ដោយ សូរ្យសែង៖

អង្គការសុខភាពពិភពលោក (WHO) បានផ្សព្វផ្សាយឲ្យដឹងថា មានការត្រួតពិនិត្យរកឃើញមេរោគកូវីដ-១៩ ប្រភេទ ដេលតា (Delta) ដែលលើកដំបូងនៅប្រទេសឥណ្ឌា បច្ចុប្បន្នបានរាតត្បាតដល់ ១០០ ប្រទេសហើយ ។

ប្រទេសទាំង ១០០ នោះមានដូចខាងក្រោម ៖

១. អាល់ហ្សេរី ២. អាហ្សង់ទីន ៣. អារូបា ៤. អូស្រ្តាលី. ៥. អូទ្រីស ៦. បារ៉ែន ៧. បង់ក្លាដែស ៨. បារបេដូស ៩. បេឡា​រុស ១០. ប៊ែលហ្ស៊ីក ១១. ប៊ូតាន ១២. បូស្វាណា ១៣. ប្រេស៊ីល ១៤. ប៊ុលហ្គារី ១៥. កម្ពុជា ១៦. កាណាដា ១៧. ឈីលី ១៨. ចិន ១៩. ក្រូអាត ២០. ឆេក ២១. កុងហ្គោ ២២. ដាណឺម៉ាក ២៣. ហ្វីហ្ស៊ី ២៤. ហ្វាំងឡង់ ២៥. បារាំង . ២៦ ហ្វេ្រនគីណា ២៧. ហ្វ្រេនប៉ូលីនីសៀ ២៨. ហ្គំប៊ី ២៩. ហ្សកហ្ស៊ី ៣០. អាល្លឺម៉ង់ ៣១. ហ្គាណា ៣២. ក្រិក ៣៣. ហ្គួដេលូប ៣៤. ហ្គាំ ៣៥. ហុងហ្គារ ៣៦. ឥណ្ឌា ៣៧. ឥណ្ឌូនេស៊ី ៣៨. អ៊ីរ៉ង់ ៣៩. អាយលែន ៤០. អ៊ីស្រាអែល ៤១.​ អ៊ីតាលី ៤២. ជប៉ុន ៤៣. ហ្សកដង់  ៤៤. កេនយ៉ា ៤៥. គូវេត ៤៦. លីទុយអានី ៤៧. ឡុចហ្សំបួរ ៤៨. ម៉ាឡាវី ៤៩. ម៉ាឡេស៊ី ៥០. ម៉ាល់ឌីវ ៥១. ម៉ាល់តា ៥២. មួរីថានៀ ៥៣. មួរីធីស ៥៤. មិកស៊ិកូ ៥៥. ម៉ូរ៉ុកកូ ៥៦. ម៉ូហ្សំប៊ិក ៥៧. នេប៉ាល់ ៥៨ ហុល្លង់ ៥៩. ញូវហ្សឺ​លែន ៦០ ន័រវេស ៦១. ប៉ាឡេស្ទីន ៦២. ប៉ាគីស្ថាន ៦៣. ប៉េរូ ៦៤. ហ្វីលីពីន ៦៥. ប៉ូឡូញ ៦៦. ព័រទុយហ្គាល់ ៦៧. ព័រតូរីកូ ៦៨. កាតារ ៦៩. កូរ៉េខាងត្បូង ៧០. រ៉ូម៉ានី ៧១.  រុស្ស៊ី ៧២. រ៉ឺនីញ៉ុង ៧៣. សាបា ៧៤. សាអ៊ូឌីត ៧៥. សិង្ហបុរី​៧៦. ស៊ិនម៉ារថេន ៧៧. ស្លូវ៉ាគី ៧៨. ស្លូវើនៀ ៧៩. អាហ្វ្រិកខាងត្បូង ៨០. អេស្ប៉ាញ  ៨១. ស្រីលង្កា ៨២. ស៊ុយអ៊ែដ ៨៣. ស្វីស ៨៤. ថៃ ៨៥. ទុយនេស៊ី ៨៦. ទួរគី ៨៧. អ៊ូហ្គង់ដា ៨៨. អ៊ុយក្រែន ៨៩. UEV ៩០. អង់គ្លេស ៩១. សហរដ្ឋ​អាមេរិក. ៩២. អ៊ូបេគីស្ថាន ៩៣. វៀតណាម ៩៤. ហ្សំប៊ី ៩៥. ហ្ស៊ីមបាបវ៉េ ។

ទិន្នន័យពី WHO ឲ្យដឹងទៀតថា កូវីដប្រភេទ«ដេលតា» មានអត្រាឆ្លងខ្ពស់ជាងប្រភេទ «អាល់ហ្វា(alpha)» ដែលជួបលើកដំបូងក្នុងប្រទេសអង់គ្លេស មាន ៥៥% ដែលអាចឆ្លងរាតត្បាតពេញពិភពលោកយ៉ាងលឿន ។

សម្រាប់កូវីដ ប្រភេទដេលតា ត្រូវបានគេជួបលើកដំបូងនៅក្នុងខែតុលាឆ្នាំ ២០២០ ក្នុងប្រទេសឥណ្ឌាដោយកើតការបម្លែងក្នុងផ្នែកប្រូតេអ៊ីន បណ្តាលឱ្យមានការកើនឡើងអត្រារាតត្បាតនៃមេរោគ និងភាពធន់ទ្រាំទៅនឹងអង្គបដិបក្ខបន្សាបមេរោគ វាក៏អាចស៊ាំនឹងវ៉ាក់សាំង COVID-19 ផងដែរ ។

លទ្ធផលសិក្សាចុងក្រោយរបស់ប្រទេសស្កុតលែន ដែលត្រូវបានចុះផ្សាយនៅលើទស្សនាវដ្តីវេជ្ជសាស្ត្រអន្តរជាតិ Lancetបានរកឃើញថា អ្នកជំងឺបានឆ្លងវីរុសកូវីដប្រភេទដេលតា មានអត្រាចូលព្យាបាលខ្ពស់ជាងដល់ ៨៥% បើធៀបនឹងប្រភេទអាល់ហ្វា ។

លោក ម៉ៃឃើល រ៉ៃអាន នាយកប្រតិបត្តិនៃកម្មវិធីបន្ទាន់ផ្នែកសុខភាពរបស់អង្គការសុខភាពពិភពលោកបាននិយាយថ្មីៗនេះថា មេរោគដេលតារាលដាលយ៉ាងឆាប់រហ័សហើយរឹងមាំទៀត វាអាចវាយប្រហារក្រុមងាយរងគ្រោះជាងប្រភេទមេរោគដទៃៗទៀត ៕