លោក សូរ្យសែង៖
តើសាសនាចំនួនប៉ុន្មាននៅលើពិភពលោកសព្វថ្ងៃនេះ? តើពួកគេកាន់សាសនាអ្វី? ហើយទៅថ្ងៃអនាគត តើសាសនាមួយណានឹងដើរតួនាទីធំជាងគេ?
បច្ចុប្បន្ន ទោះជាវិទ្យាសាស្ត្រឈានទៅដល់ណាក៏ដោយ ប៉ុន្តែមិនអាចបដិសេធទេថា មនុស្សនៅត្រូវការផ្លូវចិត្ត ទើបសាសនាមិនអាចបាត់ទៅណា ។ តាមការស្ទង់មតិរបស់ Pew Research Center ពីឆ្នាំ ១៩៤៥ រហូតមកដល់ឆ្នាំ ២០២៣ ឃើញថា ប្រជាជននៅលើពិភពលោកជាង ៨៥% នៅមានជំនឿខាងសាសនានៅឡើយ និងទូទាំងពិភពលោក ឥឡូវនេះក៏នៅតែមានអ្នកជឿលើសាសនា នៅជុំវិញពិភពលោកបច្ចុប្បន្នមានសាសនារហូតដល់ទៅ ៤.២០០ សាសនា ។
Pew Research Center ផ្សព្វផ្សាយថា ពីចំនួនប្រជាជនប្រមាណ ៨ ពាន់លាននាក់ គេប៉ាន់ប្រមាណថា មានប្រជាជនប្រមាណ ២,៦ពាន់លាននាក់ ជាគ្រិស្ទបរិស័ទ ចំនួននេះរួមបញ្ចូលនិកាយទាំងអស់ ធ្វើឱ្យគ្រីស្ទបរិស័ទមានចំនួន 31.7% នៃចំនួនប្រជាជនពិភពលោក ។
ចំណែកសាសនាដែលពេញនិយមបំផុតទីពីរនៅក្នុងពិភពលោក គឺសាសនាអ៊ីស្លាម មានជិត 25% នៃចំនួនប្រជាជនពិភពលោក ហើយចំណាត់ថ្នាក់ទីបី គឺសាសនាហិណ្ឌូ ដែលមានអ្នកកាន់ 1.2 ពាន់លាននាក់ ស្មើនឹង 15% នៃចំនួនប្រជាជនពិភពលោក ។
សាសនាពេញនិយមបំផុតរបស់ពិភពលោកនៅឆ្នាំ 2023 បែងចែកតាមនិកាយ (ចំនួនប្រហាក់ប្រហែល)
មជ្ឈមណ្ឌលស្រាវជ្រាវ Pew បានព្យាយាមឆ្លើយសំណួរនេះជាមួយនឹងការស្រាវជ្រាវជាច្រើន ហើយការសិក្សាបានរកឃើញថា នៅឆ្នាំ 2050 គ្រិស្ទសាសនាត្រូវបានគេរំពឹងថានឹងកើនឡើងដល់ 2.9 ពាន់លាននាក់ ប្រហាក់ប្រហែលសាសនាអ៊ីស្លាម ដែលត្រូវបានគេរំពឹងថានឹងមានអ្នកកាន់ចំនួន 2.7 ពាន់លាននាក់នៅឆ្នាំ 2050 ដែលនឹងធ្វើឱ្យប្រជាជនគ្រិស្ទបរិស័ទ និងមូស្លីមជិតស្មើគ្នា ។
នេះមានន័យថា ប្រជាជនម៉ូស្លីមនឹងដើរតួនាទីកាន់តែធំនៅលើឆាកពិភពលោក មិនថាក្នុងន័យសេដ្ឋកិច្ច សង្គម និងនយោបាយទេ វាទំនងនឹងខ្ពស់ជាងមធ្យមភាគពិភពលោក ដូច្នេះអាជីវកម្មទេសចរណ៍ក្នុងប្រទេសផ្សេងៗ ប្រហែលជាត្រូវកែតម្រូវ ដើម្បីឆ្លើយតបទៅនឹងរបៀបរស់នៅរបស់ប្រជាជនម៉ូស្លីម មិនថាជាអាហារហាឡាល ឬកន្លែងសម្រាប់បន់ស្រន់ ជាដើម ។
ស្ថានភាពសាសនានៅប្រទេសថៃ
ពេលក្រឡេកមើលទៅប្រទេសថៃ ជាមួយនឹងចំនួនប្រជាជនជាង 71.6 លាននាក់ របាយការណ៍ពីនាយកដ្ឋានកិច្ចការសាសនាក្នុងឆ្នាំ 2021 បានរកឃើញថា 92% នៃចំនួនប្រជាជនរបស់ប្រទេស គឺជាអ្នកកាន់ សាសនាព្រះពុទ្ធ 5% មូស្លីម 1% ជាគ្រិស្ទសាសនា និង ជាសាសនាផ្សេងទៀត 0.86% ឬមិនជឿលើសាសនាណាមួយឡើយ ។
យ៉ាងណាមិញ នេះគ្រាន់តែជាព័ត៌មានដែលអង្កេតដោយភ្នាក់ងាររដ្ឋាភិបាលប៉ុណ្ណោះ គេអាចរកឃើញថាចំនួនអ្នកមិនកាន់សាសនានៅប្រទេសថៃពិតជាមានច្រើនជាង ព្រោះមនុស្សជំនាន់ថ្មី មិនថាប្រទេសណាទេ ពួកគេកាន់តែផ្លាស់ប្តូរឆ្ងាយពីសាសនា ដោយសារហេតុផលជាច្រើន ដូចជាការអប់រំ និងការរីកចំរើននៃបច្ចេកវិទ្យា៕
ប្រភព Statisticsanddata