ដោយ សូរ្យសែង៖
តោះមើលសក្ដានុពលរបស់កងទ័ពអ៊ីស្រាអែល និងកលយុទ្ធប៉ុន្មានទៀត ដែលនឹងត្រូវប្រើសម្រាប់ប្រយុទ្ធក្នុងសមរភូមិជាមួយក្រុមហាម៉ាស ដែលនឹងក្លាយជាសង្រ្គាមពេញលក្ខណៈនាពេលខាងមុខនេះ តែក៏សូមអញ្ជើញមកមើលពីភាពខ្លាំងរបស់ក្រុមហាម៉ាសផងដែរ។
អ៊ីស្រាអែលជាប្រទេសដែលមានផ្ទៃដីប្រមាណ ២២.០៧២ គីឡូម៉ែត្រការ៉េ ឬមានទំហំទី 149 នៅលើពិភពលោក ។ ទោះជាយ៉ាងណា ព័ត៌មានពី The Military Balance 2023 ដោយវិទ្យាស្ថានអន្តរជាតិសម្រាប់ការសិក្សាយុទ្ធសាស្ត្រ (IISS) បង្ហាញថា អ៊ីស្រាអែលមានបុគ្គលិកយោធាសកម្មចំនួន 169,500 នាក់ បែងចែកជាកងទ័ពជើងគោកចំនួន 126,000 នាក់ និងកងទ័ពជើងទឹកចំនួន 9,500 នាក់ កងទ័ពអាកាស ៣៤.០០០ នាក់ កងទ័ពបម្រុង ៤៦៥.០០០ នាក់ និង ៨.០០០ នាក់ជាផ្នែកនៃកម្លាំងយោធាផ្សេងទៀត ។
ដោយនៅក្នុងប្រព័ន្ធសេវាយោធាអ៊ីស្រាអែល ប្រជាពលរដ្ឋដែលមានអាយុលើសពី 18 ឆ្នាំ ទាំងបុរសនិងស្ត្រីត្រូវមានកាតព្វកិច្ចក្នុងជួរយោធា បុរសត្រូវបម្រើរយៈពេល ៣២ ខែ និងស្ត្រីរយៈពេល ២៤ ខែ ។
អ៊ីស្រាអែលមានកងទ័ពដ៏មានឥទ្ធិពលបំផុតមួយនៅមជ្ឈិមបូព៌ា មានអាវុធទំនើបនិងការស៊ើបអង្កេតចាកម្មពូកែ នៅក្នុងវិស័យកងកម្លាំងយុទ្ធសាស្ត្រ ។ គេជឿថាអ៊ីស្រាអែលមានសមត្ថភាពនុយក្លេអ៊ែរដោយសារតែមីស៊ីល Jericho 2 ។
ទិន្នន័យពី missillethreat បង្ហាញថា អ៊ីស្រាអែលមានកាំជ្រួចរយៈចម្ងាយមធ្យម រយៈចម្ងាយអតិបរមាគឺប្រហែល 1,500 គីឡូម៉ែត្រ និងអាចផ្ទុកគ្រាប់ផ្ទុះកម្រិតខ្ពស់ (HE) បានរហូតដល់ 1,500 គីឡូក្រាម ឬក្បាលគ្រាប់នុយក្លេអ៊ែររហូតដល់ 1 តោន វាមានប្រវែង 15 ម៉ែត្រ និងទទឹង 1,35 ម៉ែត្រ ជាមួយនឹងទម្ងន់នៃការបាញ់បង្ហោះប្រហែល 22,000 គីឡូក្រាម។
កងកម្លាំងជើងគោករបស់អ៊ីស្រាអែល មានរថក្រោះចំនួន 2,200 គ្រឿង និងកាំភ្លើងធំចំនួន 530 គ្រឿង ខណៈដែលកងទ័ពអាកាសមានយន្តហោះចម្បាំងចំនួន 339 គ្រឿង យន្តហោះចម្បាំងវាយប្រហារដីចំនួន 309 គ្រឿង យន្តហោះចម្បាំង F-16 ចំនួន 196 គ្រឿង និងយន្តហោះចម្បាំង F-15 ចំនួន 83 គ្រឿង យន្តហោះចម្បាំង F-35 ចំនួន 30 គ្រឿង ឧទ្ធម្ភាគចក្រចំនួន 142 គ្រឿង ឧទ្ធម្ភាគចក្រវាយលុក (ប៉ាជេ)ចំនួន 43 គ្រឿង និងនាវាមុជទឹក 5 គ្រឿង។
ការចំណាយយោធារបស់អ៊ីស្រាអែល Al Jazeera រាយការណ៍ដោយផ្អែកលើទិន្នន័យពីវិទ្យាស្ថានស្រាវជ្រាវសន្តិភាពអន្តរជាតិ Stockholm (SIPRI) ដែលជាអ្នកគិតគូរផ្តោតលើជម្លោះ និងសព្វាវុធ ក្នុងឆ្នាំ 2022 អ៊ីស្រាអែលបានចំណាយប្រាក់ចំនួន 23.4 ពាន់លានដុល្លារលើវិស័យយោធារបស់ខ្លួន ហើយ 2,535$ ក្នុងទាហានម្នាក់ពីឆ្នាំ 2018-2022 វាគឺជាការចំណាយយោធាខ្ពស់បំផុតទីពីរនៅលើពិភពលោកបន្ទាប់ពី 4,564 ដុល្លាររបស់ប្រទេសកាតា ។
នៅឆ្នាំ 2022 អ៊ីស្រាអែលបានខ្ទង់ថវិកា 5.09% នៃផលិតផលក្នុងស្រុកសរុប (GDP) របស់ខ្លួនលើ IDF ដែលជាចំនួនខ្ពស់បំផុតទី 7 នៅលើពិភពលោក ។
ក្រុមហាម៉ាស
កងកម្លាំងហាម៉ាស ដែលព័ត៌មានពិតប្រាកដ មិនអាចបញ្ជាក់បាន ប៉ុន្តែអ៊ីស្រាអែលជឿថា ក្រុមហាម៉ាស់មានកងទ័ពប្រមាណជា 30,000 នាក់ ដោយកងពលតូច Izz al-Din, al-Qassam មានពី 15,000 ទៅ 20,000 នាក់ ដែលភាគច្រើនប្រដាប់ដោយកាំភ្លើងស្វ័យប្រវត្តិ ឧបករណ៍បាញ់គ្រាប់បែកដៃ និងកាំជ្រួចប្រឆាំងរថក្រោះ អាវុធទាំងនេះខ្លះមកពីរុស្ស៊ី ។
ក្រុមហាម៉ាស់ក៏មានឃ្លាំងស្តុកគ្រាប់រ៉ុក្កែតដ៏ធំផងដែរ ។ តាមលោក យ៉ាខូវ ខាត់ អតីតបណ្ណាធិការរបស់យេរូសាឡឹម ឲ្យដឹងថា ក្រុមហាម៉ាសអាចផលិតយន្តហោះគ្មានមនុស្សបើកតូចៗដែលប្រើសម្រាប់បើកការវាយប្រហារលើអ៊ីស្រាអែលផងដែរ។
ប៉ុន្តែក្រុមហាម៉ាសក៏មានសព្វាអាវុធ មីស៊ីលបាញ់ពីដីទៅអាកាស តែមិនមានរថពាសដែក រថក្រោះ និងសព្វាវុធធុនធ្ងន់ដូចអ៊ីស្រាអែលឡើយ ដូច្នេះហើយនៅត្រង់ចំណុចនេះ អ៊ីស្រាអែលត្រូវបានគេចាត់ទុកថាមានឧត្តមភាពច្រើនជាង ៕