by bong Rith Kh:
ប៉ូលិសប្រទេសថៃ បានប្រជុំគ្នាត្រៀមទទួលស្វាគមន៍លោក ថាក់ស៊ីន ពេលត្រលប់មកប្រទេសវិញ ។ ថ្ងៃទី ១២ កក្កដា អ្នកកាសែតក្នុងស្រុកថៃរាយការណ៍ថា ប៉ូលិសបានបើកកិច្ចប្រជុំពិសេសមួយ ពាក់ព័ន្ធនឹងរឿង ត្រៀមការពារសន្តិសុខ និងដំណើរការផ្លូវច្បាប់ ក្នុងករណីដែលជនជាប់ចោទក្រោមដីកាចាប់ដាក់ពន្ធនាគារចូលប្រទេសថៃ ដោយយន្តហោះដឹកអ្នកដំណើរ ចុះចតនៅអាកាសយានដ្ឋាន ដនមឿង ឬអាកាសយានដ្ឋានសុវណ្ណភូមិ ។
ទោះជាយ៉ាងណា ក្នុងកិច្ចប្រជុំនេះ បញ្ហាជាច្រើនត្រូវបានគេលើកយកមកពិភាក្សា រួមទាំងការកំណត់ផ្លូវធ្វើដំណើរ ទាំងផ្លូវសំខាន់ ពីព្រលានយន្តហោះខាងលើទៅតុលាការកំពូល (សាណាមហ្លួង) ឬពីអាកាសយានដ្ឋានទៅកន្លែងត្រួតពិនិត្យពិសេស) និងផ្លូវពីតុលាការកំពូល ទៅពន្ធនាគារពិសេសបាងកក។
ព័ត៌មានបានរាយការណ៍ទៀតថា ករណីបែបនេះអាចនឹងកំពុងរៀបចំសម្រាប់ការវិលត្រឡប់របស់អតីតនាយករដ្ឋមន្ត្រីថាក់ស៊ីន ស៊ីណាវ៉ាត្រា ដែលគាត់បាននិយាយថា គាត់បានត្រៀមខ្លួនត្រឡប់ទៅបម្រើនៅប្រទេសថៃវិញក្នុងអំឡុងខែកក្កដានេះ ៕