ដោយ សូរ្យសែង៖

អ្នកយកព័ត៌មានក្នុងស្រុក បានបង្ហាញកូតារដ្ឋមន្ត្រីរបស់គណបក្សភឿថៃ កាលពីថ្ងៃទី ៤ សីហា ឲ្យដឹងថា ប្រសិនបើការបង្កើតរដ្ឋាភិបាលចម្រុះទទួលបានជោគជ័យ បន្ទាប់​ពី​ចែក​ផ្លូវ​គ្នា​​ជាមួយ​គណបក្សកាវក្លៃ គណបក្សភឿថៃ ក្រៅពីបានទទួលតំណែងជានាយករដ្ឋមន្ត្រី នៅកាន់តំណែងរដ្ឋមន្ត្រីខ្លឹមៗចំនួន ៥ ផ្សេងទៀត ដូចខាងក្រោម៖

- នាយករដ្ឋមន្ត្រីទី ៣០ លោក សេដ្ឋា ធ្វីស៊ិន មកពីគណបក្សភឿថៃ

- រដ្ឋមន្ត្រីមហាផ្ទៃ គឺលោក ឈុនណាន ស្រ៊ីកែវ ប្រធានគណបក្សភឿថៃ

- រដ្ឋមន្ត្រីការបរទេស គឺកូនពៅរបស់លោក ថាក់ស៊ីន គឺលោកស្រី ផេតថងថាន ឈិនវ៉ាត់ ហៅ អ៊ុងអ៊ីង ប្រធានគ្រួសារភឿថៃ

- រដ្ឋមន្ត្រីក្រសួងហិរញ្ញវត្ថុ ជាមនុស្សខាងក្រៅ ដោយមានឈ្មោះ «អ» (មិនបញ្ចេញឈ្មោះ)

- រដ្ឋមន្ត្រីក្រសួងគមនាមគមន៍ គឺលោក ប្រាស៊ើត ច័ន្ទថាវង្សថង  អគ្គលេខាធិការគណបក្សភឿថៃ

- រដ្ឋមន្ត្រីក្រសួងថាមពល លោក ជុនផាន់ អាម៉រវិវ៉ាត់ អនុប្រធានគណបក្សភឿថៃ

របាយការណ៍ពន្លេចឲ្យដឹងទៀតថា ក្នុងចំណោមក្រសួងដែលគណបក្សភឿថៃយក​ទៅចរចាជាមួយ​គណបក្សចម្រុះ មាន៖ ក្រសួងពាណិជ្ជកម្ម - ក្រសួងឧស្សាហកម្ម - ក្រសួងការពារជាតិ - ក្រសួងសុខាភិបាល - ក្រសួងកិសកម្ម និងសហករណ៍ - ក្រសួងយុត្តិធម៌ - ក្រសួង DES - ក្រសួងអប់រំ ក្រសួងទេសចរណ៍ និងកីឡា - ក្រសួងវប្បធម៌ - ក្រសួងការងារ - ក្រសួងអភិវឌ្ឍន៍សង្គម - ក្រសួងឧត្តមសិក្សា វិទ្យាសាស្ត្រ - ក្រសួងធនធានធម្មជាតិ និបរិស្ថាន - រដ្ឋមន្ត្រីទីស្តីការគណៈរដ្ឋមន្ត្រី ។

យ៉ាង​ណា​ក៏ដោយ កូតា​រដ្ឋមន្ត្រី​អាស្រ័យ​លើ​ចំនួន​សមាជិក​សភា​ដែល​ចូលរួម​ក្នុង​រដ្ឋាភិបាល និងការចរចារវាងគណបក្ស ភឿថៃ ដែលមានសមាជិកសភា ១៤១រូប និងគណបក្សចម្រុះដែលចូលរួមរដ្ឋាភិបាល ៕

នាយករដ្ឋមន្ត្រីទី ៣០ លោក សេដ្ឋា ធ្វីស៊ិន មកពីគណបក្សភឿថៃ

កូនពៅលោក ថាក់ស៊ីន លោកស្រី ផេតថងថាន ឈិនវ៉ាត់ ហៅ អ៊ុងអ៊ីង រដ្ឋមន្ត្រីក្រសួងការបរទេស

រដ្ឋមន្ត្រីក្រសួងគមនាមគមន៍ គឺលោក ប្រាស៊ើត ច័ន្ទថាវង្សថង  អគ្គលេខាធិការគណបក្សភឿថៃ

រដ្ឋមន្ត្ក្រីក្រសួងមហាផ្ទៃ គឺលោក ឈុនណាន ស្រ៊ីកែវ ប្រធានគណបក្សភឿថៃ

ប្រភព nationtv