admin សូរ្យសែង៖
ទូរទស្សន៍ស៊ីអិនអិន(CNN)បានរាយការណ៍នៅថ្ងៃទី៧ ខែមករាថា ក្រុមហ៊ុនប្រព័ន្ធផ្សព្វផ្សាយសង្គមហ្វេសប៊ុក (Facebook) និងធ្វីតធ័រ (Twetter) បានប្រកាសហាមជាបណ្តោះអាសន្នលើគណនីរបស់ប្រធានាធិបតីអាមេរិកដូណាល់ ត្រាំ ។ នេះគឺជាប្រតិបត្តិការមួយដែលមិនធ្លាប់មានពីមុនមក បន្ទាប់ពីក្រុមបាតុករដែលគាំទ្រលោក ដូណាល់ត្រាំ បានវាយសម្រុកចូលអគាររដ្ឋសភា ដើម្បីប្រឆាំងនឹងការហៀបនឹងឡើងប្រធានាធិបតីរបស់លោក ចូ បៃដិន ។
Twetter ឲ្យដឹងថា បាន Lock បញ្ជីគណនីរបស់លោក ត្រាំ (@realDonaldTrump) រយៈពេល ១២ ម៉ោង ដោយផ្តលើហេតុផលថា ត្រាំ ល្មើសនឹងច្បាប់របស់ Twetter ស្តីពី Civic Integrity policy យ៉ាងធ្ងន់ធ្ងរ ។ ក្រៅពីនេះ Twetter ឲ្យដឹងទៀតថា ប្រសិនបើគាត់ (ត្រាំ) នៅតែល្មើសច្បាប់ Twetter បន្តទៀត នឹងបិទអាខោនជាស្ថាពរ ។
ចំណែកខាងហ្វេសប៊ុក (Facebook) ក៏បានប្លុក (Block) អាខោនរបស់ ត្រាំ ដែរ រួមទាំង Instagram រយៈពេល ២៤ ម៉ោង ដូចគ្នានឹងការលុបឃ្លីបហ្វេសប៊ុក ដែល ត្រាំ និយាយទៅកាន់អ្នកគាំទ្រ ក្នុងរូបភាពចលាចលចេញពីប្រព័ន្ធ ។
ការផ្អាកអាខោនទាំងអម្បាណរបស់លោក ត្រាំ មានឡើងក្រោយពី ត្រាំ ចេញមកអំពាវនាវឲ្យអ្នកគាំទ្របង្កចលាចល ឲ្យត្រឡប់ទៅលំនៅដ្ឋាននៅ ។ ត្រាំ និយាយថា «សូមត្រឡប់ទៅផ្ទះចុះ... «យើងស្រឡាញ់អ្នក អ្នកពិសេសណាស់» ។ គាត់ថា «ខ្លួនត្រូវគេលួចសន្លឹកឆ្នោត និងបានលើកសរសើរក្រុមបាតុករថាជាអ្នកស្នេហាជាតិ...ចូរកត់ចំណាំពីថ្ងៃនេះតទៅរហូតរៀងទៅ» ៕