បកប្រែពី Theo Reuters, SCMP
ដោយ លោកស្រី សុកាន
ទូរទស្សន៍រដ្ឋមីយ៉ាន់ម៉ា កាលពីថ្ងៃទី ២៤ ឧសភា បានផ្សាយរូបភាពដំបូងរបស់អតីតទីប្រឹក្សារដ្ឋ គឺលោកស្រី អ៊ុងសានស៊ូឃ្យី ចាប់តាំងពីរដ្ឋប្រហារយោធាជិត ៤ ខែកន្លងមកនេះ ។
នៅក្នុងរបាយការណ៍របស់ទូរទស្សន៍រដ្ឋមីយ៉ាន់ម៉ា (MRTV) នៅល្ងាចថ្ងៃទី ២៤ ខែឧសភា អតីតទីប្រឹក្សារដ្ឋលោកស្រី អ៊ុងសានស៊ូឃ្យី អាយុ៧៥ឆ្នាំ ត្រូវបានគេមើលឃើញកំពុងអង្គុយកៅអីរបស់ចុងចោទ ដៃនៅលើភ្លៅនិង ពាក់របាំងមុខ ។
នៅក្បែរលោកស្រី គឺអតីតប្រធានាធិបតី វីនហេន និងចុងចោទម្នាក់ទៀត គឺអតីតអភិបាលក្រុងណៃយ៉ាង គេឃើញប៉ូលីសពីរនាក់ឈរនៅពីក្រោយពួកគេ ។
នៅលើគណនីធ្វីតធើរ លោក ណាន់ វីនអាន់ បានអត្ថាធិប្បាយលើរូបថតរបស់លោកស្រី ស៊ូឃ្យី នៅក្នុងតុលាការថា«រូបភាពនេះ ធ្វើឲ្យខ្ញុំខូចចិត្ត» ។
អ្នកប្រើប្រាស់ម្នាក់ទៀតឈ្មោះ Su Mon Hlaing បានអត្ថាធិប្បាយថា៖ «ខ្ញុំស្រឡាញ់ម្តាយលោកស្រី អ៊ុង សានស៊ូឃ្យី យើងឈរជាមួយអ្នកដឹកនាំយើងចង់ឲ្យប្រទេសរបស់យើងត្រឡប់មកវិញ» ។
លោកស្រី ស៊ូឃ្យី បានបង្ហាញខ្លួននៅតុលាការនៅថ្ងៃទី ២៤ ខែឧសភាជាលើកដំបូង ចាប់តាំងពីរដ្ឋាភិបាលស៊ីវិលរបស់ មីយ៉ាន់ម៉ាត្រូវបានផ្ដួលរំលំដោយយោធានៅថ្ងៃទី ១ ខែកុម្ភៈ។ យោធាមីយ៉ាន់ម៉ាបានលើកឡើងពីការចោទប្រកាន់ពីការក្លែងបន្លំក្នុងការបោះឆ្នោតកាលពីខែវិច្ឆិកាឆ្នាំទៅ ។ នៅក្នុងការបោះឆ្នោតកាលពីឆ្នាំមុន សម្ព័ន្ធភាពជាតិដើម្បីលទ្ធិប្រជាធិបតេយ្យ (NLD) របស់លោកស្រី ស៊ូឃ្យី បានឈ្នះយ៉ាងភ្លូកទឹកភ្លូកដី ។
ទីភ្នាក់ងារព័ត៌មានរ៉យទ័របានដកស្រង់សម្តីមេធាវី ឃិន មឿងហ្សា ដែលដឹកនាំក្រុមមេធាវីរបស់លោកស្រី ស៊ូឃ្យីបាននិយាយថា សុខភាពរបស់លោកស្រីហាក់នៅក្នុងស្ថានភាពល្អ ។ លោកស្រី ស៊ូឃ្យី មានការប្រជុំរយៈពេល ៣០ នាទីជាមួយក្រុមមេធាវីរបស់លោកស្រី មុនពេលការជំនុំជម្រះចាប់ផ្តើម ។
ទោះយ៉ាងណា មេធាវីរបស់លោក ហ្សាន់ បាននិយាយថា កូនក្តីរបស់លោកមិនមានសិទ្ធិចូលនៅខាងក្នុងកន្លែងឃុំឃាំងនោះទេ ហើយគ្រាន់តែដឹងខ្លះពីអ្វីដែលកំពុងកើតឡើងនៅខាងក្រៅ ។
យោងតាមលោក Zaw ព័ត៌មានតែមួយគត់ដែលលោកស្រី ស៊ូឃ្យី ទទួលបានពីខាងក្រៅ គឺនៅពេលប៉ូលីសបានស្នើសុំឱ្យលោកស្រីមានយោបល់លើបញ្ហាជាក់លាក់ ។ ទោះយ៉ាងណាមេធាវីហ្សូបាននិយាយថា លោកស្រីបានបដិសេធមិនឆ្លើយ ព្រោះលោកស្រីមិនបានដឹងព័ត៌មានលម្អិតអំពីស្ថានភាពនេះទេ ។
លោក ហ្សាង បាននិយាយក្នុងពេលជួបជាមួយមេធាវីរបស់គាត់ថា លោកស្រីស៊ូឃ្យី «សូមជូនពរឲ្យអ្នកទាំងអស់គ្នាមានសុខភាពល្អ» ហើយបានលើកឡើងថា គណបក្ស NLD របស់លោកស្រីអាចនឹងត្រូវរំលាយឆាប់ៗ ។
ជាមួយគ្នានេះដែរទីភ្នាក់ងារសារព័ត៌មានរ៉យទ័រដកស្រង់ស្ថិតិពីអង្គការពលរដ្ឋបាននិយាយថា ក្រុមបាតុករជាង ៨០០ នាក់ត្រូវបានសម្លាប់នៅពេលដែលកម្លាំងសន្តិសុខបានប្រើវិធានការបង្ខំរួមទាំងការបាញ់ផ្ទាល់ដើម្បីបំបែកហ្វូងមនុស្ស ។
លោកស្រីអាយុ ៧៥ ឆ្នាំបានទទួលរង្វាន់ណូបែលសន្តិភាពសម្រាប់កិច្ចខិតខំប្រឹងប្រែងអស់រយៈពេលជាច្រើនទសវត្ស ដើម្បីកសាងលទ្ធិប្រជាធិបតេយ្យនៅក្នុងប្រទេសមីយ៉ាន់ម៉ា ។ លោកស្រី ស៊ូឃ្យី និងប្រធានាធិបតី Win Myint គឺជាមនុស្សពីរនាក់ក្នុងចំណោមមនុស្សជាង ៤.០០០ នាក់ដែលត្រូវបានចាប់ខ្លួនចាប់តាំងពីរដ្ឋប្រហារខែកុម្ភៈនៅក្នុងប្រទេសមីយ៉ាន់ម៉ា ។
លោកស្រីកំពុងត្រូវបានកាត់ទោសពីបទចោទប្រកាន់ជាច្រើន រាប់ចាប់ពីការកាន់កាប់ឧបករណ៍ទំនាក់ទំនងខុសច្បាប់ ទៅនឹងការរំលោភច្បាប់សម្ងាត់របស់រដ្ឋដែលត្រូវផ្តន្ទាទោសដាក់ពន្ធនាគាររហូតដល់ ១៤ ឆ្នាំ ។ លោកស្រីក៏ត្រូវបានចោទប្រកាន់ផងដែរ ពីបទរំលោភលើបទបញ្ជារឹតត្បិតការរីករាលដាលនៃ Covid-19 ការផ្សព្វផ្សាយព័ត៌មានដែលអាចបង្កឱ្យមានការភិតភ័យ ដោយរំលោភលើច្បាប់គ្រប់គ្រងគ្រោះមហន្តរាយជាតិ ។
កាលពីខែមីនា យោធាមីយ៉ាន់ម៉ាបានចោទប្រកាន់លោកស្រី ស៊ូឃ្យី ពីបទទទួលសំណូកចំនួន ៦០ ម៉ឺនដុល្លារនិងមាសមានតម្លៃប្រហែល ៦២៧.៩០៥ ដុល្លារ។ នេះត្រូវបានគេចាត់ទុកថាជាការចោទប្រកាន់ដ៏ធ្ងន់ធ្ងរបំផុតប្រឆាំងនឹងលោកស្រីស៊ូជីខណៈដែលរបបយោធាបានចោទប្រកាន់លោកស្រីពីបទឧក្រិដ្ឋតិចតួចប៉ុណ្ណោះ ៕