អតីតនាយករដ្ឋមន្ត្រី ណាហ្ស៊ីប
ប្រែសម្រួលពី mgronline
ដោយ សូរ្យរិទ្ធ
សាលាឧទ្ធរណ៍ម៉ាឡេស៊ី បានចេញសាលក្រមតម្កល់សាលក្រមរបស់សាលាដំបូង ករណីអតីតនាយករដ្ឋមន្ត្រី ណាហ្ស៊ីប រ៉ាហ្សាក់ (Najib Razak) មានទោសពីបទពុករលួយ ដោយការកេងប្រវ័ញ្ចលុយពីមូលនិធិទ្រព្យសម្បត្តិជាតិ ចំនួន ១ MDB សម្រាប់ការប្រើប្រាស់ផ្ទាល់ខ្លួន!
វាជាព្រឹត្តិការណ៍មួយដែលបានអង្រួនប្រទេសម៉ាឡេស៊ី ដោយសារអតីតនាយករដ្ឋមន្ត្រី ណាហ្សស៊ីប គឺជាសមាជិកជាន់ខ្ពស់នៃគណបក្ស UMNO ដែលជាគណបក្សសំខាន់របស់រដ្ឋាភិបាលបច្ចុប្បន្ន និងជាកូនប្រុសច្បងរបស់អតីតនាយករដ្ឋមន្ត្រីទី២ ម៉ាឡេស៊ី ដែលតស៊ូយ៉ាងក្លាហានប្រឆាំងនឹងអាណានិគមអង់គ្លេស រហូតដល់ម៉ាឡេស៊ីទទួលបានឯករាជ្យ ។
ក្នុងការអានសាលក្រម (កាលពីសប្តាហ៍មុននេះ) ចៅក្រម អាប់ឌុល ការីម អាប់ឌុល ចាលីល (Abdul Karim Abdul Jalil) រួមនឹងបុគ្គលសរុបចំនួន ៣នាក់ទៀត បានតម្កល់សាលក្រមរបស់សាលាដំបូង លើបទចោទទាំង ៧ ដូចខាងក្រោម៖
៣ ករណី នៃការរំលោភលើសេចក្តីទុកចិត្ត
៣ ករណី ការលាងលុយកខ្វក់
១ ករណី ការបំពានអំណាច / ការប្រើអំណាចហួសកម្រិត (Abuse of Power) និងពិន័យ មានដូចខាងក្រោម:
បទល្មើសរំលោភសេចក្តីទុកចិត្តនីមួយៗ នឹងជាប់ពន្ធនាគារ ១០ ឆ្នាំ បូកនឹងបទល្មើស ៣ ករណី មានទោស ៣០ ឆ្នាំ ។
បទល្មើសក្នុងការលាងលុយកខ្វក់ ១០ ឆ្នាំ បូកនឹង ៣ ករណី ជាប់ទោស ៣០ ឆ្នាំ ។
បទល្មើសរំលោភអំណាចជាប់ពន្ធនាគារ ១២ ឆ្នាំ និងពិន័យជាប្រាក់ ២១០ លានរីងហ្គិត តែបើលោក ណាហ្ស៊ីប មិនព្រមបង់ប្រាក់ពិន័យទេ ត្រូវបន្ថែមទោស ៥ ឆ្នាំទៀត ។
ហេតុការណ៍ទី ២ តុលាការ (សាលាដំបូង និងបណ្តឹងឧទ្ធរណ៍) បានកាត់ទោសសំណុំរឿងពុករលួយយ៉ាងភ្ញាក់ផ្អើលជាមួយ នឹងច្បាប់ប្រទេសម៉ាឡេស៊ី ។ រឿងនេះនឹងមិនកើតឡើងទេ ប្រសិនបើលោក មហាធៀរ មហាម៉ាដ (Mahathir Mohamad) មិនបានចេញបញ្ជាភ្លាមៗ នៅពេលដែលគាត់បានចូលស្បថកាន់តំណែងជានាយករដ្ឋមន្ត្រីនៅឆ្នាំ ២០១៨ ដោយហាមលោក ណាហ្ស៊ីប មិនឱ្យចាកចេញពីប្រទេសជាមួយប្រពន្ធរបស់គាត់ (ខណៈពេលដែលមានយន្តហោះឯកជន ត្រូវបានបញ្ជូនពីមិត្តរបស់លោកនៅឥណ្ឌូនេស៊ី ដើម្បីរង់ចាំជាមួយភរិយារត់ចេញពីប្រទេសក្រោយពេលដឹងលទ្ធផលបោះ ឆ្នោតភ្លាមថាចាញ់ ហើយលោក មហាធៀរ ឡើងជានាយករដ្ឋមន្ត្រីដែលមិននឹកស្មានដល់ ។
លោក មហាធៀរ មហាម៉ាដ (Mahathir Mohamad)
ទ្រព្យសម្បត្តិដ៏ច្រើនសន្ធឹកសន្ធាប់ត្រូវបានសមត្ថកិច្ចរឹបអូសបាននៅផ្ទះសំណាក់ និងលាក់ទុកជាច្រើនកន្លែងទៀត ខណៈដែលដំណឹងនេះបានផ្សព្វផ្សាយពាសពេញពិភពលោក រហូតដល់ទំហំអាចលង់នឹងព័ត៌មាន ស្បែកជើងប្រណីតចំនួន ៣.០០០ គូ របស់មាដាម ម៉ាកូស របស់ហ្វីលីពីន វ៉ែនតា ចិញ្ចៀនមាស-ប្រាក់-ដុល្លារ គុជពណ៌ផ្កាឈូក/មាស/គ្រឿងអលង្ការ/នាឡិកាប្រណីត វ៉ាលីស ស្បែកជើង និងកាបូបប្រណីតនារី (ប្រេនដ៍) ដែលជាម៉ាកលំដាប់ពិភពលោកសុទ្ធតែជារបស់អតីតនាយករដ្ឋមន្ត្រី ណាហ្ស៊ីប និងភរិយា ដែលបានដើរហើរតាមហាងនានាក្នុងប្រទេសអ៊ីតាលី ប៉ារីស ឡុងដ៍ ញូវយ៉ក និងសូម្បីតែនៅផ្សារទំនើបកណ្តាលទីក្រុងបាងកកក្តី ។ មិនតែប៉ុនណោះ គេហដ្ឋានជួលថ្លៃបំផុតនៅញូវយ៉ក បឺរបេងនៅ ឡូស អេនជឺឡេស សហរដ្ឋអាមេរិក ទូកកម្សាន្តដ៏ស្រស់ស្អាត រួមទាំងគំនូរតម្លៃខ្ពស់ដោយ Picasso ដែលមិត្តជាទីស្រឡាញ់របស់កូនប្រុស ចូ ឡូវ (Jo Low) របស់ ណាហ្ស៊ីប បានចូលរួមក្នុងការរឹបអូសយកលុយមូលនិធិទ្រព្យសម្បត្តិ ដើម្បីលាងលុយកខ្វក់ផ្ទាល់ខ្លួនទាំងនេះ ។
រឿងក្តីនេះបានស៊ើបអង្កេតអស់រយៈពេល ៣ ឆ្នាំមកហើយ ព្រោះត្រូវការពេលវេលាតាមដានទ្រព្យសម្បត្តិ និងការស៊ើបអង្កេតរបស់បុគ្គលពាក់ព័ន្ធ ទាំងប្រពន្ធរបស់លោក ណាហ្ស៊ីប កូនប្រសាស្រី និងលោក ចូ ឡូវ រហូតដល់ពួកគេឆ្លងកាត់សាលក្រមដំបូង ប៉ុន្តែខណៈដែលលោក ណាហ្ស៊ីប បានប្តឹងឧទ្ធរណ៍ ក៏ពេលនោះបានផ្លាស់ប្តូររដ្ឋាភិបាល គឺលោក មហាធៀរ មកជានាយករដ្ឋមន្ត្រីថ្មីពីគណបក្ស UMNO ។
វាមានសារសំខាន់ណាស់ក្នុងការអានការវិនិច្ឆ័យនេះ ចៅក្រមបានចាក់ទម្លុះបេះដូងលោក ណាហ្ស៊ីប ហើយវាជារឿងដ៏ធំមួយក្នុងប្រទេសម៉ាឡេស៊ី តែការលើកឡើងរបស់ចុងចោទថា គាត់ធ្វើអ្វីគ្រប់យ៉ាងដើម្បីផលប្រយោជន៍ជាតិ (National Embarrassment) ព្រោះគាត់ជាអ្នកបង្កើតមូលនិធិ ១ MDB ។
ជាការពិត អ្វីដែលចុងចោទបានធ្វើ មិនមែនដើម្បីផលប្រយោជន៍ជាតិទេ វាផ្ទុយទៅវិញទេ គឺធ្វើឱ្យជាតិអាម៉ាស់ (National Embarrassment) វាមិនមែនជាផលប្រយោជន៍ជាតិទេ (National Interest!!) ។
ការវិនិច្ឆ័យនេះ ចុងចោទបានទទួលសាលក្រមតាមរយៈវីដេអូ Zoom ក្នុងពេលដែលកំពុងជួបប្រទះការផ្ទុះឡើងនៃមេរោគឆ្លងដ៏ធ្ងន់ធ្ងរនៅក្នុងប្រទេសម៉ាឡេស៊ី ។
ភ្លាមៗនោះ ភាគីរបស់លោក ណាហ្ស៊ីប បានផ្តល់បទសម្ភាសន៍ដល់សារព័ត៌មាន គាត់មានការឈឺចាប់យ៉ាងខ្លាំងចំពោះការប្រៀបធៀបនេះពីសាលាឧទ្ធរណ៍ នឹងត្រូវរង់ចាំស្តាប់ការសម្រេចរបស់តុលាការកំពូលថា តើនឹងឈរតាមតុលាការទាំង ២ខាងលើឬអត់ !