អត្ថបទ Bong Rith Kh:
ជនជាតិខ្មែរចំនួន ១២ នាក់បានលួចចូលទឹកដីថៃ ត្រូវកម្លាំងការពារព្រំដែនថៃ ចាប់បាននៅផ្សាររោងក្លឿ ស្រុកអារញ្ញប្រាថេត ខេត្តស្រះកែវ ។
ពលករទាំង ១២ នាក់នោះ មានប្រុស ៧ នាក់ និងស្រ្តី ៥ នាក់ គ្មានឯកសារធ្វើដំណើរ និងឯកសារអនុញ្ញាតឲ្យធ្វើការនៅក្នុងប្រទេសថៃ ត្រូវទាហានព្រានទី 1201 ។ មុននាំខ្លួន កងការពារដែលស្លៀកពាក់ឈុតការពារមេរោគកូវីដ-១៩ បានផ្តល់ម៉ាសពាក់ និងលាងដៃជាមួយជែល អាលក់កុល វាស់កម្តៅ ទើបនាំមកស៊ើបសួរ ។
ជនជាតិខ្មែរទាំង ១២ នាក់បានសារភាពថា ពួកគេបានលួចចូលដីថៃ តាមច្រករបៀង ដោយមិនបានឆ្លងកាត់ការត្រួតពិនិត្យរកមេរោគកូវីដ-១៩ ឡើយ ។ គាត់បានមកធ្វើការជួសជុលស្បែកជើងជជុះនៅភូមិដុងងូ ឃុំប៉ារ៉ៃ ស្រុកអារញ្ញប្រាថេត ខេត្តស្រះកែវ ។
បន្ទាប់ពីស៊ើបសួររួចរាល់ហើយ ភាគីខាងថៃបានបញ្ជូនជនជាតិខ្មែរទាំង ១២ នាក់មកកងកម្លាំងខ្មែរនៅព្រំដែន ៕