ថ្មីៗនេះប្រទេសកូរ៉េខាងជើងបានអនុម័តច្បាប់ថ្មី ដើម្បីលុបបំបាត់ឥទ្ធិពលបរទេសតាមគ្រប់រូបភាព ដែលនរណាក៏ដោយ ដែលនាំចូល និងគ្រប់គ្រងប្រព័ន្ធផ្សព្វផ្សាយ ឬសូម្បីតែស្លៀកពាក់បែបបរទេស ឬគ្រាន់តែប្រើពាក្យពេចន៍ ឬពាក្យស្លោក នឹងត្រូវទទួលទណ្ឌកម្មយ៉ាងធ្ងន់ធ្ងរ ។
ការចេញច្បាប់ថ្មីដ៏តឹងរ៉ឹងនេះ មើលទៅជាពិធីការរបស់លោក គីម ជុង-អ៊ុន ដែលនឹងនាំប្រទេសទៅរកសភាពបែបដើម ។ ក្នុងពេលជាមួយគ្នានេះ មានរបាយការណ៍ថា លោក គីម បានអំពាវនាវឲ្យសហព័ន្ធយុវជនកូរ៉េខាងជើងជួយបង្ក្រាប «អាកប្បកិរិយាដែលមិនទទួលភាពភាពជាបុគ្គល និងការប្រឆាំងនឹងសង្គមនិយម» ក្នុងចំណោមយុវតី ដោយគាត់ចង់បញ្ឈប់យុវជន និងយុវតី កុំឲ្យធ្វើអ្វីដែលលោកហៅថា «ថ្នាំពុលដ៏គ្រោះថ្នាក់»ដូចជាការនិយាយ ការទុកសក់វែង និងការស្លៀកពាក់តែងខ្លួនបែបជនបរទេស មើលភាពយន្តបរទេស ជាដើម ។
ពី bbc ដោយ សូរ្យសែង៖
វេបសាយ ដេលី អេន.ខេ (Daily NK) ជាកាសែតដំបូងដែលបានឃើញសំណៅច្បាប់ថ្មីនេះ ។ លោក លី សាំង យ៉ុង បណ្ណាធិការរបស់ Daily NK ប្រាប់ BBC ថា ខ្លឹមសារច្បាប់និយាយថា «ប្រសិនកម្មករណាត្រូវចាប់បានពីការប្រព្រឹត្តកំហុស ប្រធានរោងចក្រនឹងត្រូវពិន័យទោស ហើយប្រសិនកុមារបង្កបញ្ហា នោះអ្នកគ្រប់គ្រងក៏ត្រូវដាក់ទោសដូចគ្នា ។ ក្នុងច្បាប់នេះ នៅបានគាំទ្រឲ្យប្រជាជនអង្កេតគ្នាទៅវិញទៅមកផងដែរ» ។
អ្នកវិភាគជាច្រើនយល់ថា មេដឹកនាំកូរ៉េខាងជើងព្យាយាមបញ្ឈប់សារព័ត៌មានបរទេស មិនឲ្យចូលក្នុងកូរ៉េខាងជើង ពីព្រោះជីវិតរស់នៅនៅទីនោះកំពុងកាន់តែអាក្រក់ទៅៗ ។ មានព័ត៌មានថា ប្រជាជនកូរ៉េខាងជើងរាប់លាននាក់កំពុងប្រឈមមុខនឹងទុរ្ភិក្ស ដូច្នេះទើបលោក គីម ចង់ធ្វើឱ្យប្រាកដថាប្រជាជនទទួលបានតែព័ត៌មាន និងការឃោសនាដែលមានប្រភពចេញពីរដ្ឋតែប៉ុណ្ណោះ ឲ្យច្រើនលើសពីរូបភាពនៃជីវិតសុខស្រួលរបស់ប្រជាជនកូរ៉េខាងត្បូងដែលជាឈាមបងប្អូន និងក៏ជាប្រទេសគូសត្រូវស៊ីសាច់ហុតឈាមជាមួយគ្នាផងដែរ ៕