វេលាម៉ោង ៦:០០ នាទីល្ងាច ថ្ងៃទី ២៨ ខែមីនា ឆ្នាំ ២០២១ រដ្ឋបាលស្រុកពញាក្រែក សម្រេចបិទដំណើរការលក់ដូរពីម៉ោងនេះតទៅ នៅផ្សារពោធិស្រុក ឃុំកោងកាង ស្រុកពញាក្រែក ខេត្តត្បូងឃ្មុំ ។
មូលហេតុដោយសារនៅថ្ងៃទី ២២ ខែមីនា ឆ្នាំ ២០២១ លោកស្រី ព្រឿង ឡុង មន្ត្រីនគរបាលនៃស្នងការដ្ឋាននគរបាលខេត្តត្បូងឃ្មុំ ដែលមានវិជ្ជមានជំងឺកូវីដ-១៩ បានចូលទិញទំនិញក្នុងផ្សារពោធិស្រុកនេះ ដែលបង្កហានិភ័យខ្ពស់ក្នុងការចម្លងវីរុសកូវី-១៩ ។ រដ្ឋបាលស្រុកពញាក្រែក សម្រេចបិទការលក់ដូរជាបណ្ដោះអាសន្ន ចាប់ពីថ្ងៃទី ២៨ ខែមីនា ឆ្នាំ ២០២១ វេលាម៉ោង ៦:០០ នាទីល្ងាចនេះតទៅ រហូតដល់មានការជូនដំណឹងជាថ្មី ។
ចូរអនុវត្តឲ្យបានខ្ជាប់ខ្ជួនតាមប្រសាសន៍របស់សម្តេចតេជោ នាយករដ្ឋមន្ត្រី ហ៊ុន សែន «៣ការពារ ៣កុំ» ៕
ប្រភព ៖ ឯកសារសុខាភិបាលសាធារណៈ
ដោយ ណយ វង្ស