ប្រភព prachachat
ដោយ សូរ្យសែង៖
នៅថ្ងៃ ៧ មីនា ឆ្នាំ ២០២២ នេះ រុស្ស៊ីប្រកាសឈប់បាញ់បណ្តោះអាសន្នតាមទីក្រុងរបស់អ៊ុយក្រែន តាំងពីម៉ោង ១០.០០ ព្រឹកម៉ោងក្នុងស្រុក ឬម៉ោង ១៤.០០ ម៉ោងនៅស្រុកខ្មែរ ដើម្បីជម្លៀសជនភៀសសឹកឲ្យមានសុវត្ថិភាពសិន ។
នេះបើតាមសេចក្តីថ្លែងការណ៍របស់មជ្ឈមណ្ឌលសម្របសម្រួលអន្តរជាតិ សម្រាប់ការឆ្លើយតបមនុស្សធម៌នៅអ៊ុយក្រែន រួមជាមួយនឹងក្រសួងការពារជាតិរុស្ស៊ីបាននិយាយថា ស្ថានភាពមនុស្សធម៌នៅក្នុងទីក្រុងនានារបស់អ៊ុយក្រែនបានធ្លាក់ចុះយ៉ាងខ្លាំង ស្របពេលដែលប្រធានាធិបតីបារាំង អេមម៉ានូអែល ម៉ាក្រុង (Emmanuel Macron) បានអំពាវនាវដល់ប្រធានាធិបតីរុស្ស៊ីលោក វ្ល៉ាឌីមៀ ពូទីន ឱ្យបើកច្រករបៀងសម្រាប់មនុស្សធម៌។
សេចក្តីថ្លែងការណ៍ឲ្យដឹងទៀតថា ការឈប់បាញ់បណ្តោះអាសន្នចូលជាធរមាននៅក្នុងទីក្រុងផ្សេងៗ មានដូចទីក្រុងគៀវ, ម៉ារិអូប៉ល, ខាឃីវ និង ទីក្រុងស៊ូមី ។
មន្ត្រីខាងជនភៀសខ្លួនរបស់សហប្រជាជាតិឲ្យដឹងថា មានអ្នកភៀសខ្លួនចេញពីអ៊ុយក្រែនមានចំនួន ១,៥ លាននាក់ ដោយធ្វើដំណើរទៅប្រទេសជិតខាង ៕