សហភាពអឺរ៉ុប ឬEU បានបើកព្រំដែនហើយ ចំពោះអ្នកធ្វើដំណើរមកពីខាងក្រៅ ដែលអ្នកធ្វើដំណើរទាំងនោះ ជាអ្នកដែលបានទទួលវ៉ាក់សាំងការពារកូវីដ-១៩ គ្រប់ដូស ឬ មនុស្សមកពីបណ្តាក្រុមប្រទេសមានហានិភ័យកូវីដ-១៩ទាប ។
ការបន្ថយវិធានការគ្រប់គ្រងការធ្វើដំណើរចូលនេះ នឹងបើកទទួលអ្នកធ្វើដំណើរដែលបានទទួលការចាក់វ៉ាក់សាំង មិនទាប ២ សប្តាហ៍ឡើយ និងជាវ៉ាក់សាំងដែលទទួលស្គាល់ដោយអង្គការសុខភាពពិភពលោក(WHO) គឺAstraZeneca, Johnson & Johnson, Moderna, Pfizer និងSinoFam ។
ចំណែកប្រទេសមានហានិភ័យទាប នឹងបើកដំណើរការនៅថ្ងៃសុក្រ ទី ២១ ខែឧសភា ឆ្នាំ ២០២១ នេះហើយ ។ ការប្រែប្រួលនេះត្រូវបានគេរំពឹងថា ជាមធ្យោបាយមួយដើម្បីជួយប្រទេសសមាជិកដែលសេដ្ឋកិច្ចពឹងផ្អែកលើវិស័យទេសចរណ៍ ដូចជា ប្រទេសក្រិក និង អេស្ប៉ាញ ជាដើម ។
កន្លងមក ប្រទេសសមាជិកសហភាពអឺរ៉ុបផ្សេងទៀត ដែលមានសេដ្ឋកិច្ចពឹងផ្អែកតិចលើវិស័យទេសចរណ៍ ជាពិសេសអឺរ៉ុបខាងជើង អនុញ្ញាតឱ្យតែអ្នកធ្វើដំណើរពិតប្រាកដប៉ុណ្ណោះ ប៉ុន្តែក្រោយមកបានយល់ព្រមកាត់បន្ថយលក្ខខណ្ឌទាំងនេះ បន្ទាប់ពីពិភពលោកមានការរីកចម្រើនបន្ថែមទៀតលើការចាក់វ៉ាក់សាំង ៕
ប្រទេសក្រិក