ដោយ សូរ្យសែង៖

ជារៀងរាល់ឆ្នាំ ពិភពលោកផលិតកាកសំណល់ប្លាស្ទិកជាង 400 លានតោន ប៉ុន្តែក្នុងចំណោមកាកសំណល់ទាំងនោះ ជិត 50 ភាគរយជាកម្មសិទ្ធិរបស់ក្រុមហ៊ុនធំៗ (សូមមិនបញ្ចេញឈ្មោះក្រុមហ៊ុន) ។

ការសិក្សាបង្ហាញថា ក្រុមហ៊ុនធំៗប្រមាណ 60 នៅជុំវិញពិភពលោក ជាអ្នកផលិតកាកសំណល់ប្លាស្ទិកប្រមាណពាក់កណ្តាលរបស់ពិភពលោក ហើយ​ក្នុង​ចំណោម​នោះ មាន​ក្រុមហ៊ុន​តែ ៦​ប៉ុណ្ណោះ​ដែល​ផលិត​កាកសំណល់​ប្លាស្ទិក​ជាង​មួយ​ភាគ​បួន។ អ្នកស្ម័គ្រចិត្តមកពីប្រទេសជាច្រើនបានប្រមូល 1,870,000 បំណែកនៃសំណល់ប្លាស្ទិកក្នុង 84 ប្រទេស ក្នុងរយៈពេល 5 ឆ្នាំ ចន្លោះឆ្នាំ 2018 និង 2022 កាកសំណល់ដែលប្រមូលបាន រួមមាន កាកសំណល់ប្លាស្ទិកវេចខ្ចប់ម្ហូបអាហារ កំប៉ុងភេសជ្ជៈប្រើតែមួយដង និងកញ្ចប់បារី ជាដើម ។

ទោះយ៉ាងណាក៏ដោយ ជាងពាក់កណ្តាលនៃសំណល់ប្លាស្ទិកដែលបានរកឃើញ គឺមិនមានម៉ាកយីហោឡើយ ធ្វើ​ឱ្យ​គេ​មិន​អាច​ដឹងថា ​មក​ពី​ណា ឬ​ក្រុមហ៊ុន​ណា​នោះ​ទេ។

អ្នកស្រាវជ្រាវម្នាក់បានបង្ហើបឱ្យដឹងថា ឧស្សាហកម្ម​ទាំង​នោះ​គួរ​ទទួល​ខុស​ត្រូវ​បន្ថែម​ទៀត ប៉ុន្តែពួកគេគ្រាន់តែចង់ចង្អុលបង្ហាញម៉ាកដែលពួកគេជ្រើសរើស។ តើការវេចខ្ចប់ប្រភេទណាដែលត្រូវប្រើ?

The Guardian ប្រព័ន្ធ​ផ្សព្វផ្សាយ​អង់គ្លេស​បាន​ទាក់ទង​ក្រុមហ៊ុន​ធំៗ​ទាំងនោះ​ដើម្បី​សម្ភាសន៍។

ក្រុមហ៊ុនភេសភ្ជៈមួយបាននិយាយថា «យើងយកចិត្តទុកដាក់ចំពោះផលប៉ះពាល់នៃរាល់ភេសជ្ជៈដែលយើងលក់ និងប្រកាន់ខ្ជាប់នូវការពង្រីកអាជីវកម្មតាមរបៀបត្រឹមត្រូវ។ ក្រុមហ៊ុនបានសន្យាថានឹងកែច្នៃការវេចខ្ចប់ទាំងអស់ទូទាំងពិភពលោកនៅឆ្នាំ 2025 ហើយនឹងប្រើប្រាស់ដែលបានកែច្នៃឡើងវិញយ៉ាងហោចណាស់ 50 ភាគរយនៅក្នុងការវេចខ្ចប់របស់វានៅឆ្នាំ 2030។

ក្រុមហ៊ុនល្បីមួយទៀតបាននិយាយថា ខ្លួនបានកាត់បន្ថយការប្រើប្រាស់ប្លាស្ទិករបស់ខ្លួនចំនួន 14.9 ភាគរយក្នុងរយៈពេល 5ឆ្នាំចុងក្រោយនេះ ហើយបានគាំទ្រគំនិតផ្តួចផ្តើមជាសកលដើម្បីកែលម្អកម្មវិធីប្រមូលសំរាម និងកែច្នៃឡើងវិញ។

ទោះជាយ៉ាងណាក៏ដោយ ទោះបីជាក្រុមហ៊ុនជាច្រើននៅក្នុងការស្ទង់មតិបានចាត់វិធានការដើម្បីកែលម្អផលប៉ះពាល់របស់ពួកគេទៅលើការបំពុលប្លាស្ទិកក៏ដោយ ប៉ុន្តែ​អ្នក​ជំនាញ​នៅ​ពី​ក្រោយ​ការ​សិក្សា​បាន​ចង្អុល​បង្ហាញ​ថា ការងារ​របស់​ក្រុមហ៊ុន​ទាំង​នោះ​​ផលិត​ប្លាស្ទិក​ទ្វេ​ដង ចាប់តាំងពីដើមឆ្នាំ 2000 ហើយលទ្ធផលនៃការសិក្សាជាច្រើនបង្ហាញថា មានតែ 9 ភាគរយនៃសំណល់ប្លាស្ទិកប៉ុណ្ណោះដែលត្រូវបានកែច្នៃឡើងវិញ ៕

នៅកម្ពុជារបស់យើង ក្នុងយុទ្ធនាការ «ខ្ញុំមិនប្រើថង់ប្លាស្ទិក» របស់ក្រសួងបរិស្ថាន ក្នុងរយៈពេលតែ ៧ ខែសម្រេចបានគួរជាទីមោទនៈ ក្នុងនេះ ក្រសួងបានបញ្ជ្រាបនៅតាមសាលារៀនទូទាំងប្រទេស និងក្រុមហ៊ុនមួយចំនួន អាជីវករ រួមគ្នាមិនប្រើ និងបំបាត់ថង់ប្លាស្ទិក ។ ការកតសម្គាល់ភាពវិជ្ជមានមួយទៀត គឺនៅតាមសាលារៀន រដ្ឋបាលឃុំស្រុកមួនចំនួន ក្រសួងបរិស្ថានបានបំផុសឲ្យប្រើម៉ាស៊ីនទឹកចម្រោះបណ្តើរហើយ ដោយកាត់បន្ថយដបជ័រមកប្រើប្រាស់ ។

សកម្មភាពនេះ ជាការចូលរួមយ៉ាងធំធេងរបស់កម្ពុជា ក្នុងការបោសសម្អាតឲ្យភពផែនដីរបស់យើងទាំងមូលស្រស់បំព្រងឡើងវិញ ៕