អត្ថបទ សូរ្យរិទ្ធ៖
រុស្ស៊ីបានចេញផ្សាយបញ្ជីឈ្មោះប្រទេស/ដែនដីអរិភាពចំនួន ២២ ប្រទេស ដោយសារជាប់ពាក់ព័ន្ធនឹងការដាក់ទណ្ឌកម្មលើរុស្ស៊ី បន្ទាប់ពីប្រធានាធិបតី ពូទីន បានបញ្ជាឲ្យកងទ័ពឈ្លានពានអ៊ុយក្រែន ក្នុងនេះ «ស្វីស-សិង្ហបុរី-កូរ៉េខាងត្បូង-តៃវ៉ាន់» សុទ្ទតែត្រូវបានកំណត់គោលដៅផងដែរ ។
បណ្តាញសារព័ត៌មានរបស់រុស្ស៊ី RIAN និង TASS បានបង្ហាញឈ្មោះ ២១ ប្រទេស និងមួយទៀត ជាទឹកដីមិនមែនជាមិត្តជាមួយរុស្ស៊ី ដែលប្រទេសទាំងនោះ ជាប់ពាក់ព័ន្ធនឹងការដាក់ទណ្ឌកម្មរុស្ស៊ី ក្រុមហ៊ុន និង ប្រជាជនរុស្ស៊ី ។
១. អូស្ត្រាលី
២. អង់គ្លេស (រួមទាំងប្រជុំកោះ ជឺស៊ី អេងក្វីលឡា ប្រជុំកោះប្រិទិវើរជិន យីប្រូតា)
៣. ជាតិសមាជិកអឺរ៉ុប (EU)
៤. អាយលែនដ៍
៥. កាណាដា
៦. លិកស្តេនតៃ
៧. ម៉ូណាកូ
៨. ន័រវេស
៩. កូរ៉េខាងត្បូង
១០. សានម៉ារីណូ
១១ . សិង្ហបុរី (ក្នុងប្លុកអាស៊ាន)
១២. សហរដ្ឋអាមេរិក
១៤. អ៊ុយក្រែន
១៥. ម៉ុងតេណេហ្គ្រោ
១៦. ស្វីស
១៧. ជប៉ុន
១៨. ម៉ៃក្រូនីសៀ
១៩. អាល់បានី
២០. អង់កូរ៉ា
២១. ម៉ាសេដូនៀ ខាងជើង
២២. តៃវ៉ាន់
មុននេះ ប្រធានាធិបតីរុស្ស៊ី ពូទីន ធ្លាប់បានព្រមានថា លោកនឹងមើលប្រទេសនានាដែលកំណត់តំបន់ហាមហោះហើរពីលើទីក្រុងមូស្គូ ដែលកំពុងចូលរួមក្នុងជម្លោះ ។
«យើងនឹងចាត់ទុកពួកគេភ្លាមៗថាជាអ្នកចូលរួមក្នុងជម្លោះ ។ លោក ពូទីន បាននិយាយថា៖ «វាមិនមានបញ្ហាថាអង្គការណាជារបស់ពួកគេទេ វាមិនអាចទៅរួចទេក្នុងការធ្វើមកលើទឹកដីអ៊ុយក្រែន ហើយលទ្ធភាពតែមួយគត់គឺមកពីទឹកដីនៃរដ្ឋជិតខាងមួយចំនួន ប៉ុន្តែចលនាណាមួយ ក្នុងទិសដៅនេះ យើងនឹងចាត់ទុកវាជាអ្នកចូលរួមក្នុងជម្លោះប្រដាប់អាវុធ» ៕