ដោយ សូរ្យសែង៖
Meta Platform Inc. បាននិយាយកាលពីថ្ងៃទី 29 សីហា ថា ខ្លួនបានចាត់វិធានការដើម្បីលុបគណនីឃោសនារបស់ចិន ដែលត្រូវបានគេហៅថា «ប្រតិបត្តិការឃោសនាជំនឿសម្ងាត់លើវេទិកាដ៏ធំបំផុតរបស់ពិភពលោក» ។
Meta បានលុបគណនី Facebook ជាង 7,700 និងទំព័រ (ផេក) Facebook ជាង 954 ដែលទាក់ទងនឹងការឃោសនានេះ ។ គណនី និងទំព័រទាំងនេះ ផ្សព្វផ្សាយតែមតិវិជ្ជមានអំពីប្រទេសចិន និងរិះគន់សហរដ្ឋអាមេរិក នយោបាយការបរទេសលោកខាងលិច និងអ្នករិះគន់លោកខាងលិច រួមទាំងអ្នកកាសែតដែលរិះគន់រដ្ឋាភិបាលចិន ផងដែរ។
ការត្រួតពិនិត្យរបស់ក្រុមហ៊ុន Meta បានរកឃើញ បណ្តាគណនីនិងទំព័រឃោសនាត្រូវបានភ្ជាប់ទៅនឹងមនុស្សដែលពាក់ព័ន្ធនឹងការអនុវត្តច្បាប់របស់ចិន ។ សារព័ត៌មាន Bloomberg ក៏បានរាយការណ៍ថា Meta បានរកឃើញការឃោសនាទាំងនេះ បន្ទាប់ពីបណ្តាញឃោសនាបានកំណត់គោលដៅ ដែលក្រុមអង្គការក្រៅរដ្ឋាភិបាល (NGO) នៅចុងឆ្នាំ 2022 ស៊ើបអង្កេតបានរកឃើញថា បណ្តាញនេះត្រូវបានភ្ជាប់ពីមុនជាមួយនឹងការឃោសនារបស់ចិនដែលត្រូវបានគេស្គាល់ថា «Spamouflage» ។
Meta ក៏បានលាតត្រដាងផងដែរ អំពីគណនី Facebook ជាង 500,000 អាខោន បានតាមដានទំព័របណ្តាញផ្សព្វផ្សាយរបស់ចិនតាំងពីមួយផេកឡើងទៅ ហើយត្រូវបានគេរកឃើញថា បានទិញយ៉ាងហោចណាស់ 3,500 ដុល្លារអាមេរិកក្នុងការទិញឃោសនា ៕