មហាយក្សពីរជួបគ្នាក្នុងទីក្រុងបាងកក តើថៃបានផលប្រយោជន៍អ្វី?
ដោយ សូរ្យរិទ្ធ៖
លើវិស័យនៃការដណ្តើមយកផលប្រយោជន៍ភូមិសាស្ត្រនយោបាយ គេយកប្រទេសថៃ ជាកន្លែងដែលមហាអំណាច សហរដ្ឋអាមេរិក និងចិន ជួបពិភាក្សាគ្នាអំពីស្ថានការណ៍តានតឹងនៅលើពិភពលោក ។
សេចក្តីថ្លែងការណ៍របស់សហរដ្ឋអាមេរិក និងចិនបាននិយាយថា ជេក ស៊ុល្លីវ៉ាន (Jake Sullivan) ទីប្រឹក្សាសន្តិសុខអាមេរិក មនុស្សសំខាន់យុទ្ធសាស្ត្រម្នាក់ដែលជិតស្និទ្ធនឹងប្រធានាធិបតី ចូ បៃដេន បានធ្វើដំណើរទៅកាន់ទីក្រុងបាងកក។ ក្នុងពេលដូចគ្នានឹងលោក ហ្វាង អ៊ី (Wang Yi) សមាជិកការិយាល័យនយោបាយ ប្រធានការិយាល័យគណៈកម្មាធិការកណ្តាលទទួលបន្ទុកកិច្ចការបរទេស បក្សកុម្មុយនិស្តចិន និងរដ្ឋមន្ត្រីការបរទេសចិន អ្នកទាំងពីរជួបពិភាក្សាគ្នានៅទីក្រុងបាងកក ។
រ៉ាដា ចាប់ប្រទេសថៃ នៅកណ្តាលភូមិសាស្ត្រនយោបាយ
ជាការពិតណាស់ ពិភពលោកកំពុងមើលលទ្ធផលនៃការចរចារបស់តំណាងអាមេរិក-ចិន ដែលត្រូវបានគេចាត់ទុកថាមិនធម្មតា ប៉ុន្តែវាជាចេតនានៃការជួបគ្នាក្នុងអំឡុងពេលបំពេញទស្សនកិច្ចនៅប្រទេសថៃ ។
លើសពីអ្វីទាំងអស់ តើប្រទេសថៃនឹងទទួលបានអត្ថប្រយោជន៍អ្វីខ្លះពីការជួបប្រជុំរបស់មនុស្សថ្នាក់ខ្ពស់នេះ? អតីតទូតដែលទទួលបានក្នុងរង្វង់អន្តរជាតិយល់ឃើញថា នេះនឹងជួយជំរុញតួនាទីរបស់ថៃឲ្យកាន់តែលេចធ្លោ ចំពេលមានការប្រជែងគ្នាខាងភូមិសាស្ត្រនយោបាយរបស់ទីក្រុងវ៉ាស៊ីនតោន និងទីក្រុងប៉េកាំង ។
ទោះបីជាពីមុំមួយផ្សេងទៀតក៏ដោយ ក៏វាអាចមើលឃើញ ប្រទេសមហាអំណាចទាំងពីរកំពុងប្រជែងគ្នាដណ្តើមឥទ្ធិពលនៅក្នុងប្រទេសថៃ ដែលជាសម្ព័ន្ធមិត្តយូរអង្វែងរបស់សហរដ្ឋអាមេរិក នៅពេលដែលប្រទេសចិនពង្រីកអំណាចការទូត និងសេដ្ឋកិច្ចរបស់ខ្លួននៅទូទាំងពិភពលោក។
វាសវែងការទូត
ទន្ទឹមនឹងនោះ ដំណើរទស្សនកិច្ចនៅប្រទេសថៃរបស់មន្ត្រីជាន់ខ្ពស់មកពីប្រទេសនានា ជាធម្មតាវាមិនកើតឡើងដោយងាយទេ។ លើកនេះគឺមហាយក្សទាំងពីរ (សហរដ្ឋអាមេរិក និងចិន) ដែលទាមទារឲ្យមានទំនាក់ទំនងល្អប្រសើរ និងភាពជឿជាក់លើគ្នាទៅវិញទៅមក ។
ការធ្វើដំណើរទៅបាងកក របស់ ស៊ុល្លីវ៉ាន និង ហ្វាង អ៊ី ក្នុងគ្រាត្រួតស៊ីគ្នា ដែលនាំមកនូវការចាប់អារម្មណ៍របស់ពិភពលោកមកកាន់ប្រទេសថៃ ការសង្កត់ធ្ងន់លើតួនាទីអន្តរជាតិ វាក៏ឆ្លុះបញ្ចាំងពីការវិវត្តនៃនយោបាយថៃផងដែរ និងទំនាក់ទំនងល្អជាមួយសហរដ្ឋអាមេរិក និងចិន ចំពេលការប្រឈមរបស់ថៃ ក្នុងការរក្សាតុល្យភាពជាមួយមហាអំណាចពិភពលោក ។
«វាត្រូវបានគេស្គាល់យ៉ាងច្បាស់ ប្រទេសជាច្រើននៅអាស៊ីអាគ្នេយ៍បានបង្កើតយុទ្ធសាស្ត្រ ល្បែងផ្លាស់ទី ដោយសង្ឃឹមថានឹងជំរុញប្រទេសរបស់យើងឲ្យក្លាយជាប្រទេសសំខាន់ និងលេចធ្លោខាងភូមិសាស្ត្រនយោបាយ»។ កាសែត bangkokbiznews និយាយ ។
ជាងនេះទៅទៀត ក្រសួងការបរទេសថៃបានប្រឹងទាក់ទាញចិន ដែលអាចឲ្យប្រជាជនទទួលបានផលប្រយោជន៍ពីកិច្ចការបរទេស ។ ជាក់ស្តែង ដូចជាកិច្ចព្រមព្រៀងគ្មានទិដ្ឋាការទៅវិញទៅមក ដែលត្រូវតែមានការចរចាការទូតដើម្បីការពារផលប្រយោជន៍របស់ប្រទេសថៃ ដែលចាប់ផ្តើមជាផ្លូវការនៅថ្ងៃទី 1 ខែមីនា 2024 ។
ការដោះស្រាយបញ្ហាដែលប៉ះពាល់ដល់ការដឹកជញ្ជូនពិភពលោក
ហ្វាង វិនប៊ីន (Wang Wenbin) អ្នកនាំពាក្យក្រសួងការបរទេសចិន បានបញ្ជាក់នៅក្នុងសន្និសីទសារព័ត៌មាននៅទីក្រុងប៉េកាំងថា «លោក ហ្វាង អ៊ី ជួបជាមួយលោក ស៊ុល្លីវ៉ាន» ។ គាត់បាននិយាយថា គាត់នឹងធ្វើឱ្យជំហររបស់ចិនចំពោះសហរដ្ឋអាមេរិកកាន់តែច្បាស់ អំពីទំនាក់ទំនង បញ្ហាតៃវ៉ាន់ ជាពិសេសការផ្លាស់ប្តូរមតិលើស្ថានការណ៍អន្តរជាតិ និងកម្រិតតំបន់ ពីកង្វល់ទៅវិញទៅមក ។
ប្រព័ន្ធដឹកជញ្ជូនសកលកំពុងរងផលប៉ះពាល់ នេះជាបញ្ហាដែលមានការព្រួយបារម្ភយ៉ាងខ្លាំងចំពោះសហរដ្ឋអាមេរិក និងចិន ពីភាពតានតឹងនៅសមុទ្រក្រហម ដែលធ្វើឱ្យពាណិជ្ជកម្មពិភពលោកប្រែប្រួល ហើយក្រុមហ៊ុនត្រូវបង្ខំចិត្តដឹកជញ្ជូនទំនិញក្នុងបរិមាណច្រើន ជៀសវាងព្រែកជីកស៊ុយអេ ។
«ចិនកំពុងទំនាក់ទំនងយ៉ាងជិតស្និទ្ធជាមួយភាគីពាក់ព័ន្ធ ហើយព្យាយាមធ្វើឱ្យមានភាពវិជ្ជមាន ដើម្បីកាត់បន្ថយអំពើហិង្សាពីជម្លោះដែលមានស្រាប់ រវាងក្រុមឧទ្ទាមហ៊ូទី គាំទ្រដោយអ៊ីរ៉ង់ ដែលបានវាយប្រហារលើនាវាដឹកជញ្ជូនអន្តរជាតិជាមួយនឹងកាំជ្រួចផ្លោង» ។
មានរបាយការណ៍ស៊ីជម្រៅមួយថា ទីក្រុងវ៉ាស៊ីនតោនបានព្យាយាមធ្វើឱ្យទីក្រុងប៉េកាំងប្រើប្រាស់ទំនាក់ទំនង និងឥទ្ធិពលរបស់ខ្លួនចរចាជាមួយអ៊ីរ៉ង់ ក្នុងការដោះស្រាយពីការវាយប្រហាររបស់ហ៊ូទីនៅសមុទ្រក្រហម ។
សំខាន់គឺជំនួបរវាងលោក ហ្វាង អ៊ី និង ស៊ុល្លីវ៉ាន បានកើតឡើងពីរបីថ្ងៃ បន្ទាប់ពីមន្ត្រីការទូតជាន់ខ្ពស់ចិន បានធ្វើដំណើរទៅកូរ៉េខាងជើង ហើយប្រធានាធិបតី វ្ល៉ាឌីមៀ ពូទីន នឹងធ្វើទស្សនកិច្ចនៅទីក្រុងព្យុងយ៉ាង ជួបជាមួយមេដឹកនាំ គីម ជុងអ៊ុន វាហាក់ដូចជាមិនចៃដន្យ ។
ថៃពិភាក្សាជាមួយអាមេរិកដើម្បីដោះស្រាយវិបត្តិមីយ៉ាន់ម៉ា
សេចក្តីថ្លែងការណ៍របស់ថៃបានបញ្ជាក់ថា ជំនួបរវាងប្រទេសថៃ និងសហរដ្ឋអាមេរិក បានរំលឹកឡើងវិញនូវការប្តេជ្ញាចិត្តរបស់ខ្លួនចំពោះភាពជាដៃគូ។ នេះបើតាមសន្ធិសញ្ញាដែលមានរយៈពេលយូរ ស្តីពីតម្លៃរួមនៃលទ្ធិប្រជាធិបតេយ្យ សិទ្ធិមនុស្ស និងសន្តិសុខមនុស្ស ។ លោកក៏បានបង្ហាញទស្សនៈរបស់លោកចំពោះវិបត្តិក្នុងតំបន់ផងដែរ ដូចជាមីយ៉ាន់ម៉ា អ៊ុយក្រែន និងមជ្ឈិមបូព៌ា។
តើនេះគឺជាទិដ្ឋភាពទូទៅនៃអ្វីដែលបានកើតឡើង ដែលបង្ហាញពីតួនាទីរបស់អ្នកការទូតថៃនោះ វឌ្ឍនភាព ហើយលេចធ្លោជាងនេះឬអត់?
អត្ថបទប្រហាក់ប្រហែល
ពាណិជ្ជកម្ម
អត្ថបទថ្មីៗ
អត្ថបទពេញនិយម