ដោយ សូរ្យសែង៖
សេលីន ដាយអន (Celine Dion) អាយុ 55 ឆ្នាំ តារាចម្រៀងដ៏ល្បីល្បាញដែលបានសរសេរបទចម្រៀង My Heart Will Go On (ឬបេះដូងមហាសមុទ្រ) ពីខ្សែភាពយន្តដ៏ល្បីល្បាញលើពិភពលោកតីតានិក (Titanic) បានធ្លាក់ខ្លួនឈឺដោយជំងឺ Stiff Person Syndrome ដ៏កម្រមួយ គឺអត្រាកើតឡើង ១លាននាក់ ជួបតែម្នាក់ប៉ុណ្ណោះ។ ជំងឺនេះបង្កឡើងដោយជំងឺអូតូអ៊ុយមីនមិនប្រក្រតីនៅក្នុងខួរក្បាល និងឆ្អឹងខ្នង ហើយបណ្តាលឱ្យលោកស្រីបានបាត់បង់ការគ្រប់គ្រងសាច់ដុំ។
លោកស្រី សេលីន ដាយអន បានប្រាប់ទីភ្នាក់ងារសារព័ត៌មានថា គ្រប់ពេលវេលាគាត់តែងតែតាំងចិត្ត និងដាក់វិន័យក្នុងការព្យាបាលជម្ងឺរបស់នាង ហើយម្តាយរបស់គាត់តែងតែលើកទឹកចិត្តឲ្យ«កូនត្រូវតែរឹងមាំឡើងវិញ»។
«ក្តីស្រមៃរបស់ខ្ញុំគឺចង់ឡើងច្រៀងនៅលើឆាកម្តងទៀត មិនថាអាចច្រៀងបានកម្រិតណាក៏ដោយ...ខ្ញុំនឹកគ្រប់ពេលដែលខ្ញុំនៅលើឆាក» ។ សេលីន និយាយ ។
លោកស្រី សេលីន ដាយអន ត្រូវបានពេទ្យធ្វើរោគវិនិច្ឆ័យថា មានជំងឺ Stiff Person Syndrome នៅក្នុងខែធ្នូ ឆ្នាំ ២០២២ ដែលបណ្តាលឱ្យលុបចោលដំណើរទេសចរណ៍ពិភពលោករបស់លោកស្រី ដោយសារតែជំងឺធ្វើឱ្យលោកស្រីឈឺចាប់ដែលមិនអាចគ្រប់គ្រងបាន ៕