រដ្ឋមន្រ្តីក្រសួងការបរទេសសហរដ្ឋអាមេរិក បានព្រមានប្រទេសលោកខាងលិចឱ្យមានការប្រុងប្រយ័ត្នចំពោះការវិនិយោគចិន ចំពេលមានការព្រួយបារម្ភកាន់តែខ្លាំងអំពីការកើនឡើងរបស់ទីក្រុងប៉េកាំង ។

នៅក្នុងបទសម្ភាសន៍ជាមួយ BBC ថ្ងៃទី ៦ ឧសភា នៅពេលសួរអំពីការវិនិយោគដ៏ធំរបស់ចិននៅបស្ចិមប្រទេស លោករដ្ឋមន្រ្តីក្រសួងការបរទេស Antony Blinken និយាយថា សហរដ្ឋអាមេរិកមិនបានព្យាយាមរឹតត្បិត ឬដាក់កម្រិតលើចិនទេ ផ្ទុយទៅវិញលោកខាងលិចចង់រក្សាបទបញ្ជាអន្តរជាតិផ្អែកលើច្បាប់ ដែលបានបង្កើតឡើងបន្ទាប់ពីសង្គ្រាមលោកលើកទី ២ ។

លោក Antony Blinken រដ្ឋមន្រ្តីក្រសួងការបរទេសសហរដ្ឋអាមេរិក

លោក Blinken មានប្រសាសន៍ថា «ខ្ញុំគិតថាយើងត្រូវតែប្រយ័ត្នប្រយែងបំផុតអំពីអ្វីដែលជាការវិនិយោគនោះ ...​ប្រសិន​បើពួកគេ (ចិន) កំពុងវិនិយោគនៅក្នុងឧស្សាហកម្មយុទ្ធសាស្រ្តនោះ ទ្រព្យសម្បត្តិជាយុទ្ធសាស្ត្រទាំងនោះគឺជាអ្វីដែលប្រទេសនានាត្រូវពិចារណាដោយយកចិត្តទុកដាក់បំផុត» ។

យោងតាមព័ត៌មានរ៉យទ័រថា ការកើនឡើងនៃប្រទេសចិនកំពុងធ្វើឱ្យបណ្តាប្រទេសលោកខាងលិចព្រួយបារម្ភ  លោកខាងលិចនៅតែខិតខំប្រឹងប្រែងធ្វើយ៉ាងណាឱ្យមានគោលនយោបាយរួមស្តីពីប្រទេសចិន  បន្ទាប់ពីអស់រយៈពេលជាច្រើនឆ្នាំពីការមើលឃើញប្រទេសចិនជាប្រភពនៃការវិនិយោគ ដែលរកចំណូលបាន ឥឡូវនេះលោកខាងលិចមើលឃើញថា ប្រទេសចិនគឺជាការគំរាមកំហែងដល់ស្ថិរភាពពិភពលោក ។

ប្រធានាធិបតី ចូ បៃដេន៖ ប្រទេសចិនកំពុងតែប្រឆាំងនឹងអាមេរិក

នៅថ្ងៃទី ៦ ឧសភា ថ្លែងនៅរដ្ឋ Louisiana ដែលជាកន្លែងមានទំនៀមទំលាប់នៃការគាំទ្ររបស់សាធារណរដ្ឋលោក ចូ បៃដេន (Joe Biden) ប្រធានាធិបតីអាមេរិកបានដាក់សំណើរហេដ្ឋារចនាសម្ព័ន្ធដែលមានតម្លៃ ២,៣ លានលានដុល្លារដោយមើលឃើញថា វាជាមធ្យោបាយមួយដើម្បីធានាការពារឧត្តមភាពរបស់អាមេរិកនៅទូទាំងពិភពលោក ។

 ប្រធានាធិបតីសហរដ្ឋអាមេរិក ចូ បៃដេន

យោងតាមលោកប្រធានាធិបតី បៃដេន បន្ថែមពីលើការផ្តល់មូលនិធិដល់ហេដ្ឋារចនាសម្ព័ន្ធបែបប្រពៃណី ដូចជាការ ដឹកជញ្ជូនតាមផ្លូវគោក ផែនការរបស់លោកក៏បានចាក់ប្រាក់ចូលទៅក្នុងវិស័យមួយចំនួន ដូចជាប្រព័ន្ធអ៊ិនធឺណេត និងការស្រាវជ្រាវ និងការអភិវឌ្ឍរថយន្តអគ្គិសនី នឹងទទួលបានជោគជ័យជាសាធារណៈ។

លោក Biden បាននិយាយថា វាគឺជា«ប្លង់មេដើម្បីកសាងអាមេរិក ជំរុញសេដ្ឋកិច្ចរបស់យើងឡើងវិញ ដូច្នេះយើងអាចផ្លាស់ប្តូរទំនិញទៅធ្វើការ និងប្រកួតប្រជែងគ្នានៅជុំវិញពិភពលោក នៅពេលឈរនៅលើវេទិការបើកចំហនៅបឹង Charles ។

លោកប្រធានាធិបតី បៃដេន ក៏បានលើកកម្ពស់ផែនការគ្រួសារអាមេរិចចំនួន ១,៨ សែនកោដិដុល្លារ ដែលស្នើសុំពង្រីកវិស័យអប់រំវិធានការការពារសង្គម ហើយនិងត្រូវចំណាយតាមរយៈការដំឡើងពន្ធលើអ្នកមាន ។ លោក បៃដេន បាននិយាយថា គួរតែមានចក្ខុវិស័យថ្មីមួយផ្តោតលើការស្រាវជ្រាវ និងការអភិវឌ្ឍន៍ ពីព្រោះ«ជនជាតិចិនកំពុងលេចធ្លោ» លើអាមេរិក ។

លោក Biden បានប្រកាសថា «ពួកគេ (ចិន) ពូកែនាំយើង ពួកគេកំពុងវិនិយោគរាប់រយពាន់លានដុល្លារក្នុងការស្រាវជ្រាវ ប្រសិនបើវាបន្ត ពួកគេនឹងកាន់កាប់ទីផ្សាររថយន្តអគ្គិសនីនៅលើពិភពលោក» ។ ផែនការរបស់ប្រធានា​ធិបតី Biden ត្រូវបានគាំទ្រដោយក្រុមអ្នកប្រជាធិបតេយ្យ ប៉ុន្តែសមាជិកសភាមកពីគណបក្សសាធារណរដ្ឋ បានជំទាស់ថា វានឹងនាំទៅរកការចំណាយដែលមិនមានការគ្រប់គ្រង ហើយកំពុងស្នើសុំផែនការតិចតួចមួយទៀតដែលចំណាយកាន់តែច្រើន។

គណបក្សសាធារណរដ្ឋក៏ប្រឆាំងនឹងការអំពាវនាវរបស់លោកប្រធានាធិបតី Biden ដើម្បីផ្តល់ថវិកាដល់ផែនការហេដ្ឋារចនាសម្ព័ន្ធមួយដោយបង្កើនអត្រាពន្ធសាជីវកម្មពី ២១ ទៅ ២៨% ៕

បកប្រែពី Theo Reuters, AFP

ដោយ សុកាន