ដោយ សូរ្យសែង៖
នៅអឺរ៉ុប មានពេលខ្លះដែលគណបក្សលេខ១ ឈ្នះការបោះឆ្នោត ប៉ុន្តែត្រូវប្រឈមមុខនឹងការជាប់គាំងផ្នែកនយោបាយ ក្នុងការបង្កើតរដ្ឋាភិបាលយឺតជាងធម្មតា។ នេះមកពីគណបក្សលេខ១មិនអាចប្រមូលសំឡេងឆ្នោតបានលើសពាក់កណ្តាលនៃសមាជិកសភា ។ សូមក្រឡេកមើលភាពជាប់គាំងនយោបាយរបស់ប្រទេសអឺរ៉ុបចំនួន 4 ក្នុងរយៈពេល 10 ឆ្នាំកន្លងមក ។
១. អេស្ប៉ាញ ៖ បោះឆ្នោតឆ្នាំ ២០២៣ បង្កើតរដ្ឋាភិបាលមិនបាន
អេស្ប៉ាញក៏ជាប្រទេសមួយប្រឈមនឹងការបង្កើតរដ្ឋាភិបាលមិនបាន ដោយសារគណបក្សនយោបាយពីរមិនទទួលបានសំឡេងភាគច្រើននៃសមាជិកសភា ។ គណបក្សកម្រិតមូលដ្ឋាន Basque និង Catalonia ដែលជាអ្នកផ្លាស់ប្តូរហ្គេម ក្នុងការចូលរួមក្នុងរដ្ឋាភិបាល គឺពិបាកដោយសារគោលនយោបាយផ្តាច់ខ្លួនដើម្បីគ្រប់គ្រងខ្លួនឯង ។
- គណបក្សប្រជាជន (People’s Party: PP) ដែលជាគណបក្សអភិរក្សនិយមកណ្តាល ទទួលបានអាសនៈច្រើនជាងគេនៅក្នុងសភាគឺ 136 សម្លេង ប៉ុន្តែនៅតែខ្វះសម្លេងបញ្ចូលមិនលើសពីពាក់កណ្តាលនៃ 350 សម្លេងនៃសភាជាន់ទាបទាំងមូល ទើបធ្វើឲ្យការបង្កើតរដ្ឋាភិបាលថ្មីជាប់គាំង ។
- សម្ព័ន្ធស្តាំនិយមឥឡូវនេះមានសំឡេងច្រើនជាងគេ នៅពេលដែលគណបក្ស PP និងគណបក្ស VOX ស្តាំនិយមជ្រុល បញ្ចូលគ្នាបានសម្លេង 169 វានៅតែខ្វះ ៧ សម្លេងទៀត ។
- កត្តាសំខាន់ក្នុងការបង្រួបបង្រួមការបោះឆ្នោតរបស់រដ្ឋាភិបាលគឺ «គណបក្សកម្រិតមូលដ្ឋាន» ដែលទាមទារឯករាជ្យ ដូចជាគណបក្សមកពី Basque និង Catalonia ជាដើម។ គណបក្សទាំងនេះ មិនរួមជាមួយគណបក្ស Vox ទេ ដែលជាគណបក្សស្តាំនិយមជ្រុលដែលសង្កត់ធ្ងន់លើមនោគមវិជ្ជាជាតិនិយម ។
- ចំណែកគណបក្សលំដាប់ទី ២ គឺគណបក្សសង្គមនិយមពលករ (Socialist Labor Party (POSOE)) ជាគណបក្សដែលមានប្រជាប្រិយភាព ទទួលបានអាសនៈចំនួន ១១២ សម្លេង ប្រសិនបើរួមជាមួយគណបក្ស Sumar ដែលជាគណបក្សឆ្វេងនិយមដែលទទួលបាន ៣១ អាសនៈ បានត្រឹមចំនួន ១៤៣ សម្លេង ។
- ជំហររបស់គណបក្សឆ្វេងនិយម (ប្រឆាំង) ចំពោះគណបក្សមូលដ្ឋាន វាហាក់ដូចជាមានលទ្ធភាពនៃការសម្របសម្រួលសម្លេងទាំងមូលបាន បានច្រើនជាងគណបក្សស្តាំនិយម ។
២. ប្រទេសស៊ុយអ៊ែដ ឬ Sweden ៖ បោះឆ្នោតឆ្នាំ ២០១៨ ប្រើពេល ១៣៤ ថ្ងៃ
- នៅឆ្នាំ 2018 លទ្ធផលនៃការបោះឆ្នោតប្រទេសស៊ុយអែត ទាំងគណបក្សនយោបាយពីរគឺឆ្វេងកណ្តាល និងស្តាំកណ្តាល មានសម្លេងមិនឆ្ងាយពីគ្នា ។ គណបក្សនីមួយៗមិនអាចរួមបញ្ចូលសម្លេងភាគច្រើនបានទេ នេះបណ្តាលឱ្យសភាស៊ុយអែតប្រឈមនឹងភាពជាប់គាំងនយោបាយរយៈពេលបួនខែ ។
- គណបក្សសង្គមប្រជាធិបតេយ្យ ដឹកនាំដោយនាយករដ្ឋមន្ត្រី ស្តេហ្វេន ឡូហ្វេវេន (Stefan Lofven) ដែលជាគណបក្សឆ្វេងកណ្តាល បានឈរនៅលេខរៀងទីមួយ នៅពេលរួមបញ្ចូលសម្លេងជាមួយគណបក្សឆ្វេងនិយមតូច ទទួលបាន 40.6% ខណៈពេលដែលគណបក្សជាប់ចំណាត់ថ្នាក់លេខ 2 រួមមាន 40.2% នៃសម្លេងពីគណបក្សស្តាំនិយម ដែលនៅតែមិនបានសម្លេងភាគច្រើន ។
- កត្តាសំខាន់ក្នុងការបង្កើតរដ្ឋាភិបាល គឺគណបក្សលំដាប់ទីបី គឺគណបក្សប្រជាធិបតេយ្យស៊ុយអែត ដែលជាគណបក្សស្តាំនិយមជ្រុល វាមានឫសគល់ក្នុងចលនានីអូណាស៊ី និងមានជំហរប្រឆាំងនឹងជនអន្តោប្រវេសន៍ ដែលក្នុងការបោះឆ្នោតឆ្នាំ២០១៨ គណបក្សស្តាំជ្រុលទទួលបានការគាំទ្រកើនច្រើន ដោយសារវិបត្តិសេដ្ឋកិច្ច និងនិន្នាការប្រឆាំងជនអន្តោប្រវេសន៍នៅប្រទេសស៊ុយអែត ។
- ទោះយ៉ាងណាក៏ដោយ ទាំងក្រុមឆ្វេងកណ្តាល និងក្រុមស្តាំកណ្តាល បានច្រានចោលកិច្ចព្រមព្រៀងជាមួយគណបក្សប្រជាធិបតេយ្យស៊ុយអែតស្តាំនិយមដើម្បីចូលរួមក្នុងរដ្ឋាភិបាល ដោយសារតែកិច្ចព្រមព្រៀងឆ្លងការចំណាយនយោបាយខ្ពស់ពេក ។
- បន្ទាប់ពីការចរចាអស់រយៈពេលជាង 134 ថ្ងៃ សភាបានអនុម័តអនុញ្ញាតឱ្យគណបក្សសង្គមប្រជាធិបតេយ្យធ្វើ រដ្ឋាភិបាលសម្លេងភាគតិច ដើម្បីបំបាត់បញ្ហាបោះឆ្នោតដែលសរុបសម្លេងមិនបាន ។
៣. ហុល្លង់ ៖ បោះឆ្នោតឆ្នាំ ២០១៧ ប្រើពេល ២២៥ ថ្ងៃ
- នៅឆ្នាំ ២០១៧ គណបក្សប្រជាជន និងប្រជាធិបតេយ្យ (VVD) ដឹកនាំដោយលោក ម៉ាក រុត (Mark Rutte) ជាមេដឹកនាំ និងជានាយករដ្ឋមន្ត្រី ទទួលបានសម្លេងគាំទ្រច្រើនជាងគេសម្រាប់ ៣៣ អាសនៈ ប៉ុន្តែមិនអាចរួមបញ្ចូលសម្លេងលើសពីពាក់កណ្តាលនៃអាសនៈទាំង ១៥០ បាន ។
- គណបក្សសេរីភាព (Freedom PVV) ដែលជាគណបក្សស្តាំនិយម ដែលបានជាប់ចំណាត់ថ្នាក់លេខ២ ក៏មិនអាចបង្រួបបង្រួមសន្លឹកឆ្នោតបានដែរ ។
- ការចរចាដើម្បីបង្កើតរដ្ឋាភិបាលស៊ីពេលជាច្រើនខែ ដោយសារគណបក្សខ្លះមានមតិខុសគ្នា ។ ទីបំផុត រ៉ូត តេសា អាចបង្កើតគណបក្សចម្រុះចំនួន ៤ គណបក្ស ហើយក្លាយជានាយករដ្ឋមន្ត្រី តែត្រូវចំណាយពេល 225 ថ្ងៃ ដែលជារយៈពេលបំបែកកំណត់ត្រាមួយនៅក្នុងប្រវត្តិសាស្ត្រហុល្លង់ទំនើប។
៤. ប្រទេសអាល្លឺម៉ង់ ៖ បោះឆ្នោតឆ្នាំ ២០១៧ ប្រើពេល ១៣៦ ថ្ងៃ
- គណបក្សប្រជាធិបតេយ្យគ្រិស្ទៀន (CDU) ដែលមានលោកស្រី អង់ហ្គេឡា ម៊ែឃើល ជាប្រធានគណបក្ស និងជាអធិការបតីប្រទេសអាល្លឺម៉ង់ បានឈ្នះការបោះឆ្នោតសហព័ន្ធរដ្ឋ ប៉ុន្តែមិនអាចរួមសម្លេងភាគច្រើនក្នុងសភាបាន ទើបសម្រេចបង្កើតរដ្ឋាភិបាលចម្រុះជាមួយគណបក្សប្រជាធិបតេយ្យសង្គមអាល្លឺម៉ង់ (SPD) ជាគណបក្សឆ្វេងនិយមកណ្តាល លំដាប់ទី ២ ។
- ការចរចាដើម្បីបង្កើតរដ្ឋាភិបាលបានចំណាយពេល 136 ថ្ងៃ ដោយសារភាគីផ្សេងៗ មិនអាចយល់ព្រមលើគោលនយោបាយថាមពល និងអន្តោប្រវេសន៍ ។
- សម្រាប់គណបក្សមាគ៌ាថ្មីអាល្លឺម៉ង់ (AfD) ដែលជាគណបក្សស្តាំនិយមជ្រុល ដែលទោះបីជាប្រជាប្រិយភាពរបស់ខ្លួនកើនឡើងដល់ចំណាត់ថ្នាក់លេខ 3 និងបានចូលសភា Bundestag ជាលើកដំបូងក្នុងរយៈពេលប្រាំមួយទសវត្សរ៍ (៦០ឆ្នាំ) ទោះជាយ៉ាងណាក៏ដោយ AfD មិនស្ថិតនៅក្នុងសមីកាសម្រាប់ការចរចាររបស់រដ្ឋាភិបាលទេ . ប៉ុន្តែទោះយ៉ាងណា មនោគមវិជ្ជាស្តាំជ្រុលត្រូវបានគេមើលឃើញថាជាគ្រោះថ្នាក់ដល់សង្គមអាល្លឺម៉ង់ ។
បកប្រែពី