ប្រភព Theo Indian Express
ដោយ សុកាន
នាវាផ្ទុកយន្តហោះអាមេរិក USS Carl Vinson និងនាវាចម្បាំងដ៏មានឥទ្ធិពលនៃប្រទេស៤ សហរដ្ឋអាមេរិក ឥណ្ឌា អូស្ត្រាលី និងជប៉ុន បានចូលរួមធ្វើសមយុទ្ធ Malabar ដំណាក់កាលទី ២ នៅឈូងសមុទ្របេងហ្គាល់ ។
យោងតាមសារព័ត៌មានឥណ្ឌាអ៊ិចប្រេសផ្សាយថា វគ្គទី ២ នៃការធ្វើសមយុទ្ធឆ្នាំ ២០២១ នេះ បានចាប់ផ្តើមនៅថ្ងៃទី ១២ ខែតុលានៅតំបន់ឈូងសមុទ្របេងហ្គាល់ ហើយមានរយៈពេល ៤ ថ្ងៃ។
អាមេរិកបានបញ្ជូននាវាផ្ទុកយន្តហោះដើរដោយថាមពលនុយក្លេអ៊ែរ USS Carl Vinson និងនាវាចម្បាំងមកពីប្រទេសចំនួនបីផ្សេងទៀត រួមគ្នាដំឡើងប្ញក ។ កាលដំណាក់កាលទី ១ នៃលំហាត់ម៉ាឡាបានៅឆ្នាំនេះនឹងប្រព្រឹត្តទៅនៅសមុទ្រហ្វីលីពីនពីថ្ងៃទី ២៦-២៩ ខែសីហា ឆ្នាំ ២០២១ ។
កងទ័ពជើងទឹកឥណ្ឌាបាននិយាយថា សមយុទ្ធម៉ាឡាបាដំណាក់កាលទី ២ ហាក់មានភាពស្មុគស្មាញបន្តិច ដែលពាក់ព័ន្ធនឹងនាវាចម្បាំងជួរមុខជាច្រើន និងទ្រព្យសម្បត្តិរបស់កងទ័ពជើងទឹកទាំងបួន ។
ញូវដេលីបានបញ្ជូននាវាចម្បាំង INS Ranvijay, INS Satpura, នាវាមុជទឹក, កងនាវាល្បាតដែនសមុទ្ររយៈចម្ងាយឆ្ងាយ P8I ដើម្បីចូលរួមសមយុទ្ធនេះ បន្ថែមពីលើនាវា Carl Vinson អាមេរិកបានដាក់ពង្រាយនាវាល្បាតមីស៊ីលនាំផ្លូវថ្នាក់ Ticonderoga ឈ្មោះ USS Lake Champlain និងនាវាពិឃាតមីស៊ីលនាំផ្លូវ Arleigh Burke ឈ្មោះ USS Stockdale ។
ជាមួយគ្នានេះកងកម្លាំងស្វ័យការពារដែនសមុទ្រជប៉ុន ក៏បានដាក់ពង្រាយនាវាផ្ទុកឧទ្ធម្ភាគចក្រ JS Kaga និងនាវាពិឃាត Murasame-class JS Murasame ផងដែរ ។ រីឯកងនាវាអូស្ត្រាលីបានបញ្ជូននាវា HMAS Ballarat និង HMAS Sirius ដើម្បីចូលរួមក្នុងសមយុទ្ធនេះ ។
ការបង្កើនសកម្មភាពកិច្ចសហប្រតិបត្តិការនាពេលថ្មីៗនេះរបស់ក្រុម Quartet ឆ្ពោះទៅរកគោលដៅ «ឥណ្ឌូប៉ាស៊ីហ្វិកសេរី និងបើកចំហ» ត្រូវបានគេនិយាយថា មានគោលបំណង ដើម្បីទប់ទល់ឥទ្ធិពលរបស់ទីក្រុងប៉េកាំង នេះបើយោងតាមអ្នកជំនាញពិភពលោកអះអាង ។
លំហាត់ម៉ាឡាបាបានធ្វើឡើងជាលើកដំបូងនៅឆ្នាំ ១៩៩២ ជាសមយុទ្ធទ្វេភាគីរវាងកងទ័ពជើងទឹកឥណ្ឌា និងកងទ័ពជើងទឹកអាមេរិកនៅមហាសមុទ្រឥណ្ឌា ។ ប្រទេសជប៉ុនបានក្លាយជាសមាជិកអចិន្ត្រៃយ៍នៃសមយុទ្ធនេះនៅឆ្នាំ ២០១៥ ៕