អត្ថបទ សូរ្យរិទ្ធ៖
ក្រសួងការពារ NUG នៃរដ្ឋាភិបាលស្រមោល របស់ក្រុមសមាជិកគណបក្ស NLD ក្នុងមីយ៉ាន់ម៉ា បានប្រកាសបង្កើតកងកម្លាំងប្រដាប់អាវុធ កងពល 5101 សម្រាប់ប្រយុទ្ធជាមួយទាហានរដ្ឋាភិបាលមីយ៉ាន់ម៉ា ដែលពីមុនបានប្រើយុទ្ធវិធីវាយឈ្លបទៅលើ ទាហាន និងប៉ូលិស ។
ខ្លឹមសារនៃសេចក្តីប្រកាសអះអាងថា បន្ទាប់ពី NUG បានប្រកាសថា ក្រុមក្រុមប្រឹក្សាប្រតិបត្តិរដ្ឋ (SAC) ទាំងអស់នៅគ្រប់តំបន់ រដ្ឋជនជាតិភាគតិចទាំងអស់នៃប្រទេសមីយ៉ាន់ម៉ា បង្កើតកម្លាំងប្រដាប់អាវុធដើម្បីទប់ទល់ជាមួយកងទ័ពរដ្ឋាភិបាល ចាប់តាំងពីថ្ងៃទី៥ ខែឧសភា ឆ្នាំ២០២១មក ប្រតិបត្តិការរបស់កងកម្លាំងប្រដាប់អាវុធប្រឆាំងនៅតំបន់ យ៉ាំងហ្គោន វាជាលក្ខណៈនៃការបង្កើតក្រុមរង ដែលបានខ្ចាត់ខ្ចាយពីចំណុចផ្សេងៗ ។ នេះជាយុទ្ធសាស្ត្រសង្គ្រាមទ័ពព្រៃ ។
ដើម្បីប្រយុទ្ធប្រឆាំងនឹងយោធា ប៉ូលិស នៃក្រុមប្រឹក្សាប្រតិបត្តិរដ្ឋឲ្យមានប្រសិទ្ធភាព កងកម្លាំងប្រដាប់អាវុធដែលខ្ចាត់ខ្ចាយត្រូវរៀបចំជាកងវរសេនាតូចជាប្រព័ន្ធ ក្រោមការបញ្ជារបស់ក្រសួងការពារជាតិ NUG ដែលមានប្រសិទ្ធភាពចាប់ពីថ្ងៃទី 1 ខែមិថុនា ឆ្នាំ 2023 តទៅ។
បច្ចុប្បន្ននេះ មានតំបន់សំខាន់ៗចំនួនបី ក្នុងការប្រយុទ្ធគ្នាដែលកំពុងបន្តរវាងកងជីវពល NUG និងកងទ័ព មីយ៉ាន់ ម៉ា នៅតំបន់ Sagaing តំបន់ Magway និងតំបន់ Tanintharyi ។ នៅក្នុងរដ្ឋជនជាតិភាគតិច កងកម្លាំងប្រដាប់អាវុធ NUG ប្រតិបត្តិការរួមជាមួយនឹងកងកម្លាំងប្រដាប់អាវុធនៃក្រុមជនជាតិនីមួយៗ ដូចជានៅក្នុងរដ្ឋការេន (Karen), កាឈីន (Kachin), ឈីន (Chin) និង កាយ៉ាស (Kayah) ៕