ដោយ សាវុឌ្ឍ៖
លទ្ធផលសិក្សាបានបង្ហាញថា អាហារកែច្នៃសម្រាប់កុមារក្នុងប្រទេសអាស៊ាន អាយុចន្លោះពី ៦ ខែដល់ ៣ ឆ្នាំ មានកម្រិតជាតិស្ករ និងអំបិលខ្ពស់ រួមទាំងការប្រើប្រាស់ស្លាកសញ្ញាដែលអាចបណ្តាលឱ្យមានការយល់ច្រឡំម្នុងមជ្ឈដ្ឋានទូលំទូលាយ និងអនុវត្តបទប្បញ្ញត្តិទាក់ទងនឹងគ្រឿងផ្សំផលិតផល និងការចែកចាយមិនតឹងរ៉ឹង ។
ទីភ្នាក់ងារព័ត៌មានស៊ីនហួរបានរាយការណ៍ពីទីក្រុងបាងកកនៅថ្ងៃទី ១៥ ខែធ្នូថា ការសិក្សានេះត្រូវបានគាំទ្រដោយមូលនិធិកុមាររបស់អង្គការសហប្រជាជាតិ (UNICEF) និងដៃគូរបស់ខ្លួន ដើម្បីកែលម្អអាហារបំប៉ននៅអាស៊ីអាគ្នេយ៍ ដោយសារពួកគេវាយតម្លៃអាហារសម្រាប់កុមារជាង 1,600 មុខ វត្ថុរាវ អាហារសម្រន់ និងអាហារកែច្នៃ ។ល។ ដែលលក់សម្រាប់កុមារតូចៗនៅក្នុងប្រទេស ដូចជា កម្ពុជា ឥណ្ឌូនេស៊ី ឡាវ ម៉ាឡេស៊ី ហ្វីលីពីន ថៃ និងវៀតណាម ។
ទាក់ទងនឹងប្រតិកម្មអ្នកប្រើប្រាស់ អាហារបំប៉នពាណិជ្ជកម្មមានសារសំខាន់ចំពោះទម្រង់របបអាហារកុមារនៅអាស៊ីអាគ្នេយ៍ ជាមួយនឹងការលក់កើនឡើង 45 ភាគរយក្នុងរយៈពេល 5 ឆ្នាំចុងក្រោយនេះ។
ប្រទេសទាំង 7 នៅក្នុងការស្ទង់មតិ មិនទាន់មានគោលនយោបាយជាតិនៅឡើយ នេះគឺស្របតាមអនុសាសន៍អន្តរជាតិស្តីពីគ្រឿងផ្សំ និងការប្រើប្រាស់ ស្លាកសញ្ញាក្រុមអាហារទាំងនេះ ខណៈពេលដែលប្រទេសជាច្រើនខ្វះវិធានការផ្លូវច្បាប់ ដើម្បីគ្រប់គ្រងបរិមាណស្ករ និងអំបិល ។
លើសពីនេះ ការសិក្សាបានរកឃើញថា ការឃោសនាអួតអាងខ្ពស់ ទៅលើផលិតផល ឬគ្រឿងផ្សំផលិតផល និងខ្លឹមសារសារធាតុចិញ្ចឹម បានលេចឡើងស្ទើរតែ 90 ភាគរយនៃផលិតផលដែលបានវាយតម្លៃ។ ការអះអាងទូទៅដែលលេចឡើងនៅលើផលិតផលដែលមានជាតិស្ករ អំបិល ឬជាតិខ្លាញ់ខ្ពស់ រួមមានពី «ធម្មជាតិទាំងអស់» «ប្រភពនៃវីតាមីន D» និង «គ្មានគ្រឿងផ្សំសិប្បនិម្មិត» ។
អង្គការយូនីសេហ្វ និងដៃគូ បានអំពាវនាវឱ្យមានការកែលម្អបទប្បញ្ញត្តិរបស់រដ្ឋាភិបាល ដូចជាការហាមឃាត់លើការបន្ថែមជាតិស្ករ និងសារធាតុផ្អែម ការកំណត់ទទួលទានជាតិស្ករ និងសូដ្យូម ទប់ស្កាត់ការបំភាន់ទីផ្សារ ការត្រួតពិនិត្យយ៉ាងតឹងរ៉ឹង និងអនុវត្តបទបញ្ញត្តិដោយរដ្ឋាភិបាល ក៏ដូចជាការផ្តល់ជំនួយដល់ឪពុកម្តាយ ក្នុងចំណោមទីផ្សារដែលអាចបង្កើតការយល់ច្រឡំ អំពីអាហារបំប៉នពាណិជ្ជកម្ម ៕
ពី XINHUA