តើការបាត់បង់ចំណូលលើវិស័យទេសចរណ៍លើពិភពលោកដោយសារកូវីដ មានចំនួនប៉ុន្មាន?

សេដ្ឋកិច្ចថ្ងៃពុធ ទី30 ខែមិថុនា ឆ្នាំ2021 ម៉ោង 8:08 នាទី ល្ងាច

អត្ថបទ សូរ្យសែង៖

អង្គការសហប្រជាជាតិ(UN) បង្ហើបឲ្យដឹងថា ផលប៉ះពាល់ខាងសេដ្ឋកិច្ចលើវិស័យទេសចរណ៍ ក្រោយការរាតត្បាតមេរោគ​កូវីដ-១៩ កាលពីឆ្នាំកន្លងទៅ មានចំនួន ២ លានលានដុល្លារសហរដ្ឋអាមេរិក ។

អង្គការទេសចរណ៍ពិភពលោករបស់អង្គការសហប្រជាជាតិ (UNWTO) និងមហាសន្និបាតអង្គការសហប្រជាជាតិស្តីពីពាណិជ្ជកម្មនិងការអភិវឌ្ឍ (UNCTAD) បានរួមគ្នាផលិតរបាយការណ៍នេះ ទន្ទឹមនឹងការចង្អុលបង្ហាញថាកង្វះការចាក់វ៉ាក់សាំងប្រឆាំងនឹងកូវីដ-១៩ កំពុងស្ថិតនៅក្នុងភាពទូលំទូលាយក្នុងប្រទេសកំពុងអភិវឌ្ឍន៍ វាគឺជាបុព្វហេតុចម្បងនៃការបាត់បង់សេដ្ឋកិច្ច ។

លោក ស៊ូរ៉ាប់ បូឡូលីកាស្វីលី (Surab Bololicasvilli) អគ្គលេខាធិការអង្គការUNWTO និយាយថា ទេសចរណ៍គឺជាប្រភពចម្បងនៃចំណូលក្នុងការចិញ្ចឹមជីវិតរបស់មនុស្សរាប់លាននាក់ ការទទួលវ៉ាកស់ាំងបង្ការដើម្បីការពារសហគមន៍ វាមានសារសំខាន់ខ្លាំងណាស់ក្នុងការគាំទ្រសុវត្ថិភាពទេសចរណ៍ដើម្បីចាប់ផ្តើមជាថ្មី ដើម្បីស្តារអាជីពនិងបង្កើតប្រាក់ចំណូលសម្រាប់អ្នកខ្វះខាត ពីព្រោះប្រទេសកំពុងអភិវឌ្ឍន៍ជាច្រើនពឹងផ្អែកជាចម្បងលើប្រាក់ចំណូលទេសចរណ៍ ។

ការ​រាតត្បាត​នៃកូវីដ​-១៩ នេះបណ្តាលឱ្យការធ្វើដំណើររបស់ក្រុមហ៊ុនអាកាសចរណ៍ស្ទើរតែទាំងអស់ត្រូវបញ្ឈប់ នេះក៏ព្រោះតែមានប្រទេសជាច្រើនដែលបដិសេធមិនអនុញ្ញាតឱ្យមនុស្សដែលមិនចាំបាច់ធ្វើដំណើរ ដែលបណ្តាលឱ្យវិស័យទេសចរណ៍បាត់បង់ប្រាក់ចំណូលយ៉ាងច្រើនក្នុងឆ្នាំកន្លងមក ហើយនៅឆ្នាំនេះបរិមាណនៃការបាត់បង់នឹងអាស្រ័យលើប្រសិទ្ធភាពនៃការចែកចាយវ៉ាក់សាំង ។

ទោះបីUNWTO ព្យាករណ៍ថា ឧស្សាហកម្មទេសចរណ៍នឹងងើបឡើងវិញយ៉ាងឆាប់រហ័សនៅក្នុងប្រទេសដែលមានអត្រាចាក់វ៉ាក់សាំងខ្ពស់ ដូចជា សហរដ្ឋអាមេរិក ប៉ុន្តែមុនពេលដែលទេសចរណ៍អន្តរជាតិនឹងវិលមករកភាពប្រក្រតីវិញ គឺលឿនបំផុតនៅឆ្នាំ ២០២២ ៕


ហាមធ្វើការចម្លងអត្ថបទ ដោយមិនមានការអនុញ្ញាត្តិ។

ភ្ជាប់ទំនាក់ទំនងជាមួយយើងឥឡូវនេះ

អត្ថបទប្រហាក់ប្រហែល


ពាណិជ្ជកម្ម

អត្ថបទថ្មីៗ

អត្ថបទពេញនិយម