ដោយ សូរ្យសែង៖
ប្រទេសជប៉ុនក្លាយជាប្រទេសមានអ្នកឆ្លងកូវីដ-១៩ ក្នុងរលកទី ៧ ខ្ពស់ជាងគេ គឺចំនួន ២៦១.០២៩ នាក់ក្នុងមួយថ្ងៃ ។ នេះជាតួលេខផ្សាយនៅថ្ងៃទី ២៩ ខែសីហា ឆ្នាំ ២០២២ ។
ការឆ្លងសហគមន៍ក្នុងរលកទី ៧ ធ្វើឲ្យអ្នកបាត់បង់ជីវិតពី ២០០-៣០០ នាក់ក្នុងមួយថ្ងៃ រីឯអ្នកមានអាការធ្ងន់ធ្ងរ ៦២៧ នាក់ ជាបន្ទុកដ៏ធ្ងន់មួយរបស់ក្រសួងសុខាភិបាលជប៉ុន សូម្បីអ្នកជំងឺផ្សេង ក៏ពិបាកចូលមន្ទីរពេទ្យព្យាបាលដែរ ។
រដ្ឋាភិបាលបានស្នើឲ្យអ្នកជំងឺត្រូវកាក់ខ្លួនឯង ដោយរដ្ឋាភិបាលចេញចំណាយទៅលើការធ្វើតេស្ត និងការព្យាបាល ។ រដ្ឋាភិបាលជប៉ុនបានធានាឲ្យប្រើឱសថ « mole nupiravir» ឬ « La Guerio» ដែលផលិតដោយសាខាក្រុមហ៊ុនក្នុងជប៉ុន ពីក្រុមហ៊ុនអាមេរិក ជាឱសថប្រភេទលេបលើកដំបូងរបស់ជប៉ុន សម្រាប់អ្នកជំងឺស្រាល ។
ថ្នាំនេះហូប ២ ដងក្នុងមួយថ្ងៃ សរុប ៥ ថ្ងៃ រីឯតម្លៃ ៩៤.០០០ យេន ប្រមាណ ៧០០ ដុល្លារអាមេរិក រដ្ឋាភិបាលជប៉ុនជាអ្នករ៉ាប់រងចំណាយ ៕