបាលរបស់លោក ឌូតេរតេ លើបញ្ហាបែបនេះ ប៉ុន្តែរយៈក្រោយមក ប៉ាក់គីអាវ មិននិយាយពីរឿងនេះទេ ។

ក្នុងពេលជាមួយគ្នានេះ នៅមិនមានភាពច្បាស់លាស់ ថាតើអ្នកទាំងពីរមានជម្លោះនយោបាយ ឬរឿងផ្ទាល់ខ្លួនណាមួយដែលអាចលាក់កំបាំងបាន ។ ប៉ាក់គីអាវ បច្ចុប្បន្នជាប្រធានស្តីទីគណបក្ស PDP-ឡាបាន់ ដែលជាគណបក្សដ៏សំខាន់របស់រដ្ឋាភិបាលហ្វីលីពីនបច្ចុប្បន្ន ហើយក៏ជាយុត្តាធិការនយោបាយរបស់លោក ឌូតេរតេ ផងដែរ ។ មុននោះ ប៉ាក់គីអាវ បានធ្វើការប្រកាសយ៉ាងច្បាស់ថា គាត់គាំទ្រសង្គ្រាមគ្រឿងញៀន និងការស្តារឡើងវិញនៃទោសប្រហារជីវិត ។

ប៉ុន្តែត្រឡប់មកវិញនៅដើមខែនេះ លោក ឌូតេរតេ បាននិយាយថា ប៉ាក់គីអាវ មាន«ចំណេះដឹងរាក់» នៃគោលនយោបាយការបរទេស ហើយគួរតែ«រៀនឱ្យបានល្អ» សិន មុនសម្តែងយោបល់ ក្រោយពី ប៉ាក់គីអាវ បានលើកឡើងពីស្ថានការណ៍នៅសមុទ្រចិនខាងត្បូង ថា «ហ្វីលីពីនត្រូវមានជំហររឹងមាំ ក្នុងការការពារអធិបតេយ្យភាព» ហើយលោក ឌូរតេរតេ និយាយថា ប្រទេសចិន «មានគុណសម្បត្តិជាច្រើន» ចំពោះហ្វីលីពីន ៕

 

អត្ថបទ សាវុឌ្ឍ


ហាមធ្វើការចម្លងអត្ថបទ ដោយមិនមានការអនុញ្ញាត្តិ។

ភ្ជាប់ទំនាក់ទំនងជាមួយយើងឥឡូវនេះ

អត្ថបទប្រហាក់ប្រហែល

សុនខសេតវិមាន
សុនខសេតវិមាន
3 ឆ្នាំមុន

ពាណិជ្ជកម្ម

អត្ថបទថ្មីៗ

អត្ថបទពេញនិយម