«នៅរដូវបោះឆ្នោតអ្នកនៅផ្ទះស័ង្កសីទៅសន្យាគេឲ្យផ្ទះក្បឿង តែខ្លួនឯងនៅផ្ទះស័ង្កសី  អ្នកជិះម៉ូតូទៅសន្យាឲ្យគេថាបើខ្ញុំឈ្នះ ខ្ញុំឲ្យឡាន វាមានអាធុនហ្នឹងដែរ ប៉ុន្តែនោះទុកជាសិទ្ធិនៃបណ្ដាបក្សនយោបាយដែលគេមានសិទ្ធិនឹងធ្វើការឃោសនាៗ»។ នេះជាប្រសាសន៍របស់សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា ថ្លែងក្នុងពិធីសំណេះសំណាល ជាមួយកម្មករ-កម្មការិនីសរុបជិត ២ម៉ឺននាក់ មកពីរោងចក្រសហគ្រាសចំនួន៩ ដែលកំពុងដំណើរការអាជីវកម្មក្នុងខណ្ឌពោធិ៍សែន ជ័យរាជធានីភ្នំពេញ ។

សម្តេចមានប្រសាសន៍ថា «រដូវសន្យាខ្យល់បានមកដល់ហើយ ដោយយុទ្ធនាការឃោសនាបោះឆ្នោតជ្រើសតាំងតំណាងរាស្រ្ដនីតិកាលទី ៧ នឹងត្រូវចាប់ផ្ដើមពីដើមខែកក្កដាតទៅ។ សម្ដេចតេជោ បញ្ជាក់ថា «សម្រាប់គណបក្សប្រជាជនកម្ពុជា មិនសន្យានោះទេ គឺធ្វើតែម្ដង»៕

រូបថត និងខ្លឹមសារ តារារិទ្ធ