ប្រភព matichon co th:
ដោយ ចាន់ធឿន៖
ថ្ងៃទី ១៥ ខែកក្កដានេះ រថយន្តដឹកទំនិញអុកស៊ីហ្សែនចំនួន ២៦ គ្រឿង ដែលមានចំណុះ ២០ តោនក្នុងមួយគ្រឿងធ្វើដំណើរពីប្រទេសថៃ ឆ្លងកាត់ព្រំដែន នៅឯស្ពានមិត្តភាពថៃ - មីយ៉ាន់ម៉ា ខេត្តតាក-រដ្ឋការៀង បានមកដល់ខេត្ត ប្រទេស មីយ៉ាន់ម៉ា បញ្ជូនបន្តទៅទីក្រុងយ៉ាំងហ្គោន ដើម្បីយកទៅព្យាបាលអ្នកជំងឺកូវីដ-១៩ ។
នេះក៏ព្រោះតែក្នុងមួយសប្តាហ៍កន្លងមកនេះ រហូតមកដល់ពេលនេះ ប្រជាជនមីយ៉ាន់ម៉ាបានទិញបំពង់អុកស៊ីហ្សែនដែលខ្វះក្នុងការជួយសង្គ្រោះអ្នកជំងឺ និងមានស្លាប់ចំនួនច្រើន ខណៈពេលដែលមន្ទីរពេទ្យពោរពេញដោយអ្នកជំងឺ ក្នុងស្ថានការណ៍នៃការផ្ទុះកូវីដ-១៩ ក្នុងប្រទេសមីយ៉ាន់ម៉ា ។ នៅចន្លោះថ្ងៃទី ១៣ ខែកក្កដា ដល់ថ្ងៃទី ១៤ ខែកក្កដាមានមនុស្សចំនួន ៥០០ នាក់បានស្លាប់ ធ្វើឲ្យទីបញ្ចុះសពយេវ៉េ នៅក្នុងទីក្រុងយ៉ាំងហ្គោន ពេញទៅដោយសាកសព និងត្រូវដុតក្នុងរយៈពេល ២៤ ម៉ោង, សាច់ញាតិត្រូវដោះស្រាយវិបត្តិនេះ ដោយការទិញបំពង់អុកស៊ីហ្សែន ដែលជាការទិញរវាងអ្នកតំណាងរដ្ឋាភិបាលមីយ៉ាន់ម៉ា និងវិស័យឯកជនថៃ ៕