ពាណិជ្ជករថៃមិនគាំទ្រឲ្យបិទព្រំដែនទេ បើបិទព្រំដែនកម្ពុជាមិនរងគ្រោះទេ ថៃជាអ្នករងគ្រោះជំនួស ឥឡូវថៃត្រូវអង្វរកម្ពុជាវិញ

សេដ្ឋកិច្ចថ្ងៃអាទិត្យ ទី08 ខែមិថុនា ឆ្នាំ2025 ម៉ោង 10:08 នាទី ព្រឹក

មានកិច្ចប្រជុំមួយបន្ទាន់មួយ រវាងនាយករដ្ឋមន្ត្រីថៃ ក្នុងនាមប្រធានក្រុមប្រឹក្សាសន្តិសុខជាតិថៃ (NSC) ជាមួយរដ្ឋមន្ត្រីគ្រាក់ៗរយៈពេល ២ ម៉ោង ដើម្បីតាមដានស្ថានការណ៍កម្ពុជា-ថៃ ។ មានការលាតត្រដាងថា អាជីវករខេត្តជាប់ព្រំដែនទាំង៧ គឺខេត្តឧប៊ុនរ៉ាតថានី ស៊ីសាកេត សុរិន្ទ បុរីរ៉ាំ ស្រះកែវ ច័ន្ទបុរី និង ត្រាត មានការព្រួយបារម្ភចំពោះពាណិជ្ជកម្មធ្លាក់ចុះ ដោយបារម្ភថាប្រសិនបើព្រំដែនត្រូវបានបិទ អាជីវកម្មនឹងត្រូវរំខានដែលមានតម្លៃរាប់ពាន់ លានបាត ។

ពាណិជ្ជកម្មតាមព្រំដែនធ្លាក់ចុះ

លោក រតនានីន តេឆាឆៃស៊ីត ប្រធានសភាពាណិជ្ជកម្មខេត្តឧប៊ុនរ៉ាតថានី បានប្រាប់អ្នកកាសែតថា ប្រសិនបើការចរចា JBC មិនជោគជ័យ វានឹងប៉ះពាល់ដល់ពាណិជ្ជកម្មតាមព្រំដែន ដោយសារការជួញដូរក្នុងខែមីនាមានតម្លៃ 11.95 លានបាត ប៉ុន្តែក្នុងខែមេសា វាមានត្រឹមតែ 2.88 លានបាតប៉ុណ្ណោះ។ ប្រសិនបើជម្លោះកើនឡើង តម្លៃនៃព្រំដែននឹង ថយចុះជាងនេះ។

«សង្គ្រាមប៉ះពាល់ដល់សេដ្ឋកិច្ច រដ្ឋាភិបាលគួរតែដំណើរការទៅតាមច្បាប់ ប្រសិនជម្លោះរឿងព្រំដែន យើងគួរតែឆ្លើយតប ប៉ុន្តែកុំឲ្យមានសង្រ្គាម គឺជារឿងល្អបំផុតដែលត្រូវធ្វើ»។

ប្រភពពីអ្នកនាំចេញបន្លែ និងផ្លែឈើ នៅច្រកអានម៉ា ខេត្តឧប៊ុនរ៉ាតថានី បានឲ្យដឹងថា បច្ចុប្បន្ននេះ ពាណិជ្ជកម្មមានការធ្លាក់ចុះយ៉ាងខ្លាំង។ ជាធម្មតា ប្រជាជនកម្ពុជាធ្វើដំណើរត្រូវចំណាយពី ១.០០០-២.០០០ បាតក្នុងម្នាក់ក្នុងមួយថ្ងៃ បច្ចុប្បន្ននៅសល់តែ១០០-២០០នាក់ប៉ុណ្ណោះក្នុងមួយថ្ងៃ។ ការលក់បានធ្លាក់ចុះ 80% ។ ពីមុនមានចំណូល១០ម៉ឺនបាតក្នុងមួយថ្ងៃ ឥឡូវសល់តែមួយម៉ឺនប៉ុណ្ណោះ។

ប្រធានសភាពាណិជ្ជកម្មខេត្តស៊ីសាកេត លើកឡើងថា ស្ថានភាពបច្ចុប្បន្ន ច្រកព្រំដែនអចិន្ត្រៃយ៍ អាជីវករព្រួយបារម្ភថា ប្រសិនបើច្រកនេះបិទ វានឹងប៉ះពាល់ដល់ជីវភាពប្រជាពលរដ្ឋ និងសេដ្ឋកិច្ចតាមព្រំដែន ដែលមានតម្លៃជាង ១ពាន់ លានបាតក្នុងមួយឆ្នាំ។ ផលិតផលនាំចេញរួមមាន សាប៊ូ ម្សៅសាប៊ូ ប្រេង និងភេសជ្ជៈ ចំណែកផលិតផលនាំចូលរួមមាន ផលិតផលកសិកម្ម ដូចជាដំឡូងមីជាដើម។

ប្រធានសភាពាណិជ្ជកម្មជាន់ខ្ពស់ខេត្តសុរិន្ទនិយាយថា ភាពតានតឹងនៅចុងបុក បានធ្វើឱ្យចំនួនមនុស្សធ្វើដំណើរឆ្លងកាត់ព្រំដែនមានការថយចុះ ៥០%។ លោកបារម្ភថា អាជីវករនៅមូលដ្ឋាននឹងរងផលប៉ះពាល់ ។

ប្រធានសភារូបនោះបាននិយាយទៀតថា ប្រសិនបើច្រកព្រំដែនត្រូវបានបិទ វាពិតជានឹងប៉ះពាល់ដល់សេដ្ឋកិច្ច និងពាណិជ្ជកម្មក្នុងស្រុក ជាពិសេសច្រកព្រំដែនអចិន្ត្រៃយ៍ចុងចោម ដែលធ្លាប់មានប្រាក់ចំណូលពី 13,000 ទៅ 14,000 លានបាតក្នុងមួយឆ្នាំ។

ចំណែកលោកស្រីប្រធានសភាពាណិជ្ជកម្មខេត្តបុរីរ៉ាំលើកឡើងថា ពាណិជ្ជកម្មបានចាប់ផ្តើមបង្ហាញសញ្ញានៃការធ្លាក់ចុះនៃការជួញដូរទាំងសងខាង ។

រីឯប្រធានសភាពាណិជ្ជកម្មខេត្តស្រះកែវបាននិយាយថា លោកមានការព្រួយបារម្ភអំពីសេដ្ឋកិច្ច និងព័ត៌មានញុះញង់របស់ប្រទេសថៃ ទាំងទាក់ទងនឹងទឹកដីផ្សេងៗ និងបញ្ហានៃការប្រឆាំងនឹងផលិតផលថៃ។ ឥឡូវថៃត្រូវអង្វរកម្ពុជា បើបិទព្រំដែនកម្ពុជាមិនរងគ្រោះទេ ថៃនឹងរងគ្រោះជំនួសវិញ ដូច្នេះគាត់មិនគាំទ្រការបិទព្រំដែនទេ។

លោកប្រធានសភាពាណិជ្ជកម្មខេត្តច័ន្ទបុរីថា ព័ត៌មានតាមបណ្តាញសង្គមជាការញុះញង់។ ការយល់ដឹងត្រូវតែប្រើក្នុងការទទួលព័ត៌មាន ។

ប្រធានសភាពាណិជ្ជកម្មខេត្តត្រាតបញ្ជាក់ថា លោកស្រីមានការព្រួយបារម្ភអំពីបញ្ហាព្រំដែន ប្រសិនបើប៉ុស្តិ៍ត្រួតពិនិត្យត្រូវបិទ។ ទិន្នន័យពីនាយកដ្ឋានពាណិជ្ជកម្មបរទេសបង្ហាញថា នៅឆ្នាំ២០២៤ ប្រទេសថៃ និងកម្ពុជាមានតម្លៃពាណិជ្ជកម្ម ១៧៤.៥៣ ពាន់លានបាត បំបែកទៅជាការនាំចេញ ១៤១.៨៤៧ ពាន់លានបាត និងការនាំចូល ៣២.៦៨៤ ពាន់លានបាត ៕