ហ្ស៊ី ជិនពីង ឲ្យអ្នកការទូតចិន រួមគ្នាបង្កើត «កងទ័ពការទូតដ៏រឹងមាំ» ដើម្បីក្រោកឈរឡើងតស៊ូជាមួយលោកខាងលិច
ដោយ សូរ្យសែង៖
ទីភ្នាក់ងារព័ត៌មានបរទេសរាយការណ៍ពីទីក្រុងប៉េកាំង ប្រទេសចិនកាលពីនៅថ្ងៃទី ៣០ ខែធ្នូថា ប្រធានាធិបតីចិនលោក ហ្ស៊ី ជិនពីង បានថ្លែងទៅកាន់ឯកអគ្គរដ្ឋទូតចិន ដែលបានត្រឡប់មកចូលរួមសន្និសីទទំនាក់ទំនងអន្តរជាតិកណ្តាលនៅមហាសាលប្រជាជន នាទីក្រុងប៉េកាំង កាលពីថ្ងៃព្រហស្បតិ៍ ទី ២៨ ធ្នូ ដោយបានអំពាវនាវឲ្យមានការចាត់វិធានការយ៉ាងម៉ឺងម៉ាត់ដើម្បីការពារអធិបតេយ្យភាព និងសន្តិសុខជាតិ ចូលរួមអភិវឌ្ឍន៍ប្រទេសជាតិ ជាមួយនឹងការត្រៀមខ្លួន និងការតាំងចិត្តថា វា «ចាំបាច់» ដើម្បីទប់ទល់នឹងការខិតខំប្រឹងប្រែងរបស់មហាអំណាច ដែលចង់បង្កើនសម្ពាធ ដើម្បីគៀបសង្កត់ប្រទេសចិន ។
មេដឹកនាំចិន ក៏បានអំពាវនាវដល់ឯកអគ្គរដ្ឋទូត និងតំណាងការទូតជាន់ខ្ពស់នៅបរទេស ឲ្យប្រកាន់ខ្ជាប់ និងអនុវត្តតាមច្បាប់ និងបទបញ្ជារបស់បក្សកុម្មុយនិស្ត «យ៉ាងតឹងរឹង» ដើម្បីរៀបចំ «កងទ័ពការទូតស្មោះត្រង់ចំពោះបក្ស» ។ គុណសម្បត្តិបែបនេះគឺជាមូលដ្ឋានសំខាន់ ខាង«វប្បធម៌ការទូតដ៏អស្ចារ្យ» របស់ប្រទេសចិន ។
មេដឹកនាំចិនក៏បានបរិហារការទូតលោកខាងលិចថាជា «ការសម្លុត» និង «បំភិតបំភ័យ» ដើម្បីបង្ហាញពីឧត្តមភាពរបស់ពួកគេ ដូច្នេះហើយយើងស្នើដល់បុគ្គលិកការទូតទាំងអស់របស់រដ្ឋាភិបាលក្រុងប៉េកាំង ដែលកំពុងបំពេញភារកិច្ចនៅបរទេស បន្ត «ជំរុញស្មារតីប្រយុទ្ធ» ៕
អត្ថបទប្រហាក់ប្រហែល
ពាណិជ្ជកម្ម
អត្ថបទថ្មីៗ
អត្ថបទពេញនិយម