កាន់តែក្តៅគគុកហើយ សង្គ្រាមមីស៊ីលរំលងទ្វីប ឈាមសងដោយឈាម រវាងអ៊ីស្រាអែល និងក្រុមហាម៉ាស ជាកងកម្លាំងប្រដាប់អាវុធរបស់ប៉ាឡេស្ទីន គ្មានផ្លូវដោះស្រាយចេញរួចស្រួលៗនោះឡើយ ក្រោយពីបើកឆាកវាយប្រហារតាំងពីរាត្រីថ្ងៃទី ១០ ខែឧសភាកន្លងមក រហូតមានអ្នកស្លាប់ ៤០ នាក់ហើយ ។
ព័ត៌មានពីកាសែតបរទេសរាយការណ៍ថា ក្រុមប្រដាប់អាវុធហាម៉ាសថ្លែងថា ពួកគេបានបាញ់មីស៊ីល ១៣០ គ្រាប់ចូលក្រុងតេវអាវីវ របស់អ៊ីស្រាអែល ដើម្បីជាការសងសឹកក្រោយអ៊ីស្រាអែលធ្វើប្រតិបត្តិការវាយប្រហារតាមផ្លូវអាកាស បាញ់ដាក់អគារខ្ពស់ឈ្មោះ ហាណាឌី ថាវើរ មាន ១៣ ជាន់នៅតំបន់ជ្រោយកាសា ក្នុងទីក្រុងកាសា ស៊ីធី ដោយអគារនេះត្រូវបាញ់ដាក់រយៈពេលមួយម៉ោងកន្លះទើបដួលរលំ ។
កងទ័ពអ៊ីស្រាអែល កំពុងវាយប្រហារគោលដៅរបស់ក្រុមក្បាលរឹងហាម៉ាស ដោយបាញ់មីស៊ីលរាប់រយគ្រាប់ជញ្ជ្រាំចូលទីក្រុងយេរូសាឡឹម និងតំបន់ដទៃទៀត រហូតពេលនេះមានអ្នកស្លាប់ ៤០ នាក់ ដោយ ៥ នាក់ស្លាប់ក្នុងអ៊ីស្រាអែល ក្នុងចំនួន ៤០ នាក់នោះមានកុមារ ១២ នាក់ និងរបួស ២០០ នាក់ ៕
ដោយ ម៉ារ៉ា