ដោយ សូរ្យសែង៖
របាយការណ៍ប្រចាំឆ្នាំរបស់គណៈកម្មាធិការការពារអ្នកកាសែត (CPJ) បានឲ្យដឹងថា អ្នកកាសែតចំនួន 77 នាក់ក្នុងចំណោម 99 នាក់ដែលត្រូវបានស.ម្លា.ប់ក្នុងឆ្នាំ 2023 នៅក្នុងសង្គ្រាមអ៊ីស្រាអែល និងហាម៉ាស់ ។
CPJ និយាយថា ក្រៅពីសង្គ្រាមនៅកាហ្សា ក៏មានអ្នកកាសែតស្លា.ប់បន្តបន្ទាប់នៅសូម៉ាលី និងហ្វីលីពីន ចំនួនអ្នកស្លាប់នេះគឺខ្ពស់បំផុតចាប់តាំងពីឆ្នាំ 2015 កើនឡើងជិត 44 ភាគរយពីតួលេខឆ្នាំ 2022 ។
«នៅក្នុងខែធ្នូឆ្នាំ 2023 CPJ បានរាយការណ៍ថា អ្នកកាសែតត្រូវបានគេស.ម្លាប់ក្នុងរយៈពេលបីខែដំបូងនៃសង្គ្រាមអ៊ីស្រាអែលនិងហ្គាហ្សា ច្រើនជាងពេលណាៗទាំងអស់ និងត្រូវបានស.ម្លា.ប់ក្នុងប្រទេសតែមួយក្នុងរយៈពេលពេញមួយឆ្នាំ»។
CPJ ឲ្យដឹងទៀតថា អ្នកកាសែត 77នាក់ត្រូវបានសម្លាប់ក្នុងជម្លោះអ៊ីស្រាអែលនិងហាម៉ាស 72 នាក់ជាជនជាតិប៉ាឡេស្ទីន ជនជាតិលីបង់ 3នាក់ និងអ្នកកាសែតអ៊ីស្រាអែល 2 នាក់ ។
លោក Jodi Ginsberg នាយកប្រតិបត្តិនៃ CPJ បាននិយាយថា: «ការបា.ត់ប.ង់អ្នកកាសែតប៉ាឡេស្ទីនដ៏ធំសម្បើមនៅក្នុងសង្រ្គាមនេះ នឹងជះឥទ្ធិពលរយៈពេលវែងដល់វិស័យសារព័ត៌មាន ហើយមិនត្រឹមតែក្នុងទឹកដីប៉ាឡេស្ទីនប៉ុណ្ណោះទេ ប៉ុន្តែនៅតាមតំបន់ក៏មានដូចគ្នាផងដែរ។
ពីមុន CPJ បានវាយប្រហារអ្វីដែលគេហៅថា "ការធ្វើទុក្ខបុកម្នេញអ្នកកាសែត" ដោយកងកម្លាំងអ៊ីស្រាអែល ហើយវាកំពុងស៊ើបអង្កេតថា តើអ្នកកាសែតរាប់សិបនាក់ដែលត្រូវបានសម្លាប់ក្នុងជម្លោះហ្កាហ្សាត្រូវបានទាហានអ៊ីស្រាអែលកំណត់គោលដៅដោយចេតនាឬអត់ ប្រសិនបើវាកើតឡើងពិតប្រាកដនឹងត្រូវពិចារណាថាជា «ឧក្រិដ្ឋកម្មសង្គ្រាម» ។
ក្រសួងសុខាភិបាលក្នុងទឹកដីប៉ាឡេស្ទីនគ្រប់គ្រងដោយក្រុមហាម៉ាស វានិយាយថា យ៉ាងហោចណាស់មនុស្ស 28,576 នាក់ដែលភាគច្រើនជាស្ត្រីនិងកុមារ ត្រូវបានសម្លាប់នៅក្នុងការឆ្លើយតបយោធារបស់អ៊ីស្រាអែលចំពោះតំបន់ហ្គាហ្សាស្ទ្រីប ។
ខណៈចំនួនអ្នកកាសែតស្លាប់បានថយចុះច្រើនជាងគេ កើតឡើងនៅអ៊ុយក្រែន និងម៉ិកស៊ិក។ ប្រទេសទាំងពីរបានថយចុះពី 13 ករណីមក 2 ករណី។
CPJ ក៏ព្រមានថា ម៉ិកស៊ិក ហ្វីលីពីន និងសូម៉ាលី នៅតែស្ថិតក្នុងចំណោមប្រទេសគ្រោះថ្នាក់បំផុតរបស់ពិភពលោកសម្រាប់អ្នកសារព័ត៌មាន។ របាយការណ៍ CPJ ព្រមាន «នៅពេលដែលស្ថានការណ៍កាន់តែអាក្រក់ទៅៗ អ្នកកាសែតជាច្រើនត្រូវរត់គេចខ្លួនដើម្បីរស់ ហើយបោះបង់អាជីពដោយសារអំពើហិង្សា»៕
ប្រភព France24